ဘူမိအပူစွမ်းအင်ကို တရုတ်ရေနံကုမ္ပဏီက ရှာဖွေထုတ်လုပ်

 ဆီနိုပက်ကုမ္ပဏီ လုပ်သားတစ်ဦးက ဖေဖော်ဝါရီ ၂၃ ရက်က ကျန်းကန်ကျန်းမြို့သတင်းစာရှင်းလင်းပွဲတွင် အပူငွေ့ထုတ်လုပ်ပုံကို ပြသနေစဉ်။ ဆီနိုပက်ကုမ္ပဏီ လုပ်သားတစ်ဦးက ဖေဖော်ဝါရီ ၂၃ ရက်က ကျန်းကန်ကျန်းမြို့သတင်းစာရှင်းလင်းပွဲတွင် အပူငွေ့ထုတ်လုပ်ပုံကို ပြသနေစဉ်။ 

ပေါင်တင်း - တရုတ်နိုင်ငံပိုင် စွမ်းအင်ကုမ္ပဏီကြီးဖြစ်သည့် ဆီနိုပက်သည် တရုတ်
တစ်နိုင်ငံလုံးအနှံ့ ရေနံတစ်စက်မှမတွေ့ဘဲ ရေနံတွင်းများကို ရာနှင့်ချီ၍ တူးဖော်ခဲ့သည်။
သို့သော် တစ်မိုင်နီးပါးနက်သည့် တွင်းများသည် ရွှေမည်းဟု တင်စားခေါ်ဝေါ်သည့် ရေနံအစား
သန့်ရှင်းသော အပူစွမ်းအင်ကို ဒေသခံနေအိမ်များအတွက် ထုတ်ပေးလျက်ရှိကြောင်း
သိရသည်။

တရုတ်နိုင်ငံ၏ လျှပ်စစ်ဓာတ်အား သုံးပုံနှစ်ပုံကို ကျောက်မီးသွေးမှ ထုတ်ယူနေရစဉ်
ဟယ်ပေပြည်နယ် မြောက်ပိုင်းတွင် လူဦးရေ ၄ဝဝ,ဝဝဝ ခန့်နေထိုင်သော ရှုန့်ခရိုင်ရှိ
နေအိမ်အားလုံးနီးပါးသည် မီတာ ၁,၅ဝဝ (ပေ ၅,ဝဝဝ) ခန့် နက်ရှိုင်းသော တွင်းများထံက
အပူစွမ်းအင်ရရှိလျက်ရှိသည်။

ထိုခရိုင်အတွင်းရှိ အပြင်ဘက်တွင် အေးခဲလျက်ရှိသော်လည်း နေအိမ်တစ်အိမ်တွင်
အအေးဓာတ်စိမ့်ဝင်ခြင်းမရှိဘဲ အသက် ၆ဝ အရွယ် အဘိုးအိုက သူ၏ မြေးများ ခြေဗလာဖြင့်
အိမ်ခန်းအတွင်း ပြေးလွှားနေသည်ကို စိတ်အေးလက်အေးဖြင့် ကြည့်နေခဲ့သည်။

သူ၏ အိမ်အတွင်းရှိ အပူချိန်မှာ ၂၈ ဒီဂရီစင်တီဂရိတ် (၈၂ ဒီဂရီဖာရင်ဟိုက်) ရှိပြီး
အိမ်ထောင့်တွင်ရှိသော ရှောက်ပင်မှာ ဆောင်းရာသီ၏ လက္ခဏာ တစ်စုံတစ်ခုမှ မတွေ့ရကြောင်း
သိရသည်။ အဆိုပါ ဖြစ်စဉ်များသည် စီးရေ သံသရာကြောင့်ဖြစ်သည်ဟု ဟယ်ပေပြည်နယ်ရှိ
ဆီနိုပက် ဘူမိအပူစွမ်းအင် ဌာနခွဲ ဒါရိုက်တာ ချင်မုန်ဟွေ့က ပြောသည်။

''ဒီမြေအောက်တွင်းတွေက အပူပေးစနစ်ထဲကို မစီးဝင်ခင် အပူချိန် ၇ဝ ဒီဂရီစင်တီဂရိတ်
ဝန်းကျင်ရှိတဲ့ ရေတွေကို ပို့လွှတ်တယ်'' ဟု သူက ပြောသည်။

တရုတ်နိုင်ငံ၏ မြေအောက် အပူစွမ်းအင်ရရှိသောအပိုင်းတွင် ကြီးမားသော အလားအလာ
ရှိသည်ဟု ကျွမ်းကျင်သူများက ပြောသော်လည်း မရှင်းမလင်း အခြေအနေတွင်ရှိပြီး
အာရှကုမ္ပဏီကြီး၏ စွမ်းအင်သုံးစွဲမှု၏ သုည ဒသမ ၅ ရာခိုင်နှုန်းထက်လျော့နည်းကြောင်း
သိရသည်။

