တောင်တရုတ်ပင်လယ်နဲ့ မြောက်ကိုရီးယားအရေး ရှေ့တန်းရောက်ခဲ့တဲ့ အာဆီယံ နိုင်ငံခြားရေးဝန်ကြီးများ အစည်းအဝေး

အာဆီယံဒေသတွင်း ဖိုရမ်မှာ သတင်းထောက်တွေကို ဖြေကြားနေတဲ့ တရုတ်နိုင်ငံခြားရေး ၀န်ကြီး ၀မ်ရီ။ ဓာတ်ပုံ - အေပီအာဆီယံဒေသတွင်း ဖိုရမ်မှာ သတင်းထောက်တွေကို ဖြေကြားနေတဲ့ တရုတ်နိုင်ငံခြားရေး ၀န်ကြီး ၀မ်ရီ။ ဓာတ်ပုံ - အေပီ

မြောက်ကိုရီးယားနိုင်ငံသည် ကုလသမဂ္ဂ လုံခြုံရေးကောင်စီ၏ ဆုံးဖြတ်ချက်များကို ဆန့်ကျင်လျက်
တာဝေးပစ်ဒုံးပျံများ စမ်းသပ်ပစ်လွှတ်လျက်ရှိသဖြင့် စနေနေ့က ထုတ်ပြန်လိုက်သော
အာဆီယံနိုင်ငံခြားရေး ၀န်ကြီးများ ပူးတွဲကြေညာချက်တွင် ကိုရီးယားကျွန်းဆွယ်၌
ကြီးထွားလာနေသည့် တင်းမာမှုများကို စိုးရိမ်မိကြောင်း တညီတညွတ်တည်း
ထုတ်ဖော် ပြောကြားခဲ့သည်။

"လက်ရှိဖြစ်ပေါ်တိုးတက်မှုများသည် ငြိမ်းချမ်းရေး၊ လုံခြုံရေး၊ ဒေသဆိုင်ရာနဲ့ ကမ္ဘာ့တည်ငြိမ်ရေးများကို
ဆိုးဆိုးဝါးဝါး ခြိမ်းခြောက်လျက်ရှိသည်။ ယင်းကိစ္စနှင့် စပ်လျဉ်း၍ ကုလသမဂ္ဂလုံခြုံရေးကောင်စီ
ဆုံးဖြတ်ချက်များကို မြောက်ကိုရီးယားနိုင်ငံက ခြွင်းချက်မရှိ အပြည့်အ၀ လိုက်နာဆောင်ရွက်ရန်
တိုက်တွန်းသည်" ဟု ကြေညာချက်တွင် ဖော်ပြပါရှိသည်။

မြောက်ကိုရီးယား ဒုံးပျံစမ်းသပ် ပစ်လွှတ်မှုများသည် အာဆီယံအဖွဲ့ကြီးနှင့် အာဆီယံကို
မြောက်ကိုရီးယားနှင့် အဆက်အသွယ်လျှော့ချရန် တောင်းဆိုနေသည့် သမ္မတဒေါ်နယ်ထရမ့်
အစိုးရအကြား အပြင်းအထန် ဆွေးနွေးရသည့် ကိစ္စ တစ်ရပ်ဖြစ်နေခဲ့သည်။

ထို့ပြင် အာဆီယံ ဦးဆောင်သည့် ဆွေးနွေးပွဲများတွင် ပြုံယမ်း ကို ဘေးဖယ်ထားရန် ၀ါရှန်တန်က
လိုလားလျက်ရှိ၏။

ဖိလစ်ပိုင်နိုင်ငံ မနီလာမြို့တွင် ကျင်းပလျက်ရှိသည့် အာဆီယံနိုင်ငံခြားရေး ၀န်ကြီးများနှင့်
ဆက်စပ်အစည်းအဝေးများက ရရှိသော သတင်းများ အဆိုအရ ကိုရီးယားကျွန်းဆွယ်အရေးကိစ္စကို
အာဆီယံက ကြေညာချက်သုံးခု ထွက်ရှိခြင်းမှာ ယခုအကြိမ်သည် ပထမဦးဆုံးအကြိမ်ဖြစ်သည်ဟု
ဆိုသည်။

အဆိုပါ သုံးခုမှာ သီးခြား ပူးတွဲကြေညာချက်၊ ပူးတွဲတရားဝင်သတင်းထုတ်ပြန်ချက်နှင့်
အာဆီယံဖိုရမ်ဥက္ကဋ္ဌ၏ ကြေညာချက်တို့ ဖြစ်သည်။

"ဒီလို ကြေညာချက်သုံးခု ထွက်ရှိခြင်းက အာဆီယံအနေနဲ့ မြောက်ကိုရီးယားရဲ့ နျူကလီးယား
စမ်းသပ်မှုတွေအပေါ် အလေးအနက် သဘောထားတယ်ဆိုတာ ပြသခြင်းပါပဲ" ဟု သတင်းရင်းမြစ်
တစ်ဦးကဆိုသည်။

