ဟောင်ကောင် တိုက်တာခြံမြေဈေးကွက်နှင့် ထူးဆန်းထွေလာ တိုက်ကြီး

 

ဟောင်ကောင် ကွီဖောင်းရပ်ကွက် အံ့ဖွယ် တောင်ကုန်းရိပ်သာက လူနေတိုက်ခန်းများရှိရာ အဆောက်အအုံကြီး။ ဓာတ်ပုံ - အေအက်ဖ်ပီဟောင်ကောင် ကွီဖောင်းရပ်ကွက် အံ့ဖွယ် တောင်ကုန်းရိပ်သာက လူနေတိုက်ခန်းများရှိရာ အဆောက်အအုံကြီး။ ဓာတ်ပုံ - အေအက်ဖ်ပီ

ဟောင်ကောင် - အမောက်နီနှင့် ဗွတ်ကလုံ ငှက်များသည် ထူးဆန်းထွေလာခြံဝင်းကျယ် နှင့်
တိုက်ကြီးဝန်းကျင်တွင် ဝေလီဝေလင်းအချိန်ကစ၍ သံစာစာကျူးနေကြသည့် ထိုတိုက်ကြီးသည်
သစ်ပင်ပေါများပြီး စိမ်းလန်းစိုပြည်သော ဟောင်ကောင်ကျွန်း မြောက်ပိုင်းရှိ တောင်ထိပ်တွင်
တည်ရှိသည်။ ထိုအဆောက် အအုံကြီး၏သမိုင်းက မြို့၏ နိုင်ငံရေး၊ စီးပွားရေးနှင့် လူမှုရေးဆိုင်ရာ
ကံကြမ္မာကို လှစ်ပြနေပေသည်။

ဗြိတိသျှကိုလိုနီအစိုးရက ဟောင်ကောင် ကျွန်းကို တရုတ်နိုင်ငံသို့ လွှဲပြောင်းပေးရန်
သဘောတူစာချုပ် ချုပ်ဆိုသည့်နှစ်ဖြစ်သော ၁၉၈၄ ခုနှစ်တွင် တည်ဆောက်ခဲ့သည့် အဆိုပါ
အဆောက်အအုံသည် ၄င်း၏ ခေတ်အခါက ရှေ့ပြေးဒီဇိုင်းတစ်ခုဖြစ်ပြီး အသင်းတိုက်၊
တင်းနစ်ကွင်းနှင့် ရေကူးကန်တို့ဖြင့် ပြည့်စုံသော အချိုးကျသည့် အဖြူရောင် တိုက်ခန်းအိမ်ရာ
၂၂ ခု ဝိုင်းရံလျက်ရှိသည်။

ကမ္ဘာ့ တန်ဖိုးအမြင့်ဆုံး ဈေးကွက်များတွင် တစ်ခုဖြစ်လာရန် ဟောင်ကောင်၏ တိုက်တာ
ခြံမြေဈေးကွက်သည် တိုးပွားလိုက်၊ ကျဆင်း လိုက် ပြောင်းလဲလျက်ရှိသောကြောင့်
ထူးဆန်းထွေလာအိမ်ကြီး၏ ဈေးနှုန်းများ သည် အတက်အကျရှိနေသည်။

ဗြိတိန်က ဟောင်ကောင်ကျွန်းကို လွှဲပြောင်းပေးသည့် နှစ်၂ဝ ပြည့် အထိမ်း အမှတ်နေ့
နီးလာသည်နှင့် တတ်နိုင်သည့် အိမ်ရာများမရှိခြင်းသည် ဟောင်ကောင် အတွက် အဓိက
နိုင်ငံရေးပြဿနာဖြစ်လာ သည်။ သို့သော် ထူးဆန်းထွေလာအိမ်ကြီး သည် တစ်ချိန်က
ရယူနိုင်တဲ့ ရည်မှန်းချက် တစ်ခုဖြစ်ခဲ့သည်။

ယခု အသက် ၇ဝ အရွယ်ရှိပြီဖြစ်သော အပ်ချုပ်သမဟောင်း ဝင်နီဝေါင်းသည် ၁၉၉၇ ခုနှစ်၌
၎င်း၏ခင်ပွန်းနှင့်အတူ အိပ်ခန်းသုံးခန်းရှိ တိုက်ခန်းဝယ်ခဲ့သည်။ ထိုအချိန်က ဟောင်ကောင်
သည် တရုတ်သို့ လွှဲအပ်အပြီး တစ်စိတ်တစ်ပိုင်း ကိုယ်ပိုင်အုပ်ချုပ်ခွင့်ရသော ဒေသဖြစ်လာ
သည်။ မလွှဲအပ်မီ ဟောင်ကောင်တွင် လာရောက်နေထိုင်သူအချို့က တရုတ်နိုင်ငံက
ဦးစီးဦးကိုင်လုပ်မည်ကို စိုးရိမ်ကြသည်။ ဝေါင်းက မစိုးရိမ်ခဲ့ပါ။

