လက်တဖက်ဆုံးရှုံးခဲ့ရသည့် မြန်မာအလုပ်သမားတစ်ဦးကို ထိုင်းအစိုးရက ကျပ်သိန်း ၁၈၀ ကျော် ပေးလျော်

ထိုင်းနိုင်ငံ မဟာချိုင်နယ်မြေအတွင်းရှိ ချည်မျှင်စက်ရုံတစ်ခုတွင် အလုပ်လုပ်ကိုင်နေသည့်
မြန်မာရွှေ့ပြောင်းအလုပ်သမားတစ်ဦး လုပ်ငန်းခွင် မတော်တဆမှုကြောင့် ညာဖက်လက်
ပြတ်တောက်ခဲ့ရာတွင် ထိုင်းအစိုးရ၏ နစ်နာမှု လျော်ကြေး ထိုင်းဘတ်ငွေ ၄၈၆,၇၅၉
(မြန်မာကျပ်ငွေ ၁၈၆ သိန်းခန့်) ရရှိခဲ့ကြောင်း ထိုင်းနိုင်ငံအခြေစိုက် အေအေစီအဖွဲ့ဝင်
ကိုရဲမင်းက ပြောသည်။

"အလုပ်သမားက အသက်အာမခံနှင့် လူမှုဖူလုံရေးကြေး သွင်းထားတာရှိတော့ အစိုးရပိုင်းနဲ့
စကားပြောပြီး ထိုက်သင့်တဲ့ ပိုက်ဆံကို မြန်မြန်ဆန်ဆန်ထုတ်နိုင်ခဲ့တာပါ" ဟု ကာယကံရှင်
အလုပ်သမား၏ ရပိုင်ခွင့်အား ကူညီတောင်းဆိုပေးခဲ့သည့် အေအေစီအဖွဲ့ဝင် ကိုရဲမင်းက
ဧပြီ ၁၀ ရက်တွင် ပြောသည်။

လုပ်ငန်းခွင်အတွင်း ထိခိုက်ဒဏ်ရာရရှိခဲ့သည့် အလုပ်သမားမှာ မွန်ပြည်နယ်မှ တစ်ဆင့် ထိုင်းနိုင်ငံသို့
လာရောက်အလုပ်လုပ်ကိုင်သည့် ကိုအောင်သိန်းမြင့် ဆိုသူဖြစ်ပြီး ထိုင်းနိုင်ငံ မဟာချိုင်နယ်မြေ၊
မိုးမိုင်ရပ်ကွက်ရှိ ချည်မျှင်လုံး စက်ရုံတစ်ခုတွင် အလုပ်လုပ်ကိုင်နေစဉ် မတော်တဆမှုကြောင့်
ညာဘက်လက် တံတောင်ဆစ်ကနေပြီး ဖြတ်တောက်ခဲ့ရခြင်း ဖြစ်သည်။

အဆိုပါ အလုပ်သမားမှာ လုပ်ငန်းခွင်တွင်း တရားဝင်အထောက်အထားများဖြင့် လုပ်ကိုင်နေသူ
တစ်ဦးဖြစ်ပြီး ထိုင်းနိုင်ငံက သတ်မှတ်ထားသည့် အသက်အာမခံကြေးများနှင့် လူမှုဖူလုံရေးကြေးများကို
လစဉ် မပြတ်မကွက် ပေးသွင်းထားသည့်အတွက် ယခုကဲ့သို့ ထိုင်းအစိုးရက ပေးအပ်သည့် နစ်နာမှု
လျော်ကြေးကို အချိန်တစ်လကျော်အတွင်း ရရှိခဲ့ခြင်းဖြစ်သည်ဟု အေအေစီအဖွဲ့က ဆိုသည်။

"ဒီမှာက အထောက်အထားမရှိတဲ့ အလုပ်သမားလည်း အလုပ်သမားအခွင့်အရေး ခံစားခွင့်ရှိတယ်။
အထောက်အထားရှိတာ မရှိတာ စိတ်မ၀င်စားဘူး။ လုပ်ငန်းရှင်တစ်ဦး ခိုင်းနေတဲ့ အလုပ်သမားတစ်ဦး
တစ်ခုခုဖြစ်ရင် အဲဒီအလုပ်ရှင်မှာ တာဝန်ရှိတယ်။ ဥပဒေနဲ့ အလုပ်သမားအခွင့်အရေးကာကွယ်ရေး
အဖွဲ့အစည်းတွေကလည်း အားကောင်းတော့ အလုပ်ရှင်တွေက ကြောက်ကြတယ်" ဟု
ကိုရဲမင်းက ပြောသည်။

