မြောက်ကိုရီးယား ဒုံးကျည်စမ်းသပ်မှုတိုးတက်လာကြောင်း တောင်ကိုရီးယားဆို

 

ဆိုဟိုင်း ဂြိုဟ်တုစခန်း၌ အသစ်တီထွင်ခဲ့သော အင်အားပြင်း ဂျက်အင်ဂျင်စမ်းသပ်မှုကို ကင်ဂျုံအန်း စစ်ဆေးနေစဉ်။ ဓာတ်ပုံ - အေအက်ဖ်ပီဆိုဟိုင်း ဂြိုဟ်တုစခန်း၌ အသစ်တီထွင်ခဲ့သော အင်အားပြင်း ဂျက်အင်ဂျင်စမ်းသပ်မှုကို ကင်ဂျုံအန်း စစ်ဆေးနေစဉ်။ ဓာတ်ပုံ - အေအက်ဖ်ပီ

ဆိုးလ် - မြောက်ကိုရီးယားနိုင်ငံ၏ နောက်ဆုံးဒုံးကျည်အင်ဂျင် စမ်းသပ်မှုက တိုးတက်လာသော
ဒုံးကျည်စွမ်းရည် အခြေအနေကို ဖော်ပြနေကြောင်း နျူကလီးယားလက်နက်ပိုင် နိုင်ငံများ၏
အငြင်းပွားဖွယ် လက်နက်ဖွံ့ဖြိုးတိုးတက်မှုစီမံကိန်းများနှင့် ပတ်သက်ပြီး တောင်ကိုရီးယားက
မတ် ၂ဝ ရက်တွင်ထုတ်ပြန်ခဲ့သည်။

အဆိုပါ ဒုံးကျည်အင်ဂျင်စမ်းသပ်မှုကို မြောက်ကိုရီးယား နိုင်ငံခေါင်းဆောင် ကင်ဂျုံအန်း
ကိုယ်တိုင် ကြီးကြပ်ကွပ်ကဲခဲ့သည်ဟု နိုင်ငံပိုင်သတင်းဌာနက မတ် ၁၉ ရက်တွင်
ထုတ်ပြန်ခဲ့ပြီး အမေရိကန် နိုင်ငံခြားရေးဝန်ကြီးသစ် ရက်စ်တီလာဆန်၏ အာရှခရီးစဉ်နှင့်
အချိန်ကိုက်တစ်ထပ်တည်းကျနေသည်။

အဆိုပါ စမ်းသပ်မှုသည် ဂျပန်နိုင်ငံရှိ အမေရိကန် စစ်စခန်းများကို တိုက်ခိုက်ရန်အတွက်
လေ့ကျင့်မှုအဖြစ် ဒုံးကျည်လေးစင်းကို အရှေ့ဘက်သို့ စမ်းသပ်ပစ်လွှတ်မှုအပါအဝင်
စမ်းသပ်မှုများထဲက မြောက်ကိုရီးယားနိုင်ငံ၏ နောက်ဆုံးလှုပ်ရှားမှုဖြစ်ကြောင်း သိရသည်။

ဆိုဟိုင်း ဂြိုဟ်တုစခန်းတွင် အင်အားပြင်း ဂျက်အင်ဂျင်ကို စမ်းသပ်နေစဉ်။ ဓာတ်ပုံ - အေအက်ဖ်ပီဆိုဟိုင်း ဂြိုဟ်တုစခန်းတွင် အင်အားပြင်း ဂျက်အင်ဂျင်ကို စမ်းသပ်နေစဉ်။ ဓာတ်ပုံ - အေအက်ဖ်ပီ

''နောက်ဆုံးစမ်းသပ်မှုက ဒုံးကျည်အင်ဂျင်ပိုင်းမှာ တိုးတက်လာတဲ့ အခြေအနေရှိတယ်'' ဟု
တောင်ကိုရီးယား ကာကွယ်ရေးဝန်ကြီးဌာန ပြောရေးဆိုခွင့်ရပုဂ္ဂိုလ်က သတင်းထောက်များကို
ပြောကြားခဲ့သည်။