အာဆီယံနှင့် ဆက်ဆံရေး ကောင်းမွန်နေသည့် မြောက်ကိုရီးယားသည် အစောပိုင်းကမူ
အမေရိကန်နှင့် ဖြစ်ပွားနေသည့် အငြင်းပွားမှုနှင့် နျူကလီးယားစစ်ပွဲကြီး မဖြစ်ပွားစေရေးအတွက်
အာဆီယံ၏ ထောက်ခံမှု ရရှိရေး ကြိုးပမ်းခဲ့သေးသည်။

အာဆီယံ အထွေထွေအတွင်းရေးမှူး လီလျံမင်းထံသို့ မြောက်ကိုရီးယားနိုင်ငံခြားရေးဝန်ကြီး
ရီယွန်ဟိုက ပေးပို့ခဲ့သည့်စာတွင် ဒေသတစ်ခုလုံးမှာ စစ်ဖြစ်ပွားမည့် ချောက်ကမ်းပါးသို့
ရောက်ရှိနေပြီဟု ဖော်ပြထားသည်။

"ဒေသငြိမ်းချမ်းရေးနှင့် တည်ငြိမ်ရေးအတွက် ဆောင်ရွက်နေသော အာဆီယံ အဖွဲ့ကြီးအနေဖြင့်
အမေရိကန် - တောင်ကိုရီးယား ပူးတွဲစစ်ရေးလေ့ကျင့်မှု ကိစ္စကို အာဆီယံညီလာခံများ၌ ဆွေးနွေးကာ
ကိုရီးယားကျွန်းဆွယ် ငြိမ်းချမ်းရေး၊ လုံခြုံရေးအတွက် တက်ကြွသောအခန်းကဏ္ဍမှ ပါဝင်ဆောင်ရွက်ရန်
ကျွန်ုပ်တို့ မျှော်လင့်သည်" ဟု အဆိုပါစာ၏ တစ်စိတ်တစ်ပိုင်းတွင် ဖော်ပြခဲ့သည်။

ယခုကျင်းပသော အာဆီယံ နှစ်ပတ်လည်အစည်းအဝေးတွင် မျှော်လင့်ထားသကဲ့သို့ပင်
၂၀၁၀ ပြည့်နှစ် ကတည်းက အာဆီယံအစည်းအဝေး အစီအစဉ်များ၌ လွှမ်းမိုးနေခဲ့သော
တောင်တရုတ်ပင်လယ်အရေးကိစ္စကပင် ဆက်လက်လွှမ်းမိုးနေခဲ့သည်။

သတင်းစာရှင်းလင်းပွဲ၌ တရုတ်နိုင်ငံခြားရေးဝန်ကြီး ၀မ်ရီက တရုတ်နှင့် အာဆီယံအဖွဲ့အကြားတွင်
တောင်တရုတ်ပင်လယ် ကျင့်ထုံးမူဘောင်ကို သဘောတူညီမှု ရရှိခဲ့ပြီဟု ပြောကြားခဲ့သည်။

"တောင်တရုတ်ပင်လယ်ကျင့်ဝတ်နဲ့ စပ်လျဉ်းတဲ့ မူဘောင်ကို ကျွန်တော်တို့ သဘောတူပြီးပြီ၊
အတည်ပြုပြီးပြီ ဖြစ်ပါတယ်။ ဒါ ပူးတွဲအစည်းအဝေးရဲ့ အရေးပါတဲ့ ရလဒ်တစ်ခုပါပဲ" ဟု
၎င်းက ဆိုသည်။

ဆွေးနွေးပွဲများတွင် ၀မ်ရီက တောင်တရုတ်ပင်လယ်ကျင့်ဝတ်ကို ဆက်လက်အကောင်အထည်ဖော်ရေး
အတွက် အဆင့်သုံးဆင့်ကို အဆိုပြုခဲ့သည်။

ပထမအဆင့်မှာ တောင်တရုတ် ပင်လယ်ကျင့်ဝတ်ဆိုင်ရာ စေ့စပ်ညှိနှိုင်းမှုများ ယခုနှစ်အတွင်း
စတင်ရန်ဖြစ်၏။

ဒုတိယအဆင့်မှာ အောက်ခြေလုပ်ငန်းအဆင့်တွင် တောင်တရုတ်ပင်လယ်ကျင့်ဝတ်၏
နောက်တစ်ဆင့်အတွက် အဖွဲ့အားလုံး တွေ့ဆုံဆွေးနွေးပြီး အာဆီယံနှင့် တရုတ်တို့အကြား
သဘောတူညီမှု ရရှိရေးဆောင်ရွက်ရန် ဖြစ်သည်။

တတိယအဆင့်မှာ ယခုနှစ်အကုန် နိုင်ငံ့ခေါင်းဆောင်များ တွေ့ဆုံရာ၌ တောင်တရုတ်ပင်လယ်
ကျင့်ဝတ်ဆိုင်ရာ ပူးတွဲကြေညာချက်တစ်ရပ် ထုတ်ပြန်ရန် ဖြစ်၏။

