မင်းသား ဂျက်ဖရီ ရှုပ်ပုံတွေကတော့ ကမ်းကုန်ပါဘိ

 ဘရူနိုင်း စူလ်တန် ဟာဂျီ ဟာစင်နယ်လ် ဘိုလ်ကီးယား ၂ဝ၁၆ မေလက ရုရှားနိုင်ငံ ဆိုချီ ထိပ်သီးအစည်းအဝေး တက်ရောက်စဉ်။ ဓာတ်ပုံ- အီးပီအေဘရူနိုင်း စူလ်တန် ဟာဂျီ ဟာစင်နယ်လ် ဘိုလ်ကီးယား ၂ဝ၁၆ မေလက ရုရှားနိုင်ငံ ဆိုချီ ထိပ်သီးအစည်းအဝေး တက်ရောက်စဉ်။ ဓာတ်ပုံ- အီးပီအေ

နှစ်သစ်ရောက်ခဲ့ပြန်ပြီ။ ဒီလိုအချိန်မျိုးမှာ ကျွန်တော့်ကိုယ် ကျွန်တော်မေးနေကျ မေးခွန်းကို
ပြန်မေးကြည့်လိုက်ပါတယ်။ ဒီမေးခွန်း ကတော့ ကိုယ်ကျင့်တရားကောင်းတဲ့သူတွေ ဟာ
ထင်ပေါ်ကြသေးသလား။

ဒီအတိုင်းဖြစ်နေပါတယ်။ အထောက်အထားလိုရင်တော့ ဘော်နီယိုကျွန်းရဲ့ အနောက်မြောက်ထိပ်မှာ
ရှိပြီး ရေနံနဲ့ ချမ်းသာကြွယ်ဝတဲ့ ဘရူနိုင်းနိုင်ငံကိုပဲကြည့်လိုက်ပါ။ ဒီနိုင်ငံဟာ ဒီဒေသတစ်ဝန်းမှာ
သမာဓိအရှိဆုံးပဲ ဖြစ်တယ်။

ဒီနိုင်ငံရဲ့ ခေါင်းဆောင်တွေဟာ တခြား နိုင်ငံတွေကို ဝေဖန်ပြစ်တင်တာမလုပ်၊ ရိုင်းပျတဲ့စကားတွေလည်း
မသုံး၊ ရာဇဝတ်မှုနဲ့ တခြား လူမှုပြဿနာတွေ ဖျောက်ပစ်တဲ့ နေရာမှာလည်း ကြွားဝါခြင်းမရှိဘူး။
ဒါမျိုး ကိစ္စတွေကလည်း ဘရူနိုင်းနိုင်ငံမှာမဆိုစလောက်ပဲ ရှိပါတယ်။

အကြောင်းမရှိဘဲ မဖြစ်တာတော့ မဟုတ်ပါဘူး။ ဥပဒေချိုးဖောက်မှု အသေးအဖွဲ လေးတွေမှာတောင်
ဒဏ်ငွေကြီးကြီးမားမား ဆောင်ရတာကလွဲလို့၊ ထောင်ဒဏ်ကျနိုင်တာ ကလွဲလို့ သောက်စားမူးယစ်တာ၊
အိမ်ထောင် ရေးဖောက်ပြန်တာ၊ ဓမ္မတာနဲ့ဆန့်ကျင်တဲ့ ကာမစပ်ယှက်တာတွေ စတဲ့ မမှန်ကန်မှုတွေ
ကျူးလွန်ရင် ကိုယ်လက်အင်္ဂါ အဖြတ်ခံရတာ၊ သေတဲ့အထိ ခဲနဲ့ အပေါက်ခံရတဲ့ ပြစ်ဒဏ်တွေ ခံရနိုင်တယ်။

အဲဒါကြောင့်လည်း မွတ်စလင်ဘာသာဝင် အများစုရှိကြတဲ့ ပသီဘုရင် နယ်ပယ်ဟာ ငြိမ်းချမ်းတဲ့
နယ်ပယ်လေးဖြစ်ပြီး ကောင်းမွန်တဲ့ရာသီဥတုရှိကာ လမ်းကောင်းတွေ၊ ဂေါက် ကွင်းတွေနဲ့ ရွက်လှေ
အသင်းတွေရှိကြတဲ့ အပြင် ဗလီတွေလည်း ဒုနဲ့ဒေးရှိကြတယ်။

