အင်ဒိုနီးရှား ပယောဂဂိုဏ်း ခေါင်းဆောင်များကို ဖမ်းဆီး

 ပယောဂဆရာ ကီရတ်ဆာ မန်ဂလာက ဝေဒနာရှင်တစ်ဦးကို နိုဝင်ဘာ ၂၄ ရက်က ကုသနေစဉ်။ပယောဂဆရာ ကီရတ်ဆာ မန်ဂလာက ဝေဒနာရှင်တစ်ဦးကို နိုဝင်ဘာ ၂၄ ရက်က ကုသနေစဉ်။

ဂျကာတာ - အင်ဒိုနီးရှား ပြည်တွင်းရွေးကောက်ပွဲတွင် ရှုံးနိမ့်ခဲ့ပြီးနောက်
စိတ်ပျက်အားလျော့၍ မျှော်လင့်ချက်ကုန်ဆုံးနေသည့် အဗ္ဗဒူလ်ဂျူနိုင်ဒီသည် ကြီးမားသော
စည်းစိမ်ချမ်းသာနှင့် နိုင်ငံရေးအောင်မြင်မှုကို ရရှိမည်ဟု ဟောပြောခဲ့သည့်
ပယောဂဂိုဏ်းခေါင်းဆောင်တစ်ဦး၏ လိမ်လည်ခြင်းကို ခံခဲ့ရသူ သားကောင်တစ်ဦး
ဖြစ်ခဲ့သည်။

ကြံစိုက်ပျိုးရေးလုပ်ငန်းကို လုပ်ကိုင်သည့် အဗ္ဗဒူလ်ဂျူနိုင်ဒီသည် ဝင်ငွေတိုးပွားလာမည့်
အာမခံချက်များဖြင့် စွဲဆောင်ခံခဲ့ရပြီး ထိုပယောဂဂိုဏ်းကို အင်ဒိုနီးရှားသုံးငွေ သန်း ၂ဝဝ
ရူပီယာ (ဒေါ်လာ ၁၅,ဝဝဝ) ပေးအပ်ခဲ့ကြောင်း သိရသည်။

သို့သော် ထိုငွေမှာ ဂိုဏ်းတွင် ပျောက်ဆုံးသွားပြီး သူ၏ နိုင်ငံရေးအလုပ် ရပ်တန့်သွားသည်။
အမှန်တရားဖော်ထုတ်ရန် ခြိမ်းခြောက်မှု၊ ဂျူနိုင်ဒီ၏ အပေါင်းအသင်းတစ်ဦးကို သတ်ဖြတ်ခဲ့မှု
စွပ်စွဲချက်ဖြင့် ဂိုဏ်းခေါင်းဆောင်မှာ ဖမ်းဆီးခံခဲ့ရသည်။

''သူ့ဟောပြောချက်တွေက အရမ်းစွဲဆောင်မှုအားကောင်းတယ်၊ သူက ကျွန်တော့်ကို
ရွေးကောက်ပွဲမှာ ဝင်ပြိုင်ရင် နိုင်နိုင်လိမ့်မယ်လို့ ဟောခဲ့တယ်''ဟု အဆိုပါ အသက် ၅ဝ နှစ်အရွယ်
ကြံစိုက်ပျိုးရေးလုပ်ငန်းလုပ်ကိုင်သူက အေအက်ဖ်ပီသတင်းဌာနအား ပြောကြားခဲ့သည်။

အဆိုပါကိစ္စသည် အင်ဒိုနီးရှားနိုင်ငံတွင် နိုင်ငံသူ နိုင်ငံသားများကို လိမ်လည်၍
စိတ်နယ်လွန်ယုံကြည်မှုကို ပျံ့နှံ့အောင် ဖြန့်ဖြူးလျက်ရှိသည့် ပယောဂဂိုဏ်းလုပ်ရပ်၏
နောက်ဆုံး ဥပမာတစ်ခုပင်ဖြစ်သည်။

မတူညီသော တိုင်းရင်းသားလူမျိုး ရာပေါင်းများစွာရှိပြီး အစ္စလာမ်ဘာသာဝင်အများဆုံး
နေထိုင်သည့် အင်ဒိုနီးရှားနိုင်ငံတွင် အင်ဒိုနီးရှား ရိုးရာနတ်များနှင့် အောက်လမ်းနည်းများကို
ယုံကြည်ကြသည့်ပယောဂဂိုဏ်းများ ရှိနေသည်မှာ ကာလအတန်ကြာပြီဖြစ်သည်။ အာရှတိုက်
တစ်ခွင်တွင် စိတ်နယ်လွန်ဖြစ်ရပ်များကို ယုံကြည်မှုသည် တွေ့မြင်နေကြဖြစ်သည်။

