တစ်ပြေးညီ အာဆီယံဗီဇာ အစီအစဉ်ဖော်ဆောင်ရန် ခက်ခဲနေဆဲ

ဒေသတွင် ဗီဇာ ကင်းလွတ်ရေးနှင့် ပတ်သက်သည့် မူဘောင်သဘောတူညီချက်ကို ၂ဝဝ၆ ခုနှစ် ဇူလိုင် ၂၅ ရက်က မလေးရှားနိုင်ငံတွင် အာဆီယံနိုင်ငံခြားရေးဝန်ကြီးများ လက်မှတ်ရေးထိုးခဲ့စဉ်။ ဓာတ်ပုံ - အီးပီအေဒေသတွင် ဗီဇာ ကင်းလွတ်ရေးနှင့် ပတ်သက်သည့် မူဘောင်သဘောတူညီချက်ကို ၂ဝဝ၆ ခုနှစ် ဇူလိုင် ၂၅ ရက်က မလေးရှားနိုင်ငံတွင် အာဆီယံနိုင်ငံခြားရေးဝန်ကြီးများ လက်မှတ်ရေးထိုးခဲ့စဉ်။ ဓာတ်ပုံ - အီးပီအေ

စီးပွားရေးနှင့် နိုင်ငံရေးအရ ပိုမိုစုစည်းမိလာသည်နှင့်အမျှ အဖွဲ့ဝင် ၁ဝ နိုင်ငံရှိသော
အာဆီယံသည် အဖွဲ့ဝင်နိုင်ငံများမှ ပြည်သူများ ပိုမိုလုံခြုံပြီး ပိုမိုလွတ်လပ်စွာ
ခရီးသွားလာနိုင်မည့် နည်းလမ်းများကို ကြံဆ လာကြရသည်။ အာဆီယံနိုင်ငံများမှ
လူဝင်မှုကြီးကြပ်ရေး အရာရှိများသည် ဥရောပသမဂ္ဂကဲ့သို့တစ်ခုတည်းသော
အီးယူဗီဇာမျိုးရှိရန် အာဆီယံ၌ လိုအပ်လာပြီဟု ယူဆကြသည်။ သို့ရာတွင်အဖွဲ့ဝင်နိုင်ငံများ
အကြား မတူကွဲပြားမှုများနှင့်အချုပ်အခြာအာဏာကိစ္စရပ်များကြောင့် အဆိုပါ အာဆီယံဗီဇာမှာ
အကောင်အထည်ဖော်ရန် ခက်ခဲမည်ဟုလည်း ထောက်ပြကြသည်။

''ဒါဟာ အချိန်ကြာမှာဖြစ်ပြီး စိန်ခေါ်မှုရှိတဲ့ လုပ်ငန်းလည်း ဖြစ်ပါတယ်'' ဟု ဟက်ဘစ်ဘီ
သုတေသနဌာနမှ အကြီးတန်းသုတေသနပညာရှင် ဒေါက်တာ အလက်ဇန္ဒားစီချန်ဒရာက
ဆိုသည်။ အစိုးရ၏ အယူအဆအရလည်းကောင်း၊ နိုင်ငံခြားရေးအမြင်များအရလည်းကောင်း
အာဆီယံနိုင်ငံများတွင် ဗီဇာစနစ် အမျိုးမျိုး ကွဲပြားကြသည်ဟု သူက ထောက်ပြသည်။

