အမေရိကန်နှင့် ရုရှားကိုပြိုင်မည့် ဒုံးလက်နက် တရုတ်ထုတ်လုပ်

တရုတ်ပြည်က ထုတ်လုပ်သည့် ဒီအိပ်ခ်ျ ၁ဝ ဒုံးကျည်များကို စစ်ရေးပြ အခမ်းအနားတစ်ခုတွင် တွေ့ရစဉ်။ ဓာတ်ပုံ - အီးပီအေတရုတ်ပြည်က ထုတ်လုပ်သည့် ဒီအိပ်ခ်ျ ၁ဝ ဒုံးကျည်များကို စစ်ရေးပြ အခမ်းအနားတစ်ခုတွင် တွေ့ရစဉ်။ ဓာတ်ပုံ - အီးပီအေ

တရုတ်နိုင်ငံ၏ ပြည်သူ့လွတ်မြောက်ရေးတပ်မတော်သည် ရုရှားနှင့် အမေရိကတို့၏ အမြင့်ဆုံး
လက်နက်နည်းပညာများကို ကျော်တက်နိုင်မည့်အနေအထားတွင် ရှိနေသည်။

ဆီးရီးယားစစ်ပွဲတွင် အသုံးပြုခဲ့သည့် ရုရှား၏ ဝေဟင်မှမြေပြင်ပစ်ဒုံးကျည် Kalibr Cruise Missile နှင့်
အမေရိကန် ရေတပ်၏ Block IV Tomahawks တို့နှင့် စွမ်းဆောင်ရည်ချင်း ယှဉ်ပြိုင်နိုင်မည့် ဒုံးများ
ဖန်တီးနိုင်ရန် တရုတ်နိုင်ငံ၏ လက်နက်ဒီဇိုင်းရေးဆွဲသူများက မျှော်မှန်းထားကြသည်။

တရုတ်နိုင်ငံ၏ အနာဂတ်ဒုံးများတွင် အဆင့်မြင့် အလိုလျောက်စနစ်များနှင့် အသိဥာဏ်တုများ
ပါဝင်မည်ဖြစ်ကြောင်းနှင့် စစ်ဦးစီးမှူးများက လိုအပ်သလို ထိန်းချုပ်နိုင်၍ ပစ်လွှတ်ထားစဉ်အတွင်းပင်
လုပ်ဆောင်ချက်များ ထပ်တိုးနိုင်မည်ဖြစ်ကြောင်း တရုတ်လေကြောင်းသိပ္ပံနှင့် စက်မှုကော်ပိုရေးရှင်း၏
အထွေထွေဒီဇိုင်းဌာနဆိုင်ရာ ဒါရိုက်တာဝမ်ချန်းကျင်းက ပြည်တွင်းသတင်းစာ China Daily ကို
ပြောသည်။

ဝမ်၏ ပြောကြားချက်အရ ယခုထုတ်လုပ်နေသည့် ဝေဟင်မှမြေပြင်ပစ် ဒုံးကျည်အသစ်သည်
လုပ်ဆောင်ချက်တစ်ခုသာမကဘဲ အထူးစနစ်များ ထပ်မံထည့်သွင်းနိုင်မည်ဖြစ်၍ စစ်ရေး
တာဝန်အမျိုးအစားအလိုက် သင့်တော်သလို ပြောင်းလဲနိုင်မည် ဖြစ်သည်။ ထို့ပြင်
မျှော်မှန်းထားသည့်အတိုင်းဆိုပါက သုတေသနစရိတ်၊ ထိန်းသိမ်းမှုစရိတ်နှင့် ထပ်ဆောင်း
စရိတ်များကို လျှော့ချနိုင်မည်ဖြစ်ကြောင်း အကြီးတန်း သုတေသနအရာရှိတစ်ဦးက
China Daily ကို ဖြေကြားခဲ့သည်။

