အိန္ဒိယနိုင်ငံ ရွေးကောက်ပွဲမတိုင်မီ အစိုးရအဖွဲ့ အပြောင်းအလဲပြုလုပ်

နိုင်ငံခြားရေးဝန်ကြီးသစ် စလေမန် ခူရ်ရှစ်။ ဓာတ်ပုံ - အေအက်ဖ်ပီနိုင်ငံခြားရေးဝန်ကြီးသစ် စလေမန် ခူရ်ရှစ်။ ဓာတ်ပုံ - အေအက်ဖ်ပီ

နယူးဒေလီ - အိန္ဒိယ၀န်ကြီးချုပ် မန်မို ဟန်ဆင်း က ၂၀၁၄ ခုနှစ်တွင် ပြုလုပ်မည့် ရွေးကောက်
ပွဲမတိုင်မီ ၎င်း၏ ပြဿနာပတ်လည်ဝိုင်းနေသော အစိုးရ အဖွဲ့ကို ပြန်လည်အသက်သွင်းနိုင်ရန်
ကြိုးစားသည့်အနေဖြင့် ၎င်းရွေးကောက်ခံရပြီးချိန်မှစ၍ အကြီးမားဆုံးသော အစိုးရအဖွဲ့
အပြောင်းအလဲတစ်ရပ်ကို အောက်တိုဘာလ ၂၈ ရက်ကပြုလုပ်ခဲ့သည်။

အကျပ်အတည်းနှင့် ရင်ဆိုင်နေရသောအစိုးရအဖွဲ့ကို ပြန်လည် အားကောင်းလာစေရန် ပြုလုပ်
သော ယင်းအပြောင်းအလဲတွင် ဆင်းက အသက် ၈၀ အရွယ်ရှိ နိုင်ငံခြားရေး ၀န်ကြီး အက်စ်
အမ် ခရစ်ရှနား၏ နေရာ တွင် အသက် ၅၉ နှစ်အရွယ် စလေမန် ခူရ်ရှစ်ကို ပြောင်းလဲခန့်အပ်ခဲ့
သည်။

ကမ္ဘာပေါ်တွင် ဟိန္ဒူလူမျိုးအများဆုံး နေထိုင်ရာ အိန္ဒိယနိုင်ငံ၏ အမြင့်ဆုံး ရာထူးတစ်ခုဖြစ်သော
နိုင်ငံခြားရေး ၀န်ကြီးရာထူးကို ယင်းနိုင်ငံ၏အကျော်ကြားဆုံး မွတ်စလင်မိသားစုတစ်စု၏နောက်
ဆုံးမျိုးဆက်ဖြစ်သူ ခူရ်ရှစ်အား ခန့်အပ်ခဲ့ခြင်းဖြစ်သည်။

သို့သော် အိန္ဒိယနိုင်ငံတွင် အစဉ် အဆက် ၀န်ကြီးချုပ်ရာထူးကို ထမ်း ဆောင်ခဲ့ကြသော ဂန္ဒီ-
နေရူး မျိုးဆက် ဖြစ်သည့် ရာဟူးဂန္ဒီကို ဆင်းက အစိုးရ အဖွဲ့ ရာထူးတစ်နေရာ ကမ်းလှမ်းခဲ့
သော်လည်း ၎င်းက ထိုကမ်းလှမ်းချက်ကို ပယ်ချခဲ့ကြောင်း ဆင်းက အတည်ပြု ပြောကြားခဲ့
သည်။

"ရာဟူးဂန္ဒီကို အစိုးရအဖွဲ့ထဲ ၀င်လာ စေချင်ပါတယ်။ ဒါပေမယ့် သူက ပါတီကို အင်အားတောင့်
တင်းအောင် လုပ်ချင်နေတယ်" ဟု ဆင်းကပြောသည်။

ပြောင်းလဲခန့်အပ်လိုက်သည့် ၀န်ကြီး အသစ်များ၏ ကျမ်းသစ္စာကျိန်ဆို သည့် အခမ်းအနား
အပြီးတွင် ဆင်းက ၎င်း၏ အစိုးရအဖွဲ့သစ်မှာ လာမည့် ရွေးကောက်ပွဲအထိ ဆက်လက်တာ
ဝန် ထမ်းဆောင်နိုင်ရန် မျှော်လင့်ကြောင်း ပြောကြားခဲ့သည်။

ယခုအကြိမ်သည် အစိုးရအဖွဲ့ကို ပြန်လည်ဖွဲ့စည်းသည့် နောက်ဆုံး အကြိမ် ဖြစ်ကောင်းဖြစ်
မည်ဟု ဆင်းက ပြောကြားခဲ့ပြီး ရွေးကောက်ပွဲအား သတ်မှတ်ထားသည့်ရက်တွင် ကျင်းပ
မည်ဖြစ်ကြောင်းလည်း ပြောကြားခဲ့သည်။

ပြောင်းလဲခန့်အပ်လိုက်သော ၀န်ကြီး များတွင် တိုင်းရင်းသားရေးရာဝန်ကြီး အဖြစ် ရာမန်ခန်း၊
အိုးအိမ်ရေးရာဝန်ကြီး အဖြစ် အဂျေး မာကန်း၊ သတ္တုတွင်း ၀န်ကြီးအဖြစ် ဒင်ရှာ ပတေး၊ ရေအ
ရင်း အမြစ်ဝန်ကြီးအဖြစ် ဟာရစ်ရှ် ရာဝပ်၊ ယဉ်ကျေးမှုဝန်ကြီးအဖြစ် ချန်ဒရပ်ရှ် ကူမာရီ၊ လူ့စွမ်း
အားအရင်းအမြစ် ဖွံ့ဖြိုးရေးဝန်ကြီးဌာန ၀န်ကြီးအဖြစ် ပယ်လ်လမ် ရာဂျူးတို့ပါဝင်သည်။

လစ်လပ်နေသော ၀န်ကြီးနေရာ ဖြစ်သည့် ရထားပို့ဆောင်ရေးဝန်ကြီး နေရာတွင် ပါလီမန်ရေး
ရာ ၀န်ကြီး ဟောင်းကို ခန့်အပ်ခဲ့သည်။

ထိုကဲ့သို့ အစိုးရအဖွဲ့အတွင်း ပြောင်း လဲမှုက ၂၀၁၄ ခုနှစ် နွေဦးရာသီတွင် ကျင်းပရန်စီစဉ်ထား
သော ရွေးကောက် ပွဲ၌ အကျိုးသက်ရောက်မှု ရှိမရှိကိုမူ ဆန်းစစ်လေ့လာသူများက သံသယ
ဖြစ်လျက်ရှိသည်။

(အေအက်ဖ်ပီ)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း