အာဆီယံနိုင်ငံများ အချင်းချင်းတွင်ပင်လျှင် အားလုံးတစ်ပြေးညီ ဗီဇာကင်းလွတ်ခွင့်
ရရှိကြသည် မဟုတ်ပေ။ ၂ဝ၁ဝ ပြည့်နှစ်နှင့် ၂ဝ၁၄ ခုနှစ်အတွင်း အာဆီယံဒေသတွင်း
အချင်းချင်း အပြန်အလှန်သွားလာသည့် ခရီးသွားဦးရေမှာ ၃၅ သန်းမှ ၅၅ သန်းအထိ
တိုးတက်လာသည်။ ခရီးသွားကဏ္ဍ၏ တိုးတက်မှုကို အမီလိုက်ပြီး ယင်း၏ အကျိုးကျေးဇူးကို
အပြည့်အဝ ခံစားနိုင်ရေးအတွက် အာဆီယံနိုင်ငံများမှာ ဗီဇာလုပ်ငန်းစဉ် တိုးတက်ရေးနှင့်
အာဆီယံအတွင်း လွတ်လပ်စွာ ခရီးသွားလာမှု သဘောတူညီချက် ရရှိရေးများကို
ဆောင်ရွက်သင့်ကြသည်။

ဥရောပသမဂ္ဂနှင့် လိုင်ယွန်မြို့အခြေစိုက် အင်တာပို နိုင်ငံတကာရဲတပ်ဖွဲ့တို့ ပူးပေါင်းလျက်
''အီးယူ အာဆီယံ ရွှေ့ပြောင်းနေထိုင်မှုနှင့် နယ်စပ်စီမံခန့်ခွဲမှု အစီအစဉ်''ကို ရေးဆွဲကာ
အာဆီယံနိုင်ငံများအနေဖြင့် ဒေသတွင်း လွတ်လပ်စွာ သွားလာနိုင်ရေး၊ အချုပ်အခြာအာဏာကို
မထိခိုက်စေဘဲ ပြည်သူများ အချင်းချင်း ထိတွေ့ဆက်ဆံရေးနှင့် စီးပွားရေးတိုးတက်မှုဆိုင်ရာ
ရှုပ်ထွေးသော ကိစ္စရပ်များအတွက် မိမိတို့နှင့် သင့်တော်သည့်ပုံစံ ရေးဆွဲဆောင်ရွက်နိုင်ရေး
တို့အတွက် အကူအညီ ပေးအပ်ခဲ့သည်။

တစ်ခုတည်းသော အာဆီယံဗီဇာ သတ်မှတ်ရေးမှာ ၂ဝ၁ဝ ပြည့်နှစ်တွင် ကြေညာခဲ့သော
အာဆီယံ ချိတ်ဆက်မှု အစီအစဉ်၏ တစ်စိတ်တစ်ဒေသ ဖြစ်သည်ဟု အင်တာပို စွမ်းရည်
မြှင့်တင်ရေးနှင့် လေ့ကျင့်ရေးဌာန ညွှန်ကြားရေးမှူး ဟာရိုးဒ်အိုကွန်းနယ်က ပြောသည်။

အာဆီယံအဖွဲ့ကြီး တစ်စုတစ်စည်းဖြစ်လာသည်နှင့် အမျှ အာဆီယံနိုင်ငံများသည် မိမိတို့
နယ်စပ်များကို ထိန်းချုပ် စီမံခန့်ခွဲမှု စွမ်းရည်များ တိုးတက်လာရမည်ဖြစ်သည်။
ဗီဇာတစ်ခုတည်း ထားရှိရေးအတွက် အဓိက လိုအပ်ချက်မှာ အဖွဲ့ဝင်နိုင်ငံအချင်းချင်း
ယုံကြည်မှုပင် ဖြစ်သည်ဟု ၄င်းက ဆိုသည်။ အီးယူနိုင်ငံများ၌ ဗီဇာစည်းကမ်း
လိုအပ်ချက်အားလုံးကို ဖယ်ရှားကာ ပြည်သူများအား အတားအဆီးမရှိ ခရီးသွားလာခွင့်
ပြုနိုင်ခဲ့ခြင်း၏ အဓိကအကြောင်းရင်းမှာ အီးယူနိုင်ငံအချင်းချင်း ယုံကြည်မှုထားရှိခြင်း
ပင်ဖြစ်သည်ဟု သူက ဖြည့်စွက် ပြောကြားသည်။