တရုတ်နိုင်ငံရှိ ဆီနိုပက်ကုမ္ပဏီ၏ ဘူမိအပူစွမ်းအင် စီမံကိန်းများက နိုင်ငံရှိ
နေအိမ်စုစုပေါင်း အရေအတွက်၏ ၄ဝ ရာခိုင်နှုန်းကို ဘူမိအပူစွမ်းအင်ဖြင့် အပူပေးထားနိုင်ပြီး
ထိုစွမ်းအင်ကို ထုတ်ယူမှုအတွက် အလားအလာရှိသော စံပြပုံစံအဖြစ် ပြသနိုင်ခဲ့သည်။

ဘူမိအပူစွမ်းအင် လုပ်ငန်းအတွင်းသို့ဆီနိုပက်ကုမ္ပဏီ စတင် မဝင်ရောက်ခင် အိုက်စ်လန်
ကုမ္ပဏီ တစ်ခုဖြစ်သည့် အာတိတ်စိမ်းလန်းရေး စွမ်းအင်ကုမ္ပဏီနှင့် အစုစပ်ဝင်လုပ်ကိုင်ခဲ့ကြောင်း
သိရသည်။

ဆီနိုပက် ကုမ္ပဏီက နည်းပညာပံ့ပိုးမှုလိုအပ်ခဲ့ပြီး အိုက်စ်လန်နိုင်ငံက မြေကြီးကနေ
စွမ်းအင်ထုတ်ယူနိုင်သည့် ခေါင်းဆောင်အဖြစ် မှတ်ယူခဲ့သည်။ ၂ဝဝ၉ ခုနှစ်တွင်
စတင်ခဲ့သည့် ဖက်စပ်လုပ်ငန်းတွင် ၄င်းတို့က တွင်းပေါင်း ၇ဝ တူးခဲ့သည့် ရှုန့်စီမံကိန်းတွင်
တရုတ်သုံးငွေ ယွမ် သန်း ၄ဝဝ (အမေရိကန်ဒေါ်လာ ၅၈ သန်း) ရင်းနှီးမြှုပ်နှံခဲ့ကြောင်း
သိရသည်။

အိုက်စ်လန်နိုင်ငံတွင် စမ်းသပ်ခဲ့ပြီးဖြစ်သည့် ထိုနည်းပညာကို တရုတ်နိုင်ငံမြောက်ပိုင်းတွင်
အသုံးချရန် ရည်ရွယ်ထားသည်။

''အတ္တလန္တိတ်အလယ်ပိုင်း ကျွန်းရိုးပေါ် မှာရှိတဲ့ အိုက်စ်လန်နိုင်ငံဟာ လျှပ်စစ်ဓာတ်အားပေး
စက်ရုံတွေကို ဖြည့်ဆည်းပေးဖို့လုံလောက်တဲ့ အပူချိန် ၂၅ဝ ဒီဂရီစင်တီဂရိတ်ထက်ကျော်လွန်တဲ့
ထူးခြားတဲ့ သယံဇာတများရှိတယ်'' ဟု ဆီနိုပက်ကုမ္ပဏီ၏ ဘူမိဗေဒဆိုင်ရာ သုတေသနလုပ်ငန်း
အရာရှိ ဝမ်ရန်ရှင်က ပြောသည်။

''စီချွမ်နှင့် တိဗက်သည် ခြွင်းချက်ဖြစ်ပြီး တရုတ်နိုင်ငံတွင် အပူပေးစနစ်များအပေါ်
အာရုံစိုက်ဆောင်ရွက်ရန် တွန်းအားပေးသည့်အပူချိန် ၁၅ဝ ဒီဂရီစင်တီဂရိတ်ထက်
ကျော်လွန်သော အပူချိန်ရှိသည်'' ဟု သူက ထည့်သွင်းပြောကြားခဲ့သည်။

မကြာသေးမီနှစ်များအတွင်း ရေနံဈေးနှုန်းကျဆင်းမှုနှင့် တရုတ်စီးပွားရေး နှေးကွေးမှုကို
ခံစားခဲ့ရသော ဆီနိုပက်ကုမ္ပဏီသည် နေရောင်ခြည်စွမ်းအင်၊ လေစွမ်းအင်နှင့်
ဘူမိအပူစွမ်းအင်အစရှိသည့် ပြန်လည်အသုံးပြုနိုင်သော စွမ်းအင်ထုတ်လုပ်မှုများတွင်
ရင်းနှီးမြှုပ်နှံသွားဖွယ်ရှိကြောင်း သိရသည်။

အဆိုပါကုမ္ပဏီသည် တရုတ်နိုင်ငံ၏ ပြည်နယ် ၁၆ ခုတွင် ဘူမိအပူစွမ်းအင်သုံး စက်ရုံရှိပြီး
နေအိမ်များနှင့် စက်ရုံများကို အပူပေးလျက်ရှိပြီး ကာဗွန်ဒိုင်အောက်ဆိုက် ထုတ်လွှတ်မှု
ခန့်မှန်းခြေ တန်သုံးသန်း ကာကွယ်နိုင်ခဲ့ကြောင်း သိရသည်။

- အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း