ပြည်သူ့လွတ်မြောက်ရေး တပ်မတော်သည် ယခင်ကတည်းကပင် စမ်းသပ်အသုံးပြုပြီး
နည်းပညာမြင့် ဒုံးကျည်များနှင့် ဒုံးပျံများရှိထားပြီးဖြစ်ရာ အမေရိကန်နှင့် တန်းတူယှဉ်နိုင်မည့်
နည်းပညာတစ်ခု ဖော်ထုတ်နေသည့်ကိစ္စမှာ ထူးဆန်းသည်မဆိုနိုင်ပါပေ။ တရုတ်နိုင်ငံတွင်
DF21D ၊ DF 26 နှင့် DH10 တို့ကဲ့သို့ ထင်ရှားသည့် ဒုံးများ ရှိထားပြီး ဖြစ်သည်။

DF26 ကဲ့သို့ မြေပြင်မှ မြေပြင်သို့ပစ်လွှတ်သည့် ဒုံးပျံများသည်သာ စိတ်ဝင်စားမှု အများဆုံးခံရသည်
မှန်သော်လည်း ပြည်သူ့လွတ်မြောက်ရေးတပ်မတော်၏ လက်ထဲတွင် လိုသလိုကိုင်တွယ်နိုင်ပြီး
လျှို့ဝှက်ဝင်ရောက်နိုင်သော အဖျက်စွမ်းအားပြင်း ဒုံးကျည်များ အသင့်ရှိနေကြောင်း စစ်ရေး
လက်နက်များဆိုင်ရာ လေ့လာသုံးသပ်သူ ပီတာဆင်းဂါးက ရေးသားခဲ့သည်။

စစ်မြေပြင်တွင် ဝေဟင်မှမြေပြင်ပစ် ဒုံးကျည်များသည် အခြေအနေအလိုက် ပြောင်းလဲမှုများ
လုပ်ဆောင်နိုင်သည့်အတွက် မြေပြင်မှမြေပြင်ပစ် ဒုံးပျံများထက် အားသာချက်များစွာရှိပြီး
အမြင့်ပေ ခပ်နိမ့်နိမ့်တွင် သွားလာသည့်အတွက် ဝေဟင် ရေဒါများကို ရှောင်တိမ်းနိုင်ခြင်း
ပိုမိုပေါ့ပါးခြင်းနှင့် ဈေးလည်း ပိုသက်သာခြင်းတို့ဖြစ်ကြောင်း ၄င်းက ရေးသားခဲ့သည်။

DH10 ကို ထုတ်လုပ်စဉ်အခါက အမေရိကန်၏ Tomahawk နှင့် ဆင်တူသည့် စွမ်းဆောင်ရည်များ
ရှိသည်ဟု ယူဆခဲ့ကြသော်လည်း နောက်ထပ် ထွက်ရှိလာမည့် မျိုးဆက်သစ် ဒုံးအမျိုးအစားသည်
Tomahawk ကို အနည်းဆုံး တန်းတူယှဉ်နိုင်မည့်အပြင် ထို့ထက်ပင်သာလွန်နိုင်သည်။

တရုတ်နိုင်ငံသည် ယခုကဲ့သို့ နည်းပညာများ ရှေ့သို့ ရောက်တော့မည့်အချိန်တွင် ပင်တဂွန်က
အမေရိကန်နိုင်ငံ စစ်စွမ်းအားကို ဆက်လက် ထိန်းသိမ်းထားနိုင်ရန် လိုအပ်လာပြီဖြစ်သည်။
စစ်အင်အားတွင် ရှေ့ဆုံးက ဦးဆောင်နေသော အမေရိကန်နှင့် သူ၏ပြိုင်ဘက်များအကြား
နည်းပညာကွာဟချက်မှာ ကျဉ်းမြောင်းသည်ထက် ကျဉ်းမြောင်းလာပြီဖြစ်ရာ အမေရိကန်သည်
စစ်အေးကာလနောက်ပိုင်း ၄င်း၏ရပ်တည်ချက် ဆုံးရှုံးလုနီးပါး အခြေအနေ ရောက်ရှိနေသည်။

- အေးရှားတိုင်းမ်

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း