တရုတ်ပိုင်နက်မြေကို စိုးစဉ်းမျှအစွန်းမခံဟုရှီကျင့်ဖျင် ဆို

ဇူလိုင် ၃ဝ ရက်က တရုတ်သမ္မတ ရှီကျင့်ဖျင် ပြည်သူ့လွတ်မြောက်ရေးတပ်မတော် နှစ် ၉ဝ ပြည့် စစ်ရေးပြအခမ်းအနား၌ တပ်ဖွဲ့များကို စစ်ဆေးနေစဉ်။ ဓာတ်ပုံ - အေပီဇူလိုင် ၃ဝ ရက်က တရုတ်သမ္မတ ရှီကျင့်ဖျင် ပြည်သူ့လွတ်မြောက်ရေးတပ်မတော် နှစ် ၉ဝ ပြည့် စစ်ရေးပြအခမ်းအနား၌ တပ်ဖွဲ့များကို စစ်ဆေးနေစဉ်။ ဓာတ်ပုံ - အေပီ

ပေကျင်း - အိမ်နီးချင်းနိုင်ငံများနှင့် ပိုင်နက်အငြင်းပွားမှု ပေါင်းစုံရှိနေသည့်ကြားက တရုတ်သမ္မတ
ရှိကျင့်ဖျင်သည် နိုင်ငံတော်၏ အချုပ်အခြာအာဏာနှင့် စပ်လျဉ်း၍ ခိုင်မာသော ရပ်တည်ချက်တစ်ခုကို
သြဂုတ် ၁ ရက်၌ ထုတ်ပြန်ကာ နိုင်ငံ့မြေ၏ တစ်လက်မကိုမျှ ပြည်ပနိုင်ငံ များသို့ ဆုံးရှုံးခံမည်မဟုတ်
ကြောင်း ပြောကြားခဲ့သည်။

တရုတ်ပြည်သူ့လွတ်မြောက်ရေး တပ်မတော် တည်ထောင်သည့် နှစ် ၉ဝ ပြည့် အထိမ်းအမှတ်ဂုဏ်ပြုပွဲ၌
သမ္မတ ရှီကျင့်ဖျင်က တစ်နာရီနီးပါးကြာ မိန့်ခွန်း ပြောကြားခဲ့သည်။ ၁၉၂၇ ခုနှစ်မှစ၍ အာဏာရ
ကွန်မြူနစ်ပါတီအတွက် အဓိကကဏ္ဍကို ပုံဖော်ခဲ့သည့် တရုတ်ပြည်သူ့လွတ်မြောက်ရေး တပ်မတော်
(ပီအယ်လ်အေ) သည် စစ်သည်အင်အား ၂ ဒသမ ၃ သန်းဖြင့် ကမ္ဘာတွင် အကြီးဆုံး အမြဲတမ်း
တပ်မတော်ဖြစ်သည်။

''တရုတ်လူမျိုးတွေဟာ ငြိမ်းချမ်းရေးကို တန်ဖိုးထားပြီး ကျူးကျော်နယ်ချဲ့မှုတို့တွင် ကျွန်ုပ်တို့ လုံးဝ
မပါဝင်ကြပါ။ ဒါပေမဲ့ ကျူးကျော်မှုပုံစံမှန်သမျှကို အောင်နိုင်မယ်လို့ ယုံကြည်မှုရှိတယ်''ဟု တရုတ်
လွှတ်တော်၏ ပြည်သူ့ခန်းမကြီးတွင် စုဝေးရောက်ရှိနေသော အစိုးရခေါင်းဆောင်များ၊ လက်ရှိနှင့်
အငြိမ်းစား ပီအယ်လ်အေအဖွဲ့ဝင်များကို ရှီက ပြောကြားခဲ့သည်။

