မားကို့စ်ကို သူရဲကောင်းဗိမာန်တွင် မြှုပ်နှံ၍ အငြင်းပွားမှု ပေါ်ပေါက်

မနီလာ - ဖိလစ်ပိုင်နိုင်ငံ၏ အာဏာရှင် ဟောင်း ဖာဒီနန် မားကို့စ်ကို သူရဲကောင်း ဗိမာန်တွင်
ပြန်လည်မြှုပ်နှံရန် သမ္မတအဖြစ် ရွေးချယ်တင်မြှောက်ခံထားရသော ရိုဒရီဂို ဒူတာတေး၏ 
အစီအစဉ်ကြောင့် မေ ၂၄ ရက်တွင် မကျေနပ်မှုများပေါ်ပေါက်လာပြီး မားကို့စ်ခေတ်က
ထိခိုက်နစ်နာခံခဲ့ရသူများက မားကို့စ်၏ ကျူးလွန်ခဲ့သော ရာဇဝတ်မှုများကို ပပျောက်အောင်
သင်ပုန်းချေခြင်းဖြစ်မည်ဟု သတိပေးခဲ့သည်။

ယခုနှစ် မေလအတွင်း ကျင်းပခဲ့သည့် ရွေးကောက်ပွဲများတွင် မဲအပြတ်အသတ် အနိုင်ရပြီး
သမ္မတအဖြစ် ရွေးကောက်တင်မြှောက်ခံခဲ့ရသူ ရိုဒရီဂို ဒူတာတေးက မေ ၂၃ ရက်တွင်
ကြေညာခဲ့ရာ၌ မားကို့စ်၏ ရုပ်အလောင်းကို မနီလာမြို့ရှိ သူရဲကောင်းများ သုသာန်တွင်
မြှုပ်နှံသင်္ဂြိုဟ်ရန် ခွင့်ပြုမည် ဟုဆိုသည်။

ထိုသို့ခွင့်ပြုခြင်းသည် အာဏာရှင်ဟောင်း မားကို့စ်၏ မိသားစုများအတွက် နောက်ထပ်
အောင်ပွဲကြီးတစ်ရပ်ဖြစ်ပြီး နိုင်ငံရေးလောကသို့ ပြန်လည်ဝင်လာရန် ထင်ရှားသိသာသော
ကူညီဆောင်ရွက်ပေးမှု ဖြစ်သည်။

''သူ့ကို ဤသုသာန်မှာ မြှုပ်နှံလိုက် မယ်ဆိုရင် ပြည်သူလူထုတစ်ရပ်လုံးကို သူကျူးလွန်ခဲ့တဲ့
ရာဇဝတ်ပြစ်မှုအားလုံးကို ပြေပျောက်သွားအောင် သင်ပုန်းချေလိုက် သလိုဖြစ်ပါလိမ့်မယ်။
တစ်ကမ္ဘာလုံးကိုလည်း မှားယွင်းတဲ့ သတင်းပေးစကားသာ ရရှိစေပါလိမ့်မယ်''ဟု
မားကို့စ်တပ်များ၏ ဖမ်းဆီးထိန်းသိမ်းခြင်းနှင့် ညှဉ်းပန်းနှိပ်စက်မှုခံခဲ့ရသူ ဘိုနီဖာဆီယို
အီလာဂန်က အေအက်ဖ်ပီ သတင်းဌာနကို ပြောကြားခဲ့သည်။

မားကို့စ် မိသားစုများ အာဏာပြန်လည် ရရှိလာရေး ဆောင်ရွက်မှုများကို ရပ်တန့်သွားစေရန်
ကြိုးပမ်းနေသည့် အုပ်စုတစ်စုကို ဦးဆောင်သည့် အီလာဂန်က ပြောကြားရာတွင်
သူရဲကောင်းဗိမာန်တွင် အာဏာရှင်ဟောင်း မားကို့စ်ကို မြှုပ်နှံခြင်းသည် အကြီးအကျယ်
စိတ်ထိခိုက်စရာဖြစ်ပြီး လမ်းပေါ်ထွက်၍ ဆန္ဒပြမှုများကို ပေါ်ပေါက်စေ လိမ့်မည်ဟု
ပြောကြားခဲ့သည်။

သမ္မတအဖြစ် ရွေးကောက်ခံထားရသူ ဒူတာတေးက မေ ၂၃ ရက်၌ ပြောကြားရာတွင်
သူသည် လက်ရှိအချိန်တွင် မှန်ခေါင်းတစ်ခု အတွင်းထည့်ထားသော မားကို့စ်၏
ရုပ်အလောင်းကို ရယူလိုကြောင်း ဖိလစ်ပိုင် လူ့အဖွဲ့အစည်းတွင် ထိုကိစ္စနှင့်ပတ်သက်၍
ဆယ်စုနှစ်ပေါင်းများစွာ သဘောထားကွဲနေမှုများကို ဆုံးခန်းတိုင်ရန် အဆိုပါ ရုပ်အလောင်းကို
သူရဲကောင်း ဗိမာန်တွင်မြှုပ်နှံရန်ဖြစ်ကြောင်း ပြောကြားခဲ့သည်။

တင်စိန် ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း