တောင်တရုတ်ပင်လယ် ကျင့်ဝတ် စည်းကမ်း ဘရူနိုင်းကြိုးပမ်းမည်

ဘန်ဒါစီရီ ဘဂ၀မ် (ဘရူနိုင်း)- အာဆီယံ၏ဥက္ကဋ္ဌဖြစ်နေစဉ် ကာလ အတွင်း ဘရူနိုင်းနိုင်ငံသည်
တောင် တရုတ်ပင်လယ်အတွင်း ပိုင်ဆိုင်မှု ယှဉ်ပြိုင်ခြင်း ပြုလုပ်နေသည့် နိုင်ငံများကြား အားလုံး
အကျုံးဝင်သည့် ကျင့်ဝတ်စည်းကမ်းရှိရေးကို ဦးစားပေး ဆောင်ရွက်ရန် ကြိုးပမ်းသွားမည်ဖြစ်
ကြောင်း အရာရှိများက ဇန်န၀ါရီလ ၁၄ ရက်က ပြောကြားသွားသည်။

တောင်တရုတ်ပင်လယ်အတွင်း တရုတ်နိုင်ငံက ပိုင်ဆိုင်မှုများလုပ်ရာမှ ပေါ်ပေါက်ခဲ့သည့်
တင်းမာမှုသည် ဒေသတွင်းမှာ လှုပ်ခတ်လျက်ရှိနေစဉ် အတွင်း ရေနံကြွယ်ဝသည့် ဘရူနိုင်း
နိုင်ငံသည် ၂၀၁၃ ခုနှစ်အတွက် အာဆီယံဥက္ကဋ္ဌ နေရာကို ဆက်ခံရရှိ ထားသည်။

ဤကိစ္စသည် ဒေသတွင်း လုံခြုံရေး အတွက် အဓိကခြိမ်းခြောက်မှုဟု ဘရူနိုင်းနိုင်ငံက
မြင်ထားရာ တရုတ်နိုင်ငံ အပါအ၀င် ပိုင်ဆိုင်မှုပြထားသော နိုင်ငံများကြား ဆွေးနွေးမှုဖြင့်သာ
ပြေလည်သွားစေလိုကြောင်း အမည် မဖော်လိုသည့် နိုင်ငံခြားရေးဝန်ကြီးဌာနမှ အရာရှိတစ်ဦး
က ပြောသည်။

တောင်တရုတ်ပင်လယ်၏ အစိတ် အပိုင်းအချို့တို့ကို ပိုင်ဆိုင်ကြောင်းပြောသည့် နိုင်ငံများတွင်
အာဆီယံအဖွဲ့ဝင် နိုင်ငံများဖြစ်ကြသည့် ဗီယက်နမ်၊ ဖိလစ်ပိုင်၊ မလေးရှား၊ ဘရူနိုင်းနှင့် တရုတ်
(တိုင်ပေ) ပါဝင်နေကြသည်။ ဤဒေသသည် ကမ္ဘာ့အရေးအကြီးဆုံး သင်္ဘောများသွားရာ
လမ်းကြောင်းများ ၌ တစ်ခုအပါအ၀င်ဖြစ်ပြီး ရုပ်ကြွင်းလောင်စာကြွယ်ဝသည့် နေရာဟု
ယုံကြည်ထားကြသည်။

လွန်ခဲ့သည့် နှစ်နှစ်မှစပြီး ယခင်ကတည်းကဖြစ်ပေါ်နေသည့် တင်းမာမှုများသည် မြင့်တက်
လာရာ ပိုင်ဆိုင်မှုများ ပြုလုပ်ရာတွင် တရုတ်နိုင်ငံသည် ပို၍ကြမ်းကြုတ်လာကြောင်း ဖိလစ်ပိုင်
နိုင်ငံနှင့် ဗီယက်နမ်နိုင်ငံတို့က စွပ်စွဲလာသည်။ ကမ္ဘောဒီးယားနိုင်ငံသည် ၂၀၁၂ ခုနှစ်အတွက်
အာဆီယံအဖွဲ့ ဥက္ကဋ္ဌ ဖြစ်လာချိန်တွင် ဤကိစ္စနှင့် ပတ်သက်ပြီးဒေသတွင်း အငြင်းပွား
မှုများ ပြင်းထန်လာခဲ့သည်။