ဝေါင်းမိသားစုသည် အမြော်အမြင်ရှိသော မျိုးဆက်စစ်စစ်ဖြစ်သည်။ ဟောင်ကောင်
တိုးတက်ပြောင်းလဲလာသလို ၄င်းတို့သည် အိမ်ရောင်းဝယ်လုပ်ငန်းကို လုပ်ကြသည်။

ဝေါင်းမိသားစုသည် ၄င်းတို့၏ ပထမ တိုက်ခန်းကို ၁၉၇ဝ ပြည့်နှစ်၌ ဟောင်ကောင် ဒေါ်လာ
၄၅,ဝဝဝ ဖြင့်ဝယ်ပြီး ထူးဆန်းထွေလာအိမ်ကြီးကို ဟောင်ကောင်ဒေါ်လာ ၇ ဒသမ ၈၅
သန်းဖြင့် ပက်ခနဲပေးပြီးမဝယ်မီ ခုနစ်ကြိမ်ရွှေ့ပြောင်းနေခဲ့သည်။ ထိုတိုက်ကြီးသည် ယခုအခါ
တန်ဖိုးနှစ်ဆရှိနေပြီဖြစ်သည်။

ထိုတိုက်ကြီးသည် သက်သောင့်သက်သာ ရှိပြီး စတုရန်းပေ ၁,၆ဝဝ ကျယ်ကာ အနုပညာ
လက်ရာများ၊ မိသားစုဓာတ်ပုံများဖြင့် အလှဆင်ထား၍ စိမ်းလန်းစိုပြည်သော ရှုခင်းနှင့်
လှေကားထစ် စိုက်ခင်းကျယ်ကြီးနှင့် သစ်လွင်နေသည်။

၁၉၈ဝ ပြည့်နှစ်များနှင့် ၁၉၉ဝ ပြည့်နှစ် တစ်လျှောက်လုံး ဖြည်းဖြည်းချင်းမြင့်တက် လာပြီးနောက်
အာရှငွေရေးကြေးရေး အကျပ်အတည်းက ဈေးကွက်ကို တလိမ့် ခေါက်ကွေးကျစေသောကြောင့်
၁၉၉၇ ခုနှစ်၏ နောက်ဆုံးသုံးလပတ်တွင် တိုက်တာခြံမြေ ဈေးနှုန်းများ ပြိုလဲသွားခဲ့သည်။
လူ ၂၉၉ ဦးကို သေစေခဲ့သည့် ဆားစ်ရောဂါဖြစ်ပွားသော ၂ဝဝ၃ ခုနှစ်၌ ဟောင်ကောင်
စီးပွားရေးသည် ထိုးနှက်မှု နောက်တစ်ခုနှင့် ကြုံရပြန်သည်။

ထိုအကျပ်အတည်းများသည် ထူးဆန်း ထွေလာ တိုက်တာခြံမြေဈေးကွက်ကို ထင်ဟပ်ခဲ့သည်။
ဝေါင်းမိသားစုသည် ရပ်တည်နိုင်ရုံ မျှရှိနေစဉ် ကြွေးတင်ရှိသော အိမ်ပိုင်ရှင်များ သည် ၁၉၉၇
နှင့် ၂ဝဝ၃ ခုနှစ်အတွင်း ၄င်းတို့၏တိုက်ခန်းများကို လက်လွှတ်ခဲ့ရပြီး ဈေးနှုန်းများသည်
သုံးပုံနှစ်ပုံကျော် ထိုးကျ သွားခဲ့သည်။

တရုတ်၏ စီးပွားရေးဖွံ့ဖြိုးတိုးတက်ခြင်း နှင့် ဟောင်ကောင်တွင် ပြည်မက ကမ္ဘာလှည့်
ခရီးသည်များ၏ အားပေးမှုကြောင့် ၂ဝဝဝ ပြည့်နှစ်များ တရွေ့ရွေ့ကုန်လွန်လာသည်နှင့်
ဈေးကွက် ပြန်မတ်လာသည်။

ထူးဆန်းထွေလာ ခြံဝင်းကျယ်နှင့် တိုက်ကြီးသည် ခေတ်မမီတော့သော်လည်း
ဟောင်ကောင်ဒေါ်လာ ၁၆ သန်းဈေးရှိနေဆဲ ပင်ဖြစ်သည်။ ထိုတိုက်ကြီးတွင် နေသူများ
သည် အငြိမ်းစားများ၊ ၄င်းတို့မိသားစုနှင့် သဘာဝနှင့်ထိစပ်မှုရှိခြင်းကို ကြိုက်သူများ
ဖြစ်သည်။

ဝင်နီဝေါင်းနှင့် ၄င်း၏ ခင်ပွန်းတို့သည် ပျော်ရွှင်စွာအငြိမ်းစားယူခြင်းကို မွေ့လျော်သဖြင့်
ထိုတိုက်ကြီးမှ ရွှေ့ပြောင်းနေထိုင်ရန် စီစဉ်ထားခြင်းမရှိပေ။ ''ဒီလောက် စိမ်းလန်း
စိုပြည်တဲ့နေရာရှာဖို့ ခက်ပါတယ်။ ကျွန်မ တို့က တိတ်ဆိတ်တာကို ကြိုက်တယ်''ဟု
ဝင်နီဝေါင်းက ဆိုသည်။

- အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း