ထိုင်းနိုင်ငံတွင် ပကန်ဆန်ခုန်ဟု ခေါ်သည့် အသက်အာမခံကြေးနှင့် လူမှုဖူလုံရေးကြေးများကို
အလုပ်သမားနှင့် အလုပ်ရှင်တို့က တစ်လ၀င်ငွေ၏ ၅ ရာခိုင်နှုန်းကို လစဉ်ပေးသွင်းရပြီး
အစိုးရကလည်း အလုပ်သမားတစ်ဦးချင်းစီအတွက် ၂ ဒသမ ၅ ရာခိုင်းနှုန်းကို စိုက်ထုတ်ပေးသွင်း
ထားရခြင်း ဖြစ်သည်။

အလုပ်သမားများ မီးဖွားခြင်း၊ ထိခိုက်ဒဏ်ရာရခြင်း၊ ဖျားနာခြင်းနှင့် အသက်ဆုံးရှုံးမှုများ ဖြစ်ပေါ်လာပါက
သက်ဆိုင်ရာထိုင်းအစိုးရက အဆိုပါ ပကန်ဆန်ခုန်ကြေးများကို အလုပ်သမားများ၏ နစ်နာမှု
ကုန်ကျစားရိတ်အလိုက် တွက်ချက်ပြီး ပြန်လည်ပေးလျော်ခြင်း ဖြစ်သည်။

မြန်မာနိုင်ငံတွင် အလုပ်သမားများ လစဉ် လူမှုဖူလုံရေးကြေးများ ပေးသွင်းထားရသော်လည်း
ဖျားနာမှုများ၊ ထိခိုက်ဒဏ်ရာရရှိမှုများနှင့် သေဆုံးမှုများ ရှိသည့်တိုင် ထိုက်သင့်သည့် နစ်နာမှု
လျော်ကြေးများ မရရှိကြကြောင်း အလုပ်သမားအခွင့်အရေး ဆောင်ရွက်နေသည့် Action Labour
Rights အဖွဲ့ဝင် ကိုစိုင်းယုမောင်က ပြောသည်။

"စက်ရုံတစ်ခုမှာဆို ကောင်လေးနှစ်ယောက် ရှိပြီ လက်ပြတ်သွားတယ်။ အလုပ်သမားတစ်ယောက်ဆို
လက်ချောင်းနှစ်ချောင်းပြတ် သွားတယ်။ အလုပ်ရှင်ကလည်း ဘာမှမလုပ်ပေးဘူး။
ဘာနစ်နာကြေးမှလည်း မရဘူး။ အဲဒါကို နစ်နာကြေး ရနိုင် မရနိုင် ပြန်လိုက်နေတာ ရှစ်လလောက်
ရှိနေပြီ" ဟု ၎င်းက ပြောသည်။

လုပ်ငန်းခွင် မတော်တဆမှုများကြောင့် ထိခိုက်နစ်နာပြီး အသက်ဆုံးရှုံးမှုများ ရှိသော်လည်း
လူမှုဖူလုံးရေး တာဝန်ရှိသူများ၏ ကူညီဆောင်ရွက်ပေးမှု ပြည့်ဝစွာ မရရှိခြင်းကြောင့် သေဆုံးသူ
တစ်ဦးအတွက် လုပ်ငန်းရှင်မှ ပေးသည့် နစ်နာကြေး ၁၇ သိန်းအားယူပြီး ကျေးအေးခဲ့ရသည့်
ဖြစ်ရပ်များရှိကြောင်း ကိုစိုင်းယုမောင်က ပြောသည်။

အလုပ်သမားများမှာ လူမှုဖူလုံရေးကြေးများ လစဉ်ပေးသွင်းသော်လည်း အလုပ်သမားဆေးရုံများတွင်
အပြည့်အ၀ကုသစောင့်ရှောက်မှု မခံရခြင်းနှင့် ပြင်ပဆေးခန်းများသို့ စေလွတ် ပြသခိုင်းခြင်းများ
ရှိနေသည့်အပြင်၊ ဆေ၀ါးကုန်ကျစားရိတ်များ ပြန်လည် ထုတ်ယူရာတွင် အပြည့်အ၀ပေးချေခြင်းမရှိဘဲ
ဖြတ်တောက်မှုများ ရှိနေကြောင်း ၎င်းကပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း