ဘရူနိုင်းပြည်သူ ၄ဝဝ,ဝဝဝ ကျော်တို့ ကလည်း သူတို့ရဲ့ စူလ်တန် ဟာစင် နယ်လ်ဘိုလ်ကီးယားရဲ့
အကျိုးပြုတဲ့ အုပ်ချုပ် မှုအောက်မှာ လက်ရှိ သဟဇာတအခြေ အနေနဲ့ သုခဘုံရောက်နေကာ ဒီထက်ပို
လိုချင်တာမရှိသလောက်ပဲ ဖြစ်တယ်။

စူလ်တန် ဘိုလ်ကီးယား၊ သူ့ညီ မင်းသား ဂျက်ဖရီ၊ သူတို့ရဲ့ များပြားလှတဲ့ ဇနီးတွေနဲ့ တခြား
မိသားစုဝင်တွေဟာ ကိုယ်ကျင့်တရားကောင်းမှုကို ဘယ်လောက် စံနမူနာထားသလဲဆိုရင်
လွန်ခဲ့တဲ့နှစ် ဒီရက် သတ္တပတ်အချိန်မှာ ခရစ္စမတ်ပွဲကို တားမြစ် ပိတ်ပင်ခဲ့တယ်။

တိတိကျကျပြောရရင် စူလ်တန် ဘိုလ်ကီး ယားရဲ့ ဘာသာရေးရာကိစ္စများဌာနက ခရစ္စမတ်ပွဲကို
အများပြည်သူတွေမကျင်းပဖို့ အမိန့်ထုတ်ခဲ့ပြီး ခရစ္စမတ်ပွဲ အလှပြင်ဆင်မှု တွေလုပ်ထားတဲ့
လက်ဖက်ရည်ဆိုင်တွေနဲ့ တခြားနေရာတွေကို အရာရှိတွေ စေလွှတ်ခဲ့ပြီး ပိတ်ပင်စေခဲ့တယ်။

ဒါကြောင့် နည်းလမ်းမကျတဲ့ ဘယ်အပြု အမူမှ ဘရူနိုင်းရဲ့ငြိမ်သက်ခြင်းကို အနှောင့် အယှက်မပေးခဲ့ဘူး။
လွန်ခဲ့တဲ့ ရက်သတ္တ နှစ်ပတ်အတွင်း ပျော်ပွဲရွှင်ပွဲဆင်နွှဲသူတွေ အရက်မူးပြီး ကြမ်းကြုတ်တဲ့ အပြုအမူတွေ၊
သို့မဟုတ် အဝေးပြေးလမ်းမကြီးတွေပေါ်မှာ အစုလိုက်အပြုံလိုက် သေကျေတာမျိုးတွေ မဖြစ်ခဲ့ဘူး။

အလယ်ခေတ်က ချုပ်ချယ်မှုမျိုးတွေ၊ လူတိုင်းကို လိုက်နာစေလိုတဲ့ အစွန်းရောက် ဘာသာရေးဝါဒီတွေကို
မကြာခဏဆိုသလို လိုက်လျောတတ်တဲ့ ဒေသတစ်ဝန်းက အာဏာပိုင်တွေအတွက် အကျိုးပြုတဲ့
သင်ခန်းစာတွေပဲဖြစ်တယ်။ ခရစ္စမတ်ပွဲတော်ရဲ့ ပျော်ရွှင်စရာ ချဲ့ကားမှုတွေကို မျိုးဖြုတ်လိုက်တာ
သတိပြု မှတ်သားဖွယ်ကိစ္စတစ်ခုဖြစ်ပြီး လွန်ခဲ့တဲ့ နှစ်လလောက်က ဖြစ်ပျက်ခဲ့တာတွေလည်း
ရှိသေးတယ်။

နောက် ပျောက်ကွယ်သွားတဲ့ အရေးကြီးတဲ့အဖွဲ့အစည်းတစ်ခုကတော့ ထိမိချက်ပိုင်တဲ့ Brunei Times
သတင်းစာပဲဖြစ်တယ်။ ဒီသတင်းစာဟာ ပိုပြီးအခြေခိုင်တဲ့ Borneo Bulletin ရဲ့ ပြိုင်ဘက်အဖြစ်
လွန်ခဲ့တဲ့ ၁ဝ နှစ်လောက်က ပေါ်ခဲ့တယ်။

