နိုင်ငံရေးနှိပ်ကွပ်မှုခံခဲ့ရဟု သမ္မတဟောင်း အာရိုယိုဆို

ဇူလိုင်၂၅ ရက်က မနီလာမြို့တွင် ဂလိုရီယာအာရိုယို ကွန်ဂရက်လွှတ်တော်အစည်းအဝေး တက်ရောက်လာစဉ်။ ဓာတ်ပုံ - အေအက်ဖ်ပီဇူလိုင်၂၅ ရက်က မနီလာမြို့တွင် ဂလိုရီယာအာရိုယို ကွန်ဂရက်လွှတ်တော်အစည်းအဝေး တက်ရောက်လာစဉ်။ ဓာတ်ပုံ - အေအက်ဖ်ပီ

တရားရုံးက အာရိုယို၏ သမ္မတသက်တမ်း ၂ဝဝ၁ မှ ၂ဝ၁ဝ အတွင်း ပရဟိတ ရန်ပုံငွေ
ပီဆို ၃၆၆ သန်း (ဒေါ်လာ ၈ ဒသမ ၈ သန်းခန့်) အလွဲသုံးစားလုပ်ခဲ့သည်ဟူသော
စွဲချက်သည် သက်သေမခိုင်လုံဟု ဆုံးဖြတ်ခဲ့ ...

မနီလာ - ဖိလစ်ပိုင်သမ္မတဟောင်း ဂလိုရီယာအာရိုယိုသည် အကျင့်ပျက်ခြစားမှုဖြင့် ငါးနှစ်နီးပါး
ထိန်းသိမ်းခံခဲ့ရကာ လွတ်မြောက်လာပြီးနောက် ၄င်းသည် နိုင်ငံရေးနှိပ်ကွပ်မှုကို
ခံလိုက်ရခြင်းဖြစ်သည်ဟု အတိအလင်းပြောကြားလိုက်သည်။

အာရိုယိုက ၄င်းထိန်းသိမ်းခံရခြင်းသည် 'မတရား' ကြောင်း ဇူလိုင် ၂၁ ရက် စစ်ဆေးရုံမှ
ဆင်းလာအပြီး ပထမဆုံး လူသိထင်ရှား မှတ်ချက်ပေးခဲ့သလို ဇူလိုင် ၂၅ ရက်
'အေဘီအက်စ် စီဘီအင်န်' ရုပ်သံနှင့် အင်တာဗျူးတွင်လည်း အဆိုပါ မှတ်ချက်ကို
ပြောခဲ့သည်။

တရားရုံးက အာရိုယို၏ သမ္မတသက်တမ်း ၂ဝဝ၁ မှ ၂ဝ၁ဝ အတွင်း ပရဟိတရန်ပုံငွေပီဆို
၃၆၆ သန်း (ဒေါ်လာ ၈ ဒသမ ၈ သန်းခန့်)အလွဲသုံးစားလုပ်ခဲ့သည်ဟူသော စွဲချက်သည်
သက်သေမခိုင်လုံဟု ဆုံးဖြတ်ခဲ့သည်။

ဖိလစ်ပိုင် လွှတ်တော်အမတ် အာရိုယို။ဖိလစ်ပိုင် လွှတ်တော်အမတ် အာရိုယို။

''နိုင်ငံရေးအာဏာသုံးပြီး ပြိုင်ဘက်နိုင်ငံရေးသမားတွေကို နှိပ်ကွပ်တတ်တဲ့ ဒီလိုကိစ္စတွေအားလုံး
ရပ်ရပါမယ်။ ကျွန်မက နောက်ဆုံးသားကောင် ဖြစ်စေရမယ်'' ဟု ၄င်းက အင်တာဗျူးတွင်ဆိုသည်။
ထို့နောက် ၄င်းက ''ကျွန်မအတွက် အဆိုးဆုံး ရန်သူတွေကိုတောင် ကျွန်မလိုအဖြစ်မျိုး
မဖြစ်စေချင်ပါဘူး'' ဟု ဆက်ပြောသည်။ အာရိုယိုသည် ထိန်းသိမ်းခံနေရစဉ် ယခုနှစ်မေလ
ရွေးကောက်ပွဲတွင် ဝင်ရောက်ယှဉ်ပြိုင်ခဲ့ပြီး မြို့တော် မနီလာနှင့်ကပ်လျက် မြောက်ဘက်ရှိ
စိုက်ပျိုးရေးနှင့် စက်မှုနယ်မြေအတွက် လွှတ်တော်အမတ်နေရာကို တတိယအကြိမ် ရရှိခဲ့သည်။

