တရုတ် ကလေးများ မျိုးချစ်စိတ်ရှင်သန်ရေး တပ်နီကျောင်းတွင် သင်ယူရ

တပ်နီကျောင်းက မူလတန်းကလေးများ၏ စာသင်ခန်း။ ဓာတ်ပုံ - အေအက်ဖ်ပီတပ်နီကျောင်းက မူလတန်းကလေးများ၏ စာသင်ခန်း။ ဓာတ်ပုံ - အေအက်ဖ်ပီ

ကျွင်းယီ  (တရုတ်နိုင်ငံ) - တရုတ်နိုင်ငံ၏ အနောက်တောင်ပိုင်းပြည်နယ် ကွေ့ကျိုးတွင်
အပြာဖျော့ရောင်နှင့် မီးခိုးရောင် စစ်ယူနီဖောင်းများ၊ အနီရောင်လည်စည်းများနှင့်
ကြက်သွေးရောင် ကြယ်ပွင့်များ ထင်ရှားစွာ တပ်ဆင်ထားသည့် ဦးထုပ်များဖြင့် တရုတ်
ကျောင်းသား ကလေးများသည် ဆောင်းရာသီ၏ အအေးဒဏ်ကိုခံနိုင်ရန် ၄င်းတို့၏
ကျောင်းဝင်းထဲ၌ ကွန်ဖူး ကိုယ်လက်လှုပ်ရှား မှုကို ပြုလုပ်ကြသည်။ ၄င်းတို့၏ ရန်ဒီကျီ
ကျောင်းသည် ဝင်ရွှီမြို့၏ ကျေးလက် တောင်ကုန်းပေါ်တွင် တည်ရှိပြီး 'ချင်' မင်းဆက်၏
နောက်ဆုံးနှစ်များအတွင်း လွန်ခဲ့သော နှစ် ၁ဝဝ ကျော်က အခြေခိုင်ခဲ့သည်။

၎င်းကို မကြာမီက အလုံးစုံ စစ်ဆေးပြုပြင် မှုတစ်ခု ပြုလုပ်ခဲ့သည်။ ၂ဝဝ၈ ခုနှစ်၌ 'တပ်နီ
မူလတန်းကျောင်း' ဟု သတ်မှတ်ခေါ်ဝေါ်ခဲ့ပြီး တော်လှန်ရေး ခေတ် ကွန်မြူနစ်တပ်မှူးများနှင့်
၎င်းတို့ မိသားစု၏ လက်ဝဲဝါဒီ အကြီးအကဲများက ထောက်ပံ့ထားသည်။

ထိုကဲ့သို့သောကျောင်းများ နိုင်ငံအနှံ့ ထူထောင်ထားပြီး ၄င်းတို့သည် မျိုးချစ်ပညာ
ရေးအတွက် သာဓကတစ်ရပ်ဖြစ်ကြောင်း အာဏာရ ကွန်မြူနစ်ပါတီကဆိုပြီး ၄င်း၏
တရားဝင်မှုကို မြှင့်တင်ပေးလျက်ရှိသည်။ဝေဖန်သူများကမူ ကွန်မြူနစ် သဘောတရားများကို
သွတ်သွင်းနေသည်ဟု ရှုတ်ချကြသည်။

တပ်နီစိတ်ဓာတ်သည် ကလေးများအတွက် တန်ဖိုးရှိပြီး ၄င်းက ငယ်စဉ်ကတည်းက
ကြိုးစားလုပ်ကိုင်မှုနှင့် ချွေတာရေးကို သင်ကြားပေးကြောင်း ကျောင်းမန်နေဂျာ မူချွင်းယုံက
ဆိုသည်။ ''ကွေ့ကျိုးဟာ အဆင်းရဲဆုံးပြည်နယ်တွေထဲမှ တစ်ခုဖြစ်ပြီး အခုအခါ မိသားစုတွေ
ယခင်ကထက် ပိုနေသာတဲ့ဘဝမှာရှိနေလို့ ကျောင်းသားတွေကို အရင်က ဆင်းရဲဒုက္ခတွေကို
သတိပေးနေရတယ်''ဟု ၄င်းက ဆိုသည်။

ကွန်မြူနစ် ယဉ်ကျေးမှုသင်တန်းသည် သင်ရိုးတွင်ပါဝင်ပြီး ကလေးများသည် အမျိုးသားရေး
စိတ်ဓာတ် ပြင်းထန်သော သီချင်းများကို သီဆိုရန် သင်ကြားကာ ကွန်မြူနစ်ပါတီ၏
အစောပိုင်းဖြစ်စဉ်များနှင့် ပတ်သက်၍ ဆွေးနွေးပြီး ဒေသခံတပ်နီ သမိုင်းကိုလည်း လေ့လာ
ရသည်။

ကျောင်းအဆောက်အအုံတွင် အပူပေး သည့်စနစ်မရှိ၍ ကလေးများသည် သွေးလည် ပတ်ရန်
တစ်နာရီခြား ကိုယ်လက်လှုပ်ရှားမှု ကို ကျောင်းဝင်းအတွင်း ပြုလုပ်နေကြရသည်။

မွန်းလွဲအချိန်တိုင်း နောက်ဆုံးသင်တန်း မတိုင်မီ တရုတ်ကျောင်းများတွင် သင်ကြား
သည့်နည်းအတိုင်း မျက်စိများ အညောင်း သက်သာရန် လက်ချောင်းမျာုးဖြင့် မျက်စိများ
တစ်ဝိုက် နှိပ်ပေးရသည်။

နေ့လယ်စာစားချိန်တွင် ကျောင်းရှိ စားသောက်ဆိုင်တွင် တန်းစီပြီး လင်ပန်းများ ထဲမှ
ထမင်းနှင့် ငွေရောင်အိုးကြီးထဲမှ အာလူး၊ ပဲနှင့် ကြက်သားများကို ယူစားကြ သည်။
ကျောင်းသားများသည် ဆက်တိုက် ရွာသောမိုးကြောင့် ဗွက်ထနေသောလမ်းများ ကို
နေ့စဉ်ဖြတ်၍ နာရီဝက်နီးပါးကြာ လမ်းလျှောက်၍ ကျောင်းသို့သွားရသည်။

စစ်စိတ် စစ်သွေး (martial spirit) က ကလေးများကို ကိုယ့်အားကိုယ်ကိုးခြင်း၊
ကိုယ့်ကိုယ်ကိုယ် ယုံကြည်မှုရှိရန်နှင့် မိမိဘဝ တိုးတက်ကောင်းမွန်အောင် မည်သို့ကြိုးပမ်း
ရမည်ကို သင်ကြားပေးသည်။

- အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း