Borneo Bulletin ကတော့ ကံကောင်းထောက်မလို့ အခုတိုင် ရှင်သန်လျက်ရှိနေသေးတယ်။
ဆက်လက် ရိုက်နှိပ်ထုတ်ဝေဖို့အတွက် ထိန်းထားနိုင်တဲ့ အရင်းအမြစ်မရှိတော့တာကြောင့် ရပ်ဆိုင်း
လိုက်ရတယ်လို့ Times က ကြေညာခဲ့တယ်။ တစ်နည်းပြောရရင်တော့ ငွေပြတ်သွားလို့ လုပ်ငန်း
ရပ်လိုက်ရပြီး ဝန်ထမ်း ၁ဝဝ ကျော် အလုပ်ပြုတ်သွားတာပဲ ဖြစ်တယ်။

အမြတ်အစွန်း ပြောပလောက်အောင် မရတဲ့အတွက်လည်း တကယ့်အကြောင်းရင်း ဟုတ်မှ
ဟုတ်ရဲ့လားလို့ အများက သိချင်နေကြတယ်။ တကယ်တော့ ဒီသတင်းစာဟာ သတင်းဆောင်းပါး
ကောင်းတွေပါပြီး အွန်လိုင်းတင်ဆက်မှုကလည်း ကောင်းခဲ့တယ်။

ဦးဦးဖျားဖျား သတင်းထုတ်ပြန်မှုတွေ ဟာလည်း တရားနည်းလမ်းကျတဲ့ လူ့အဖွဲ့ အစည်းတစ်ခုရဲ့
တည်ငြိမ်အေးချမ်းမှုကို ခြိမ်းခြောက်နိုင်တယ်။ ဒီသတင်းစာထုတ်ဝေမှု ရပ်သွားတာကလည်း
ခရစ္စမတ်ပွဲတုန်းကလိုပဲ စူလ်တန် ဘိုလ်ကီးယားရဲ့ နန်းတော်စောင့် တပ်က အမိန့်ပေးခဲ့တယ်လို့
အများက သံသယရှိနေကြတယ်။

အပြစ်ရှိတဲ့ သတင်းဆောင်းပါးကတော့ အောက်တိုဘာ ၂၆ ရက်က ပါလာခဲ့တဲ့ မက္ကာသို့ ဟာ့ဂ်ျသွားခဲ့တဲ့
ဘရူနိုင်းက မွတ်စလင်တွေအပေါ် ပိုတင်းကျပ်တဲ့ ဗီဇာ ကြေးတွေကို ဆော်ဒီအာရေဗျအစိုးရက
စည်းကြပ်မယ်ဆိုတဲ့ သတင်းပဲ။

ဒီ သဟဇာတပျက်ပြားစေတဲ့ ဖွင့်ဟချက် ဟာ စူလ်တန်ဘိုလ်ကီးယားရဲ့ လူတွေကို ကသိကအောက်
ဖြစ်စေခဲ့တယ်။ သူတို့ဟာ သူတို့ကိုယ်တိုင် သင့်တော်တဲ့ တရားဝင် ဖြေကြားချက်တွေလုပ်ပြီးမှ
ကြေညာချင်တာ ကြောင့် သူတို့ရဲ့ အမျက်ထွက်တာကို ထွက်ပေါက်ရှာလိုက်တဲ့အတွက် ခရစ္စမတ်ပွဲ
သွားရာလမ်းနောက် သတင်းစာလည်း ပါသွားတာဖြစ်တယ်။

ဒီဖြစ်ရပ်ကြောင့် ပြီးခဲ့တဲ့လက မင်းသား ဂျက်ဖရီနဲ့ပတ်သက်တဲ့ ထိတ်လန့်တုန်လှုပ် ဖွယ်သတင်းကို
ရေးလိုက်ဖို့ အခွင့်အလမ်း လွတ်သွားတယ်။

ဗြိတိသျှ မင်းမျိုးမင်းနွယ်ကို ဝင်ဆာမြို့စားကြီးက မျက်နှာပျက်စေခဲ့သလို၊ သို့မဟုတ် ရုရှား
ဇာဘုရင်တွေကို ရပ်စ်ပျူတင်က မျက်နှာပျက်စေခဲ့သလို မင်းသား ဂျက်ဖရီကလည်း ဘရူနိုင်းကို
မျက်နှာပျက်စေခဲ့တယ်။