၂ဝ၁၁ တွင် ဘင်နစ်နိုအကွီနို သမ္မတရာထူးဆက်ခံသည့်အခါ အကျင့်ပျက်ခြစားမှုတိုက်ဖျက်ရေး
စီမံချက်တွင် ထင်ထင်ရှားရှားနမူနာတစ်ခုပြသရန် သမ္မတဟောင်းကို ထောင်ဒဏ်ချမှတ်ခဲ့ပြီး
၂ဝ၁၂ တွင် သက်သေအားနည်းသည်ဟု ဆိုသော်လည်း အာမခံနှင့် ထိန်းသိမ်းထားခဲ့ရာ
လက်ရှိသမ္မတ ရိုဒရီဂို ဒူတာတေးက လွှတ်ပေးခဲ့ခြင်းဖြစ်သည်။ အကွီနိုက အာရိုယိုသည်
ဆင်းရဲနွမ်းပါးသူများအတွက် ရန်ပုံငွေကို အလွဲသုံးစားလုပ်သဖြင့် ဆက်လက်ပြစ်ဒဏ်
ကျခံသင့်သည်ဟု မှတ်ချက်ပေးကာ ဒူတာတေး၏ ဆုံးဖြတ်ချက်ကို ဝေဖန်ခဲ့သည်။

အင်တာဗျူးတွင် အာရိုယိုက ''နိုင်ငံရေးပုဂ္ဂိုလ်တွေဆိုရင် အရေးယူမခံရသင့်ဘူးလို့
ကျွန်မပြောနေတာမဟုတ်ပါဘူး။ အရေးယူတဲ့နေရာမှာ တရားနည်းလမ်းကျပြီး မျှမျှတတ
ရှိသင့်တယ်လို့ ကျွန်မဆိုလိုတာပါ'' ဟုလည်း ပြောကြားခဲ့သေးသည်။

ဇွန် ၂၅ ရက်တွင် လွှတ်တော်သို့တက်ရောက်ကာ ကျောရိုးရောဂါတစ်ခုကြောင့်လည်ပင်းတွင်
ဆေးကော်လာ ဝတ်ဆင်ရင်း ဒူတာတေး၏မိန့်ခွန်းကို နားထောင်နေသောအာရိုယိုကို တွေ့ရပြီး
၎င်းက နိုင်ငံခြားတွင် ဆေးကုသရန် စီစဉ်ထားကြောင်း ပြောသည်။

အာရိုယိုသည် ၄င်း၏ သမ္မတသက်တမ်းအတွင်း အကျင့်ပျက်ခြစားမှုဆိုင်ရာ စွပ်စွဲမှုများစွာနှင့်
ရင်ဆိုင်ခဲ့ရသည်။ ပထမဆုံး အဖမ်းခံရသည်မှာ ၂ဝဝ၇ ခုနှစ် လွှတ်တော်အမတ်လောင်း
ရွေးကောက်ပွဲကျင်းပစဉ်က မဲအရာရှိများနှင့်ပူးပေါင်းကာ မဲလိမ်ခဲ့သည်ဟူသောစွဲချက်ဖြစ်ပြီး
လပိုင်းအကြာတွင် ယခုလွတ်ခဲ့သော ရန်ပုံငွေလိမ်လည်မှုနှင့် ထပ်မံတရားစွဲခံရပြန်သည်။
ပထမအမှုကို အာမခံဖြင့် လွတ်ခဲ့သော်လည်း ဒုတိယအမှုကြောင့် ၄င်းကိုထိန်းသိမ်းထားခဲ့ပြီး
ကျန်းမာရေးအခြေအနေအရ စစ်ဆေးရုံတွင် နေထိုင်ရန် ခွင့်ပြုခဲ့သည်။

အာရိုယို၏ဖခင် ဒီယိုစဒက်ဆို မက်ဂါပါဂယ်လ်သည်လည်း ဖိလစ်ပိုင်နိုင်ငံ၏ သမ္မတဟောင်း
တစ်ဦးဖြစ်ရာ ဖခင်ဖြစ်သူသည်လည်း ပြိုင်ဘက်များ၏ မတရားသည့် စွပ်စွဲမှုများကို
ရင်ဆိုင်ခဲ့ရသည်ဟု ပြောကြားခဲ့သည်။ တရားလွှတ်တော်ရှေ့နေချုပ်က အာရိုယိုကို
အမှုတစ်ခုဖြင့် ထပ်မံစွဲချက်တင်ရန် ပြင်ဆင်နေကြောင်း ပြီးခဲ့သည့်သီတင်းပတ်အတွင်း
ပြောကြားခဲ့သည်။ 

ကျော့ဒါလီလင်း ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - အာရှသတင်း