စီးပွားရေး အကျိုးကျေးဇူးများ ရရှိနိုင်ရေးအတွက် အာဆီယံသည် အချုပ်အခြာအာဏာ
အပိုင်းနှင့် နယ်စပ်ရေးရာကိစ္စများ၌ ပိုမိုဖြေလျှော့ပေးရန် လိုအပ်သကဲ့သို့ တစ်ချိန်တည်းမှာပင်
အာဆီယံနိုင်ငံများသည် နိုင်ငံ ဖြတ်ကျော် လုံခြုံရေးအန္တရာယ်များကို ရင်ဆိုင်နိုင်ရေး
ပိုမိုအားကောင်းရန်လည်း လိုအပ်သည်ဟု ဟာဘစ်ဘီသုတေသနဌာနမှ သုတေသနပညာရှင်
တစ်ဦးဖြစ်သူ မိုဟာမက်အာရစ်က ပြောသည်။

အချုပ်အခြာအာဏာ၊ တရားစီရင်ရေး၊ တစ်နိုင်ငံ၏ ပြည်တွင်းရေးကို အခြားတစ်နိုင်ငံက
ဝင်ရောက် မစွက်ဖက်ရေး၊ နယ်စပ်ရေးရာ စီမံခန့်ခွဲရေး၊ သတင်းအချက်အလက်နှင့်
ထောက်လှမ်းရေး သတင်းများ အပြန် အလှန်ဖလှယ်ရေး ကဲ့သို့သော ကိစ္စရပ်များမှာ
အာဆီယံအသိုင်းအဝိုင်းအတွင်း၌ အလွန် သိမ်မွေ့နက်နဲသည့် ကိစ္စရပ်များ ဖြစ်နေဆဲဟု
၎င်းက ဆိုသည်။

''နိုင်ငံဖြတ်ကျော် မှုခင်းတွေနဲ့ ပတ်သက်ပြီး အလွန်အမင်း ထိန်းချုပ်လိုတဲ့ လက်ရှိကြိုးပမ်းမှုတွေဟာ
တစ်ပြေးညီ အာဆီယံဗီဇာအကောင်အထည်ဖော်ရေးကို အခက်အခဲတွေ ပိုမိုဖြစ်ပေါ်စေပါတယ်''ဟု
သူက ထပ်လောင်း ပြောကြားသည်။

ယနေ့အချိန်တွင် အရှေ့တောင်အာရှနိုင်ငံအများအပြား၏ အစိုးရများမှာ တရားဝင်ဖြစ်မှုအတွက်
ရုန်းကန် နေကြရသဖြင့် ၄င်းတို့၏ နိုင်ငံခြားရေးနှင့် လုံခြုံရေးမူဝါဒများမှာ ပြည်တွင်းရေးဖိအားများနှင့်
ပိုမိုဆက်နွယ် ပတ်သက်လာခဲ့သည်ဟု မိုဟာမက်အာရစ်က ထောက်ပြသည်။

နိုင်ငံတကာနှင့် မဟာဗျူဟာ လေ့လာရေးဌာန၊ နိုင်ငံခြားရေးမူဝါဒနှင့် လုံခြုံရေးလေ့လာရေးဌာနခွဲ
ညွှန်ကြားရေးမှူး အယ်လီနာ နူအာက တစ်ပြေးညီ အာဆီယံဗီဇာ အကောင်အထည်ပေါ်ရေးအတွက်
စိန်ခေါ်မှု ၅ ခု ရှိသည်ဟု ဆိုသည်။ ပထမအချက်မှာ အာဆီယံနိုင်ငံများ၌ အာဆီယံနှင့် အာဆီယံ
မဟုတ်သော နိုင်ငံများအတွက် ဗီဇာမူဝါဒဆိုင်ရာ တစ်ပြေးညီ တူညီမှုမရှိသည့် အချက်ဖြစ်သည်။
ထို့ပြင် မလေးရှားနိုင်ငံမှာ ဖက်ဒရယ်ပြည်ထောင်စုနိုင်ငံဖြစ်သဖြင့် ပြည်နယ်များတွင် ကိုယ်ပိုင်
လူဝင်မှုကြီးကြပ်ရေးမူဝါဒရှိကာ ယင်းသို့ ပြည်တွင်းမူဝါဒ ကွဲလွဲမှုများကိုလည်း ညှိနှိုင်းရန်
လိုအပ်မည်ဖြစ်သည်။