မိသားစုသတင်းစာဖြစ်တာကြောင့် မင်းသား ဂျက်ဖရီရဲ့ စံတင်လောက်တဲ့ဖြစ်ရပ် တွေကို ဖုံးဖိရမှာ
ဖြစ်တယ်။ ဒါပေမဲ့ တခြား ဂုဏ်သတင်းကြီးတဲ့ New York Times မှအစ The Economist စာစောင်တွေ
အဆုံး နှာခေါင်း ရှုံ့စရာ လက္ခဏာအသွင်အပြင်တို့ကို ဖော်ထုတ်ခဲ့တယ်။

အချုပ်အားဖြင့်ပြောရရင် မင်းသား ဂျက်ဖရီဟာ ၁၉၉ဝ ပြည့်နှစ်များ ကုန်ခါနီးမှာ ဘဏ္ဍာရေးဝန်ကြီး
ဖြစ်ခဲ့တုန်းက Brunei Investment Agency က အမေရိကန်ဒေါ်လာ ၁၅ ဘီလျံ ဖြောင်ခဲ့ပြီး
အဲဒီပိုက်ဆံတွေနဲ့ ရင်ဖိုဖွယ် စိတ်လွတ်ကိုယ်လွတ် သုံးစွဲခဲ့တယ်။

ဂျက်ဖရီဟာ ဇိမ်ခံကားတွေဝယ်တယ်၊ သီးသန့် Boeing 747 လေယာဉ်တစ်စင်း အပါအဝင်
လေယာဉ်ကိုးစင်း ဝယ်ခဲ့တယ်။ ဇိမ်ခံ ရွက်လှေတစ်စင်း ဝယ်ခဲ့တယ်။ ကမ္ဘာကျော် ပန်းချီဆရာတွေ
ရေးဆွဲခဲ့တဲ့ ပန်းချီကားတွေ ကို ဝယ်ခဲ့တဲ့အပြင် မြေနဲ့အိမ်ရာ အဆောက် အအုံပေါင်း ၅ဝဝ ကျော်
ဝယ်ယူခဲ့သေးတယ်။

The Myanmar Times သတင်းစာအနေနဲ့ အခုအချိန်မှာ ဖော်ပြလိုက်နိုင်တာကတော့ အိမ်၊ မြေရာအတော်
များများကို မင်းသား ဂျက်ဖရီဟာ စီးပွားရေးမိတ်ဖက်အဖြစ် မကြာခင် အမေရိကန်သမ္မတ
ဖြစ်လာတော့မယ့် ဒေါ်နယ်ထရမ့်နဲ့အတူ ဝယ်ခဲ့တာ ဖြစ်တယ်။

ဒါဟာ စိတ်ဝင်စားစရာမကောင်းဘူးလား။ The Brunei Times အနေနဲ့ အပိတ်မခံခဲ့ရရင် ဒီ ဦးဦးဖျားဖျား
သတင်းကို မြိန်ရေရှက်ရေ ဖော်ပြခဲ့မှာဖြစ်တယ်။ ဒါပေမဲ့ ဒီဖွင့်ဟချက်ကို မင်းသား ဂျက်ဖရီနဲ့ ထရမ့်တို့
ဘယ်လို ရှောင်လွှဲဖို့ ကြိုးစားမလဲဆိုတာတော့ ရှင်းရှင်း လင်းလင်း မသိရသေးဘူး။ မင်းသား ဂျက်ဖရီ နဲ့
ပတ်သက်တဲ့ အငြင်းပွားစရာကိစ္စဟာ ဒီတစ်ခုတည်းမကဘူး။ လွန်ခဲ့တဲ့လက Panama Papers လို့
ခေါ်တဲ့ ကမ်းလွန်မှာရှိတဲ့ ဥပဒေလုပ်ငန်းတစ်ခုက ၂ဝ၁၅ ခုနှစ်တုန်းက လျှို့ဝှက်သတင်း
ပေါက်ကြားခဲ့တာကတော့ မင်းသား ဂျက်ဖရီဟာ နာမည်ကြီး ဗြိတိသျှ ဘဏ်တစ်ခုဖြစ်တဲ့ Coutts ရဲ့
ဖောက်သည် ဖြစ်တယ်ဆိုတဲ့ အချက်ပဲ။

