တရုတ်တွင် မိုဘိုင်းဖုန်းမှတစ်ဆင့် ငွေပေးချေမှုမြင့်တက်လာ

ပေကျင်းမြို့ သစ်သီးဆိုင်တစ်ဆိုင်တွင် ဇွန် ၂၇ ရက်က စမတ်ဖုန်းအသုံးပြု၍ ဈေးဝယ်နေသူ အမျိုးသမီးတစ်ဦးကို တွေ့ရစဉ်။တရုတ်ပြည်သည် ကမ္ဘာပေါ်တွင် ငွေစက္ကူကို ပထမဆုံး အသုံးပြုသည့်နိုင်ငံဖြစ်သော်လည်း ယခုအခါ ငွေစက္ကူအသုံးပြု မှုထက် မိုဘိုင်းဖုန်းဖြင့် ငွေပေးချေမှုများ တိုးမြင့်လာသည့် နိုင်ငံဖြစ်ခဲ့သည်။ ဓာတ်ပုံ-အေအက်ဖ်ပီပေကျင်းမြို့ သစ်သီးဆိုင်တစ်ဆိုင်တွင် ဇွန် ၂၇ ရက်က စမတ်ဖုန်းအသုံးပြု၍ ဈေးဝယ်နေသူ အမျိုးသမီးတစ်ဦးကို တွေ့ရစဉ်။တရုတ်ပြည်သည် ကမ္ဘာပေါ်တွင် ငွေစက္ကူကို ပထမဆုံး အသုံးပြုသည့်နိုင်ငံဖြစ်သော်လည်း ယခုအခါ ငွေစက္ကူအသုံးပြု မှုထက် မိုဘိုင်းဖုန်းဖြင့် ငွေပေးချေမှုများ တိုးမြင့်လာသည့် နိုင်ငံဖြစ်ခဲ့သည်။ ဓာတ်ပုံ-အေအက်ဖ်ပီ

ပေကျင်း - တရုတ်နိုင်ငံသည် ကမ္ဘာပေါ်တွင် ငွေစက္ကူ သုံးစွဲသည့် ပထမဆုံးနိုင်ငံတစ်နိုင်ငံ ဖြစ်ခဲ့သော်
လည်းရာစုနှစ်များစွာကြာပြီးနောက် တရုတ်နိုင်ငံတွင် မိုဘိုင်းဖုန်းမှတစ်ဆင့် ငွေပေးချေမှု မြင့်တက်
လာသောကြောင့် ပထမဆုံး ငွေစက္ကူသုံးစွဲမှုကို ရပ်တန့်သွားမည့် နိုင်ငံအဖြစ် သုံးသပ်လေ့လာသူများက
ခန့်မှန်းထားသည်။

တရုတ်အခြေစိုက် အိုင်ရီဆက်ခ်ျ (ငျွနျနမေခ့)အဖွဲ့၏ သုံးသပ်ချက်အရ ၂ဝ၁၆ ခုနှစ်တွင်
မိုဘိုင်းငွေပေးချေမှု၏ စုစုပေါင်း ကုန်သွယ်မှုတန်ဖိုး ၂ဝဝ ရာခိုင်နှုန်းအထက် ယွမ် ၃၈ ထရီလျံ
(အမေရိကန်ဒေါ်လာ ၅ ဒသမ ၆ ထရီလျံ) အထိ မြင့်တက်ခဲ့ကြောင်းသိရသည်။ မိုဘိုင်း ငွေပေးချေမှု
စနစ်ကို တရုတ်နိုင်ငံ၏ လျင်မြန်စွာ ချဲ့ထွင်လာသော အွန်လိုင်း ကုန်သွယ်ရေးဈေးကွက်က
အထောက်အကူပြုထားပြီး ဈေးဝယ်သူများက ငွေစက္ကူဖြင့် ဝယ်ယူရသော စတိုးဆိုင်များကို
ရှောင်ဖယ်လာမှု မြင့်တက်လာခဲ့သည်။