ပယောဂကုရာတွင်သုံးသည့် မျက်နှာဖုံး။ပယောဂကုရာတွင်သုံးသည့် မျက်နှာဖုံး။

တရုတ်နိုင်ငံမှ ထိုင်းနိုင်ငံအထိ ထိုနိုင်ငံများမှ နိုင်ငံရေးသမားများသည် မှော်အတတ်ဆုံး
ပယောဂဆရာများထံ သွားရောက်၍ မကြာခဏ အကြံဥာဏ်များ တောင်းခံလေ့ရှိကြသည်။

သို့သော် မကြာသေးမီကာလ၌ အမြစ်တွယ်နေသည့် မှော်အတတ်ပညာ ယုံကြည်မှုကို
ပယောဂဂိုဏ်း ခေါင်းဆောင်များကို လူသတ်မှု၊ လိမ်လည်မှုနှင့် လိင်ပိုင်းဆိုင်ရာစော်ကားမှု စသည့်
စွပ်စွဲချက်များဖြင့် ဖမ်းဆီးခဲ့ကြောင်းသိရသည်။

ဂျူနိုင်ဒီအပါအဝင် လူထောင်ပေါင်းများကို ဂိုဏ်းအတွင်းသို့ ဝင်ရောက်ရန် စည်းရုံးခဲ့သည့်
ဂိုဏ်းခေါင်းဆောင် တက်ပရီဘာဒီက အင်ဒိုနီးရှားတော်ဝင်နာမည် ဒီမတ်စ်ကန်ဂျန်းအမည်ကို
ရယူထားပြီး ယခုဖမ်းဆီးမှုများတွင် အထင်ရှားဆုံးခေါင်းဆောင် တစ်ဦးဖြစ်သည်။

ပရီဘာဒီက ဂိုဏ်းအယူဝါဒကို လိုက်နာရန်နှင့် ဂိုဏ်းအဖွဲ့ဝင်အဖြစ် ဝင်ရောက်ရန်
ဆွဲဆောင်ရာတွင် ဥပဒေပြုလွှတ်တော်အမတ်ဟောင်းများကစ စစ်တပ်ဗိုလ်ချုပ်ကြီးများနှင့်
ရဲအရာရှိများအထိ သြဇာကြီးမားကြောင်းသိရသည်။

သူသည် အင်ဒိုနီးရှားနိုင်ငံ အဓိကကျွန်းတစ်ခုဖြစ်သည် ဂျာဗားကျွန်းရှိ ပရိုဘိုလင်ဂိုမြို့၌
နေထိုင်ပြီး သူ၏ ခမ်းနားထည်ဝါသောနေအိမ်နှင့် နီးစပ်ရာ အဆောက်အအုံများတွင် သူ၏
ဂိုဏ်းဝင်များက နေထိုင်ကြောင်း သိရသည်။

ပရီဘာဒီက လူများကို ချမ်းသာအောင်လုပ်ပေးမည်ဟု အခိုင်အမာပြောဆိုပြီး ၄င်းဂိုဏ်းကို
ဝင်ရောက်ရန် စည်းရုံးခဲ့သည်။ ဂျူနိုင်ဒီ၏ အမှုတွင် သူက ဂျာဗားကျွန်းရှိ သေးငယ်သော
ခရိုင်တစ်ခုကို စီမံအုပ်ချုပ်နိုင်ရန် ရွေးကောက်ပွဲ ယှဉ်ပြိုင်ရာတွင် အနိုင်ရရှိရန်
၎င်းက ကူညီပေးမည်ဟု ပြောဆိုခဲ့ပြီး ပိုက်ဆံများ လိမ်လည်ခဲ့ကြောင်း သိရသည်။

ပရီဘာဒီက ဝတ်ဖြူစင်ကြယ်ကို ဝတ်ဆင်ကာ ထိုင်ခုံတွင်ထိုင်၍ ဂါထာမန္တန်များရွတ်ဖတ်ပြီး
ပိုက်ဆံများကို ကြမ်းပြင်တွင် ကြဲခဲ့သည့် ဗီဒီယိုများ ပေါ်ထွက်လာပြီးနောက်ဂျူနိုင်ဒီ၏
အမှုကို လူအများက အာရုံစိုက်လာခဲ့ကြသည်။

၂ဝ၁၆ ခုနှစ်၊ စက်တင်ဘာလတွင် ပရီဘာဒီက သူ၏လိမ်လည်မှုကို ဖော်ထုတ်ရန်ကြိုးစားနေသော
သူ၏ နောက်လိုက်နှစ်ဦးကိုသတ်ရန် အမိန့်ပေးမှု စွပ်စွဲချက်ဖြင့် ဖမ်းဆီးခံခဲ့ရပြီးနောက် ၁၅ နှစ်ခန့်
သက်တမ်းရှိသည့် ပရီဘာဒီဂိုဏ်းမှာ ပြိုကွဲသွားခဲ့ကြောင်းသိရသည်။

- အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း