ဒုတိယအချက်မှာ အာဆီယံနိုင်ငံ တစ်ခုနှင့်တစ်ခု နိုင်ငံရေးဆက်ဆံမှု အခြေအနေနှင့်
အပြန်အလှန် ကင်းလွတ်ခွင့်ပြုမှု အနေအထားအရ အာဆီယံဗီဇာကို အကောင်အထည်ဖော်ရမည့်
အချက်ဖြစ်သည်။

အခြားကြီးမားသည့် စိန်ခေါ်မှုတစ်ခုမှာ စိမ့်ဝင်မှုများ များပြားလှသည့် နယ်စပ်တစ်လျှောက်တွင်
လူဝင်မှုကြီးကြပ်ရေးဥပဒေများ စိုးမိုးမှုရှိရေးနှင့် နယ်စပ်ကို ထိန်းချုပ်ကွပ်ကဲရမည့် အရာရှိများ၏
စွမ်းဆောင်ရည်တို့ဖြစ်သည်။ အကြမ်းဖက်သမားများနှင့် အစွန်းရောက်သမားများ၏
ခြိမ်းခြောက်မှုအန္တရာယ် ရှိနေသည့်အတွက် တစ်ပြေးညီအာဆီယံဗီဇာ အစီအစဉ်ကို အဆိုပါ
အဖွဲ့များက အခွင့်အရေးယူပြီး အသုံးချသွားနိုင်သည့် အချက်ကိုလည်း သူမက ထောက်ပြခဲ့သည်။

နောက်ဆုံးအနေဖြင့် အာဆီယံသည် အီးယူနိုင်ငံများ၌ အလေးပေးဆောင်ရွက်လာရသည့်
ပုဂ္ဂိုလ်ရေး လွတ်လပ်ခွင့်ဆိုင်ရာ ထိပါးနှောင့်ယှက်သည့် ဆိုင်ဘာမှုခင်းများ တိုးပွားလာနေမှုကို
ရင်ဆိုင်ဖြေရှင်းရန် ဖြစ်သည်ဟု ဆိုသည်။

ဟာဘစ်ဘက် သုတေသနဌာနသည် တစ်ပြေးညီ အာဆီယံဗီဇာအား အကောင်အထည်ဖော်ရန်
ဖြစ်နိုင်ခြေ ရှိ/မရှိအား လေ့လာဆန်းစစ်လျက်ရှိပြီး လာမည့်နှစ် နှစ်ကုန်ပိုင်းတွင်အစီရင်ခံစာကို
အပြီးသတ်နိုင်မည် ဖြစ်သည်။

၂ဝ၁၁ ခုနှစ်တွင် ဘာလီ၌ ကျင်းပသော (၁၉) ကြိမ်မြောက် အာဆီယံ ထိပ်သီးအစည်းအဝေးတွင်
ဘုံအာဆီယံ ဗီဇာစနစ် ကျင့်သုံးနိုင်ခြေကို အာဆီယံခေါင်းဆောင်များက သဘောတူခဲ့ပြီး
လူဝင်မှုကြီးကြပ်ရေး၊ နယ်စပ်ထိန်းချုပ်ကွပ်ကဲရေးနှင့် စပ်လျဉ်းသည် စွမ်းရည် မြှင့်တင်မှုဆိုင်ရာ
ဆွေးနွေးညှိနှိုင်းမှုများ၊ အလုပ်ရုံဆွေးနွေးပွဲများ ဆက်တိုက်ကျင်းပလျက်ရှိသည်။

ဇော်ညွန့် ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း