''နောက်လာမယ့် ရာစုနှစ်မှာ တရုတ်နိုင်ငံဟာ ပထမဆုံးငွေစက္ကူ ကိုင်တွယ်သုံးစွဲခြင်း မပြုလုပ်တော့မယ့်
ပထမဆုံးလူ့အဖွဲ့အစည်းတွေထဲက တစ်ခုဖြစ်လာနိုင်တယ်လို့ ကျွန်တော်ထင်တယ်'' ဟု တရုတ်
ဈေးကွက်သုတေသနအုပ်စုဒါရိုက်တာ ဘန်ကေ့ဗန်ဒါက ပြောကြားခဲ့သည်။

တရုတ်နိုင်ငံ၏ မိုဘိုင်းငွေပေးချေမှု ဈေးကွက်မှာ အမေရိကန်နိုင်ငံထက် အဆ ၄ဝ နှင့် ၅ဝ ကြား
ပိုကြီးကြောင်း ကေ့ဗန်ဒါက ခန့်မှန်းခဲ့သည်။ အွန်လိုင်းကုန်သွယ်ရေးကုမ္ပဏီကြီး တစ်ခုဖြစ်သော
အလီဘာဘာကုမ္ပဏီ၏အဖွဲ့ဝင် 'အန့် ဖိုင်နန်ရှယ်' ဘဏ္ဍာရေးဝန်ဆောင်မှုအုပ်စုက ယခုအချိန်တွင်
ပိုင်ဆိုင်ထားသော အယ်လီပေး (ဗူငစပေ) မိုဘိုင်းငွေပေးချေမှုစနစ်နှင့် တန်းဆန့် အင်တာနက်
ဝန်ဆောင်မှုကုမ္ပဏီ၏ နာမည်ကြီး စာတို(မက်ဆေ့ခ်ျ) ပေးပို့ခြင်း ဝန်ဆောင်မှုဖြစ်သော
'ဝီချက်ပေး' တို့ကို အသုံးပြုသူပေါင်း သန်းပေါင်းများစွာရှိပြီး ၄င်းတို့သည် တရုတ်နိုင်ငံကို
စိုးမိုးနေသော ငွေပေးချေမှု စနစ်များဖြစ်သည်။

မိုဘိုင်းငွေပေးချေမှုကို အသုံးမပြုဘဲ ဝယ်ယူနိုင်သော ပစ္စည်းနှင့် စတိုးဆိုင်များ ပေကျင်းတွင်
ရှားပါးလာခဲ့ပြီဖြစ်သည်။ အသီးအနှံဈေးများတွင် သီးနှံနှင့် ဟင်းသီးဟင်းရွက်များကို
ဘားကုတ်များဖြင့်ထားရှိပြီး အွန်လိုင်းငွေပေးချေမှုဖြင့် ဝယ်ယူလာကြကြောင်း သိရသည်။
မော်တော်ဆိုင်ကယ် အငှားယာဉ်များ၊ လမ်းဘေးဈေးသည်လှည်းများနှင့် ဆံပင်ညှပ်ဆိုင်များ
အပြင် စားသောက်ဆိုင်များကပါ ငွေစက္ကူ လက်ခံရယူခြင်းမရှိတော့ပေ။

ဘားကုတ်အစစ်များကို အတုများနှင့် အစားထိုးပြီး ဝယ်ယူမှုများနှင့် ကိုယ်ရေးအချက်အလက်၊
သို့မဟုတ် သုံးစွဲသူ၏ ဘဏ်စာရင်းမှ ငွေများကို ဆော့ဖ်ဝဲနှင့် ခိုးယူမှုများဖြစ်ပွားခဲ့ပြီးနောက်
မိုဘိုင်းငွေပေးချေမှု လုံခြုံရေးစိုးရိမ်မှု မြင့်တက်လာကြောင်း သိရသည်။ အာဏာပိုင်များက
ဆန်းသစ်တီထွင်မှုနှင့် စည်းမျဉ်းစည်းကမ်းချမှတ်မှု ညီမျှရန် လုပ်ဆောင်နေဆဲဖြစ်ကြောင်း
အကောင်းဆုံးငွေပေးချေမှုဖြစ်ရေး ပူးပေါင်းအဖွဲ့၏ ထုတ်ပြန်ချက်အရသိရပြီး အာဏာပိုင်များက
လိမ်လည်မှုနှင့် ဘဏ္ဍာရေးအန္တရာယ်များလျှော့ချရေးကို ပိုမိုတက်ကြွစွာ လုပ်ကိုင်ကြကြောင်း
သိရသည်။

- အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း