"တောင်တရုတ်ပင်လယ်ကျင့်ဝတ်ဆိုင်ရာ အပြီးသတ်မူဘောင်ဟာ ဒေသတွင်း တည်ငြိမ်မှုကို
ဖြစ်ပေါ်စေမှာ ဖြစ်တယ်။ အပေါင်းလက္ခဏာတိုးတက်မှုကိုလည်း ပြသနိုင်မယ်။ ဒါဟာ
တောင်တရုတ်ပင်လယ် တည်ငြိမ် အေးချမ်းရေးအတွက် ကျွန်တော်တို့ရဲ့ ဘုံရပ်တည်ချက်ဆန္ဒကို
ပြသခြင်းလည်း ဖြစ်ပါတယ်" ဟု ၀မ်ရီက သတင်းထောက်များကို ပြောကြားခဲ့သည်။

ထို့ပြင် တောင်တရုတ်ပင်လယ် အခြေအနေသည် ယေဘုယျအားဖြင့် တည်ငြိမ်ကြောင်း၊ တရုတ်နှင့်
အာဆီယံ နိုင်ငံများမှာ မဟာဗျူဟာမြောက် မိတ်ဖက် နိုင်ငံများအဖြစ် ပူးပေါင်းဆောင်ရွက်နိုင်မည်ဟု
ယုံကြည်ကြောင်း ၎င်းက ဆက်လက်ပြောကြားခဲ့သည်။

"တရုတ်နဲ့ အာဆီယံတို့ဟာ ပူးပေါင်း ဆောင်ရွက်ခြင်းအားဖြင့် တိုးတက်မှု ရလဒ်ကောင်းတွေ
ရရှိကြောင်း ကမ္ဘာကြီးကို အတူတကွ သတင်းပေးပို့ နိုင်မှာဖြစ်ပါတယ်။ ဒါဟာ ကျွန်တော်တို့အကြား
ရရှိတဲ့ အရေးအကြီးဆုံး သဘောတူညီမှုပါပဲ"ဟု ဆိုသည်။ ဒေသဆိုင်ရာ ပူးပေါင်းဆောင်ရွက်မှုတွင်
အာဆီယံအနေဖြင့် အဓိကအခန်းကဏ္ဍက ဆက်လက်ပါဝင်ရန် တရုတ်အနေဖြင့် ထောက်ခံကြောင်း
ဝမ်ကပြောကြားသည်။

တောင်တရုတ်ပင်လယ်ကျင့်ဝတ် မူဘောင်သည် အငြင်းပွားနေသည့် အဖွဲ့ဝင်နိုင်ငံများကို အဆိုပါ
အငြင်းပွားမှုကို စီမံခန့်ခွဲရန်နှင့် ဖွံ့ဖြိုးတိုးတက်မှု ပူးပေါင်းဆောင်ရွက်ရေးများ အားကောင်းစေရန်
ကူညီသွားမည်ဖြစ်သည်။

ရေကြောင်းနယ်နိမိတ် ပြဿနာကို နှစ်နိုင်ငံချင်းစီ ဖြေရှင်းသွားရမည်ဖြစ်သည်။

ယခုနှစ်တွင် အာဆီယံသည် တည်ထောင်မှု နှစ်(၅၀)ပြည့် အခမ်းအနားကို ကျင်းပလျက်ရှိသည်။

လာမည့် ရက်သတ္တပတ်အတွင်း ဒေသတစ်ခုလုံး၌ အာဆီယံ နှစ်(၅၀) ပြည့် အခမ်းအနားနှင့်
ပွဲလမ်းသဘင် အများအပြား ကျင်းပသွားမည်ဖြစ်သည်။

ထိုင်းနိုင်ငံ၊ ဘန်စိန်း ကမ်းခြေမှ အာဆီယံ စတင်ပေါက်ဖွား လာသည့် နည်းတူ ယခုနှစ် (၅၀) ပြည့်တွင်
ထိုင်းနိုင်ငံ၌ အစီအစဉ်ပေါင်း ၁၀၀ နီးပါး ကျင်းပရန် စီစဉ်ထားသည်။

အင်ဒိုနီးရှား၊ မလေးရှားနှင့် စင်ကာပူနိုင်ငံတို့တွင်လည်း အာဆီယံအနာဂတ်ဆိုင်ရာ ဆွေးနွေးပွဲများ
အမြောက်အမြား ကျင်းပသွားရန်ရှိသည်။

နိုဝင်ဘာလတွင် ကလာ့ လေတပ်စခန်း၌ အာဆီယံထိပ်သီးညီလာခံကို ကျင်းပအပြီးတွင်
ဖိလစ်ပိုင်သည် ၎င်း၏ ဥက္ကဋ္ဌတာဝန် ပြီးဆုံးမည်ဖြစ်သည်။

အမေရိကန်သမ္မတ ဒေါနယ်ထရမ့် အပါအ၀င် ကမ္ဘာ့ခေါင်းဆောင် အများအပြားမှာ
အဆိုပါ ထိပ်သီးညီလာခံသို့ တက်ရောက်ရန် စီစဉ်ထားကြသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း