ကနေဒါဝန်ကြီးချုပ် က အချစ်စစ်တို့မည်သည် အမြဲရှင်သန်နေကြောင်းပြ

တိုကျို - အချစ်စစ်တို့မည်သည် အမြဲရှင်သန်ခြင်းမရှိဆိုသူများသည် ကနေဒါဝန်ကြီးချုပ် ဂျပ်စတင် 
ထရူးဒေါနှင့် တွေ့ဆုံခဲ့ခြင်းမရှိခဲ့ကြပေ။

အသက် ၄၄ နှစ်အရွယ်ရှိ ထရူးဒေါက ဂျပန်နိုင်ငံတွင် ကျင်းပမည့် စက်မှုခုနစ်နိုင်ငံ ထိပ်သီးဆွေးနွေးပွဲသို့ 
မထွက်ခွာမီ တစ်နေ့တွင် သူ၏ဇနီး ဆိုဖီ ဂရီဂိုရီ ထရူးဒေါနှင့် မင်္ဂလာနှစ်ပတ်လည် အခမ်းအနား
တစ်ရပ်ကို ကျင်းပခဲ့ပြီး ထိုသို့ဆောင်ရွက်ခြင်းသည် သူ၏အလုပ်နှင့် ဘဝရှင်သန်မှုမျှတစေရေးအတွက် 
လိုအပ်ချက်တစ်ရပ်ဖြစ်သည်ဟု ခေါ်ဆိုခဲ့သည်။

ဂျပန်နိုင်ငံသို့ မေ ၂၃ ရက်က ရောက်ရှိလာသော ထရူးဒေါ ဇနီးမောင်နှံသည် မေ ၂၆ ရက်တွင်
ကျင်းပမည့် ချမ်းသာသော စက်မှုနိုင်ငံများ၏ နှစ်ရက်ကြာဆွေးနွေးပွဲမကျင်းပမီ မေ ၂၅ ရက်တွင်
ရိုင်ယိုကမ်ခေါ် ဂျပန်ရိုးရာ တည်းခိုခန်းသို့ သွားရောက်ခဲ့ကြသည်။

သတင်းဓာတ်ပုံများတွင် အမျိုးသမီးပရိသတ်များကို ဆွဲဆောင်နိုင်သော ထရူးဒေါက သူတို့
ဇနီးမောင်နှံသည် ၁၁ ကြိမ်မြောက် နှစ်ပတ်လည် မင်္ဂလာပွဲအတွက် ကိုယ်ပိုင်ငွေကြေးကိုသာ
အသုံးပြုသွားမည်ဟု ပြောကြားခဲ့သည်။ 

တင်စိန် ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း