''ဒါပေမဲ့ ဒုံးကျည်အင်ဂျင်စွမ်းရည်ကို လေ့လာစိစစ်ဖို့ လိုအပ်ပါသေးတယ်'' ဟု လီဂျင်ဝူးက
ပြောသည်။

အမေရိကန် နိုင်ငံခြားရေးဝန်ကြီး ဂျပန်နိုင်ငံ၊ တရုတ်နှင့် တောင်ကိုရီးယားနိုင်ငံသို့
လာရောက်ခဲ့စဉ်အတွင်း အဆိုပါစမ်းသပ်မှုကိုပြုလုပ်ခဲ့ခြင်းဖြစ်ပြီး မြောက်ကိုရီးယားနိုင်ငံနှင့်
မဟာဗျူဟာနှင့် ပတ်သက်ပြီးတည်ငြိမ်မှုရရှိရန် ကြိုးပမ်းမှုကို လက်လျှော့ရန်အမေရိကန်နိုင်ငံက
ထုတ်ပြန်နိုင်ကြောင်းသိရသည်။

ကာလကြာရှည် ကာကွယ်ထားသော နယ်နိမိတ်ထိစပ်နေသော နိုင်ငံများကို သံတမန်
ဆက်ဆံရေး ရင်းနှီးရန် ကြိုးပမ်းမှုအပေါ် တရုတ်နိုင်ငံ၏ အပြင်းအထန်တောင်းဆိုမှုနှင့်
ပြတ်သားသော ခြားနားချက်ဖြစ်သော မြောက်ကိုရီးယားနိုင်ငံကို အမေရိကန်စစ်တပ်က
တုံ့ပြန်နိုင်ကြောင်း ရက်စ်တီလာဆန်က တောင်ကိုရီးယားနိုင်ငံတွင် သတိပေး
ပြောကြားခဲ့သည်။

အမေရိကန်နှင့် ၄င်းမဟာမိတ် တောင်ကိုရီးယားနိုင်ငံအပါအဝင် ရန်ဘက်နိုင်ငံများ
တိုက်ခိုက်မှုမှ ကာကွယ်ရန် နျူကလီးယားနှင့် လက်နက်များ လိုအပ်သည်ဟု မြောက်
ကိုရီးယားက အခိုင်အမာ ပြောကြားခဲ့သည်။

မြောက်ကိုရီးယားနိုင်ငံက ၂ဝဝ၆ ခုနှစ်ကတည်းက ကင်ဂျုံအန်း လက်အောက်တွင်
ပြုလုပ်ခဲ့သည့် နျူကလီးယားစမ်းသပ်မှု သုံးကြိမ်အပါအဝင် ငါးကြိမ်ပြုလုပ်ခဲ့ပြီး အမေရိကန်
ပင်မနယ်မြေသို့ ရောက်ရှိနိုင်ရန် ဒုံးကျည်စမ်းသပ်ပစ်လွှတ်မှုများ ပြုလုပ်ခဲ့သည်။

မြောက်ကိုရီးယားနိုင်ငံ၏ ကြီးထွားလာသည့် အန္တရာယ်များက တောင်ကိုရီးယားနှင့်
အမေရိကန်နိုင်ငံကို လှုံ့ဆော်လျက်ရှိပြီး တရုတ်နိုင်ငံ၏ ဒုံးကျည်စွမ်းရည်ကို
ခြိမ်းခြောက်နိုင်သည့် အမေရိကန် ဒုံးကျည်ကာကွယ်ရေးစနစ်ကို တောင်ကိုရီးယား
နိုင်ငံတွင် စတင်တပ်ဆင်ခဲ့သည်။

THAAD ဒုံးကျည်ကာကွယ်ရေးစနစ်တပ်ဆင်ခဲ့မှုကြောင့် တရုတ်နိုင်ငံတွင် ဆန္ဒပြမှုများ
ဖြစ်ပွားခဲ့ပြီး တောင်ကိုရီးယား စီးပွားရေးလုပ်ငန်းများကို သပိတ်မှောက်မှုများနှင့်
တရုတ်နှင့် အမေရိကန် နှစ်နိုင်ငံအကြား ဆက်ဆံရေး တင်းမာလာခဲ့ကြောင်း
သိရသည်။

- အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - အာရှသတင်း