Coutts ဘဏ်ဟာ ဘရူနိုင်းအစိုးရအဖွဲ့ အစည်းတွေက မင်းသား ဂျက်ဖရီ အလွဲသုံးစားလုပ်ခဲ့တဲ့
ငွေတွေကို ခဝါချပေးရာမှာ ကူညီ ခဲ့တယ်လို့ အစွပ်စွဲခံနေရတယ်။

ငွေကြေးကိစ္စတွေမှာ သိုသိုသိပ်သိပ်မရှိ တာနဲ့ လိင်ကိစ္စတွေမှာ ပျော်ပါး၊ မွေ့လျော်တဲ့ ကြားထဲက
မင်းသား ဂျက်ဖရီဟာ တရားနည်း လမ်းကျတဲ့လူဖြစ်လို့ သူ့အစ်ကို စူလ်တန် ဘိုလ်ကီးယားက
ဗွေမယူခဲ့ဘူး။

ပြောရရင်တော့ မင်းသား ဂျက်ဖရီရဲ့ ရုပ်ရည်ဖြောင့်တာ၊ ကြွယ်ဝချမ်းသာတာ တွေကြောင့် အမျိုးသမီးတွေက
သူ့အပေါ် မျက်နှာလိုမျက်နှာရလုပ်ကာ အနောက်နိုင်ငံ တွေရဲ့ အကျင့်စာရိတ္တ ပျက်ပြားပြီး ဆိုးညစ်တဲ့
နေရာတွေကို စွန့်ခွာကာ သန့်ရှင်းသန့်ပြန့် အေးချမ်းတဲ့ ဘရူနိုင်းနိုင်ငံကို ရောက်လာ ကြတာဟာ မင်းသား
ဂျက်ဖရီမှာ အပြစ် ရှိတယ်ဆိုပြီးပုံချလို့ မရဘူး။

မငြင်းသာတာကတော့ မင်းသား ဂျက်ဖရီ ရဲ့ အပျော်စီးရွက်လှေရဲ့ ကုန်းပတ်ပေါ်မှာ ပျင်းရိပျင်းတွဲနေကြတဲ့
မိန်းကလေးတွေ အထဲမှာ တချို့က သူတို့ရဲ့ဆန္ဒအလျောက် မဟုတ်ဘဲ ဘရူနိုင်းကို သွေးဆောင်ဖြား
ယောင်းခံခဲ့ကြရတယ်လို့ ပြောကြတယ်။

ဥပမာ - အမေရိကန် အလှမယ်ဘွဲ့ ပိုင်ရှင်ဟောင်းတစ်ဦးဖြစ်တှဲ့Shannon Marketic က
မင်းသား ဂျက်ဖရီနဲ့ သူ့ရောင်းရင်းတွေရဲ့ လိင်ကျွန်ဖြစ်ခဲ့ရတယ်ဆိုကာ ဘိုလ်ကီးယား ညီအစ်ကိုတို့ကို
တရားရေးအရ အမှုလုပ်ခဲ့တယ်။

အဲဒီအခါမှာ မင်းသား ဂျက်ဖရီဟာ သံတမန်အခွင့်ထူးရှိတယ်လို့ အမေရိကန် တရားသူကြီးကပြောကာ
Shannon လုပ်တဲ့ အမှုကို ပယ်ချခဲ့တယ်။ ဒါပေမဲ့ ကျွန်တော်တို့ အနေနဲ့ သိထားဖို့က ဒီလိုရင်သပ်
ရှုမောဖွယ်ရာဖွင့်ဟချက်တွေ ပေါ်လာနိုင်သေးတယ် ဆိုတာပဲဖြစ်တယ်။

ဒီတော့ ဘရူနိုင်းဟာ ငြီးငွေ့စရာကောင်း တယ်၊ ဣနြေ္ဒသမ္ပတ္တိတင်းလွန်းတယ်လို့ ဘယ်တော့မှ
မပြောပါနဲ့။ ကိုယ်ကျင့်တရား ကောင်းသူတွေအတွက် ထင်ပေါ်တောက်ပြောင်နေဦးမှာပဲ ဖြစ်တယ်။


ဤဆောင်းပါးသည် ရော်ဂျာမစ်တန်၏ အာဘော်သာဖြစ်သည်။
(The Myanmar Times)
သောင်းညွန့် ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း