ဇူလိုင်လက ကမ္ဘောဒီးယားနိုင်ငံ မြို့တော် ဖနွမ်းပင်၌ ကျင်းပသည့် အာဆီယံ နိုင်ငံခြားရေး
ဝန်ကြီးများ အစည်းအဝေး၌ ဤကိစ္စမှ ရန်ငြိုးကြောင့် အပြန်အလှန်အပုပ်ချမှုများ ဖြစ်ခဲ့ရာတွင်
အာဆီယံအဖွဲ့၏ ၄၅ နှစ် သက်တမ်းတွင် ပထမဆုံးအကြိမ် ပူးတွဲကြေညာချက် ထုတ်ပြန်
နိုင်ခြင်းမရှိပေ။

တရုတ်နိုင်ငံ၏ ရင်းနှီးသော မဟာမိတ်ဖြစ်သည့် အာဆီယံဥက္ကဋ္ဌ ဖြစ်သည့် ကမ္ဘောဒီးယားနိုင်ငံ
မှာ တရုတ်နိုင်ငံအပေါ် ဖိလစ်ပိုင်နှင့် ဗီယက်နမ်နိုင်ငံတို့၏ ပိုမိုပြင်းထန်သည့် အနေအထားယူရန်
ကြိုးပမ်းမှုများကို ခုခံခဲ့ကြောင်း စွပ်စွဲခံခဲ့ရသည်။

အာဆီယံနှင့် တရုတ်နိုင်ငံတို့ ပါဝင် ကြသည့် အားလုံးအကျုံးဝင်သည့် ကျင့်ဝတ်စည်းကမ်း
ဖြစ်ပေါ်လာရန် ကြိုးပမ်းမှုများသည် နှစ်အတော်ကြာ စမ်းတ၀ါးဝါးဖြစ်ခဲ့ရသည်။ အကြောင်း
ရင်းမှာ တရုတ်နိုင်ငံသည် အငြင်းပွားမှု များကို သီးခြားနိုင်ငံများနှင့် နှစ်ဦးနှစ်ဖက် ကိုင်တွယ်
ဖြေရှင်းရန် အလေးအနက် ပြောသော်လည်း အာဆီယံကမူ အဖွဲ့ တစ်ဖွဲ့အဖြစ် ဖြေရှင်းလိုခြင်း
ကြောင့် ဖြစ်သည်။

နိုင်ငံများသည် အငြင်းပွားမှုများကို ငြိမ်းချမ်းစွာ ဖြေရှင်းပြီး ငြိမ်းချမ်းမှုနှင့် တည်ငြိမ်မှုတို့
ပျက်ပြားစေနိုင်မည့် လုပ်ရပ်များ ရှောင်ကြဉ်မည်ဟူသော ကျယ်ပြန့်သည့် ကြေညာချက်ကို
တရုတ်နိုင်ငံနှင့် အာဆီယံတို့ ၂၀၀၂ ခုနှစ်က သဘောတူလက်မှတ်ရေးထိုး ခဲ့ကြသည်။

နိုဝင်ဘာလအတွင်းက ကျင်းပခဲ့သည့် အာဆီယံထိပ်သီးညီလာခံတွင် ကျင့်ဝတ်စည်းကမ်း
ဖြစ်ပေါ်လာရေး အတွက် အလေးထားဆောင်ရွက်ရန် အာဆီယံက တရုတ်နိုင်ငံအား ပြောဆို
ခဲ့သည်။  (အေအက်ဖ်ပီ)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း