''ဘယ်သူ၊ ဘယ်အဖွဲ့အစည်း၊ ဘယ်နိုင်ငံရေးပါတီမဆို ဘယ်အချိန်၊ ဘယ်ပုံစံနဲ့ဖြစ်ဖြစ်
တရုတ်နိုင်ငံတော်ရဲ့ ပိုင်နက်အစိတ်အပိုင်းကို ခွဲထုတ်ယူခွင့်ပြုမှာ မဟုတ်ပါဘူး။ ကျွန်ုပ်တို့ရဲ့
အချုပ်အခြာအာဏာ၊ လုံခြုံရေးနဲ့ဖွံ့ဖြိုးမှုအကျိုးတို့ကို ဖျက်ဆီးတဲ့ ခါးသီးတဲ့ဖြစ်ရပ်မှန်သမျှကို
ကျွန်ုပ်တို့လက်ခံဖို့ မမျှော်လင့်ပါနဲ့''ဟု ရှီကဆိုသည်။

အိန္ဒိယနိုင်ငံနှင့် အငြင်းပွားနေသည့် နယ်စပ်တွင် သီတင်းပတ်များစွာကြာသည့် လိပ်ခဲတည်းလည်း
အခြေအနေနှင့် တရုတ်က လက်ရှိတွင် ရင်ဆိုင်နေရသည်။ ၁၉၆၂ ခုနှစ်က တိုက်ခိုက်ခဲ့ရသည့်၊
တိုတောင်းသော်လည်း သွေးထွက်သံယိုရှိသည့် စစ်ပွဲထက် ပိုပြီးဆိုးရွားနိုင်သည့် ထိပ်တိုက်ဖြစ်မှုကို
ရှောင်ရန် အိန္ဒိယတပ်များ ရုပ်သိမ်းခြင်း ကို တရုတ်ပြောဆိုခွင့်ရှိသူများက တောင်းဆိုနေသည်။

အရှေ့တရုတ်ပင်လယ် ကျွန်းများနှင့်ပတ်သက်၍ ဂျပန်နိုင်ငံနှင့် ပြိုင်ဆိုင်လှုပ်ရှားမှုတွင်
တရုတ်နိုင်ငံပါဝင်မှုမှာ ကြာပြီဖြစ်သည်။ ထို့အတူ မဟာဗျူဟာမြောက် အရေးပါသော
တောင်တရုတ်ပင်လယ်တွင် အခြားအစိုးရငါးခုနှင့် ပိုင်နက်ယှဉ်ပြိုင်တောင်းဆိုမှုများ ရှိသည်။
ငြိမ်းချမ်းစွာ သိမ်းသွင်းမှုများနှင့် မလုံလောက်လျှင် တရုတ် (တိုင်ပေ)ကိုအောင်နိုင်ရန်
အင်အားအသုံးပြုရန်လည်း တရုတ်က ခြိမ်းခြောက်သည်။ ကိုယ်ပိုင်အုပ်ချုပ်သည့် ဒီမိုကရက်တစ်
ကျွန်းကို တရုတ်က ၄င်း၏ပိုင်နက်ဟု ယူဆသည်။

မွန်ဂိုလီးယား ကိုယ်ပိုင်အုပ်ချုပ်ခွင့်ရဒေသ အလယ်ရှိ ကျူရီဟဲ လေ့ကျင့်ရေးစခန်း၌ ဇူလိုင် ၃ဝ
ရက်၌ကျင်းပသော စစ်ရေးပြပွဲတွင် တပ်ဖွဲ့များနှင့် ဆန်းသစ်သောလက်နက်များပါဝင်သည်။
တရုတ်၏ အချုပ်အခြာအာဏာ လုံခြုံရေးနှင့် နိုင်ငံ့အကျိုးများကို အာမခံသည့် ယုံကြည်မှုနှင့်လုပ်နိုင်
စွမ်း စစ်တပ်တွင်ရှိသည်ဟု စစ်ဝတ်စုံဝတ်ထားသော ရှီကျင့်ဖျင်က ကြေညာခဲ့သည်။

ပြည်သူ့လွတ်မြောက်ရေး တပ်မတော် ပီအယ်လ်အေသည် အာဏာရ ကွန်မြူနစ်ပါတီ၏ ဦးဆောင်မှုကို
မဆုတ်မနစ်လိုက်နာရန်နှင့် ပါတီကို သစ္စာရှိသည့် ကမ္ဘာ့အဆင့်မီ စစ်တပ်ဖြစ်ရန် လိုအပ်ကြောင်း
သမ္မတ ရှိကျင့်ဖျင်က ပြောကြားခဲ့သည်။

- အေပီ၊ အေအက်ဖ်ပီ

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - အာရှသတင်း