တရုတ်ပြည်တွင် ဗိုက်ခွဲမွေးဖွားခြင်း ခေတ်စားလာ

ဝမ်ဒန်ဆေးရုံကြီးမှ 'အိမ်ဖြူတော်'၌ မွေးဖွားခဲ့သည့်ကလေးတစ်ဦး။ အေအက်ဖ်ပီဝမ်ဒန်ဆေးရုံကြီးမှ 'အိမ်ဖြူတော်'၌ မွေးဖွားခဲ့သည့်ကလေးတစ်ဦး။ အေအက်ဖ်ပီပေကျင်း-ပေကျင်းမြို့ရှိ ကြီးကျယ်သော ဆေးရုံခန်းတစ်ခန်းသည် ဥရောပ၌ ၁၈ ရာစုနှစ်အတွင်း
ခေတ်စားသော အပြောက်အမွမ်း တန်ဆာဆင်ထားသော ဆိုဖာနှင့် မိုနာလီဇာ ပန်းချီကားဖြင့်
ဆင်ယင်ထားပြီး သားယောက်ျား ကလေးမွေးခဲ့သော အသက် ၂၈ နှစ်ရှိဝမ်ဒန်က "ခမ်းနားကြီး
ကျယ်ပြီး ကောင်းစွာ တန်ဆာဆင်ထားတဲ့ 'အိမ်ဖြူတော်' မှာ နေချင်တယ်"ဟု ဆိုသည်။

ပေကျင်းမြို့ အင်တိုင်ဆေးရုံရှိ ဤ အခန်းသည် သမ္မတတစ်ဦးအတွက် အခန်းလို ခမ်းနားလှပြီး
မြို့တော်၏ ချမ်းသာသော လူလတ်တန်းစားအတွက် ရည်ရွယ်သည့် တန်ဖိုးကြီး သီးသန့်
အခန်းဖြစ်သည်။ ၀မ်ဒန်သည် သူ၏ သားဦးကလေးကို မွေးဖွားရာတွင် တန်ဖိုးကြီး ဤအခန်းကို
အသုံးပြုခြင်း တစ်ခုသာ ထူးခြားသည်မဟုတ်သေးပေ။

မြို့ပေါ်နေ ကျွမ်းကျင်သော အတတ်ပညာရှင် အများစုအကြား ဗိုက်ခွဲမွေးဖွားမှု ခေတ်စားနေ
သည့် တရုတ်နိုင်ငံတွင် ၀မ်သည် သဘာဝအတိုင်း မွေးဖွားခြင်းကို ရွေးချယ်ခဲ့သည်။ ကမ္ဘာ့
ကျန်းမာရေးအဖွဲ့၏ နောက်ဆုံးထုတ် ကိန်းဂဏန်းများအရ ဗိုက်ခွဲ မွေးလိုကြသည့် တရုတ်
မိခင်အချိုးသည် ၂၀၀၁ ခုနှစ်တွင် ၂၀ ရာခိုင်နှုန်းခန့်နှင့် ၂၀၀၈ ခုနှစ်တွင် ၄၆ ရာခိုင်နှုန်းကျော်
ရှိရာ ဆယ်စုနှစ်မရှိတရှိလောက်အတွင်းနှစ်ဆကျော်တက်လာရာ မြို့ကြီးများ တွင် သုံးပုံနှစ်ပုံနား
နီးလာကြောင်း သိရသည်။

သဘာဝအလျောက် မွေးဖွားရာတွင် မိခင်နှင့် ကလေး၏ ကျန်းမာရေး အခြေအနေ စိုးရိမ်ရသော
အခြေအနေတွင် ဗိုက်ခွဲမွေးဖွားခြင်းလိုအပ်ကြောင်း၊ သို့သော် ဗိုက်ခွဲမွေးခြင်း၏ အန္တရာယ်သည်
အကျိုးပြုမှုထက် တစ်ခါတစ်ရံ ပိုကြီးကြောင်း ကျွမ်းကျင်သူများက ပြောသည်။

တရုတ်နိုင်ငံတွင် ဗိုက်ခွဲမွေးခြင်းနှုန်းသည် လွန်စွာ မြင့်မားလာကြောင်း၊ အဓိကအကြောင်းရင်း
သည် ဆေးရုံငွေကြေး ထောက်ပံ့မှုဖြစ်ကြောင်း အမေရိကန် ပြည်ထောင်စုရှိ Duke University
တွင် တရုတ် ကျန်းမာရေးစောင့်ရှောက်မှုကို လေ့လာနေသော သုတေသီ ရှင်လန်တန်
ကပြောသည်။

တရုတ်ဆေးရုံများသည် အစိုးရထံမှ ထောက်ပံ့ငွေ အနည်းငယ်ရရှိပြီး ၀င်ငွေထက်ဝက်နီးပါး
သည် ဗိုက်ခွဲမွေး သည့် ခွဲစိတ်မှုများကရသည်။ အခြား ၀င်ငွေများသည် ရောဂါစစ်တမ်းများနှင့်
ဆေးဝါးများမှရသည်။ သဘာဝအလျောက် မွေးဖွားခြင်း ထက် ဗိုက်ခွဲမွေးခြင်းသည် သုံးဆ၊
လေးဆပိုကုန်ကျသဖြင့် ဆေးရုံအနေဖြင့်ပိုဝင်ငွေရသည်ဟု တန်ကပြောသည်။

တရုတ်နိုင်ငံ၏ မိသားစုတစ်စု ကလေးတစ်ဦးစီမံကိန်း မူဝါဒကြောင့် ပိုက်ဆံရှိမိဘများက
တစ်ဦးတည်းသော ကလေးမွေးဖွားမှုတွင် ပိုဘေးကင်းသည်ဟု ၎င်းတို့ယူဆကြသော ထို
လုပ်ငန်းစဉ်၌ ငွေကို ရေလိုသုံးနေကြသည်ဟု တန်က ပြောသည်။

အမျိုးသမီးများ သဘာဝအလျောက် မီးဖွားခြင်းကို ရွေးချယ်ရန်အားပေးသည့်အနေဖြင့်
အင်တိုင်ဆေးရုံက ရေထဲတွင် မီးဖွားခြင်းကိုကမ်းလှမ်းပြီး သားဖွားခြင်းဝေဒနာနှင့်ပတ်သက်၍
စိတ်ညှို့ခြင်း နည်းပညာကို ကိုယ်ဝန်ဆောင်မိခင် များကို သင်ကြားပေးသည်။ ထိုသို့ ပြုလုပ်
ပေးခြင်းသည် ဗိုက်ခွဲမွေးခြင်း နီးပါးကုန်ကျသည်။

"အဓိကပြဿနာတစ်ခုက တရုတ် ကိုယ်ဝန်ဆောင် အမျိုးသမီးတွေဟာ နာမှာ သိပ်ကြောက်
တယ်။ ရေထဲ မီးဖွားခြင်းက လူနာရဲ့ကြောက်စိတ်ကို မလျော့ပါးစေနိုင်ပါ။ ဒါကြောင့်လည်း
စိတ်ညှို့ခြင်းကို စတင်ခဲ့ရတယ်" ဟု အင်တိုင်ဆေးရုံ၏ ညွှန်ကြားရေးမှူး ချန်ဖင်ဂလင်းက
အေအက်ဖ်ပီသတင်း ဌာနသို့ ပြောပြသည်။

ဆေးရုံအခန်းများကို 'အိမ်ဖြူတော်'၊ 'အစ္စလမ္မာဘတ်နန်းတော်' စသည်ဖြင့် နာမည်ပေးထား
ခြင်းနှင့် ကော်ဇောနီ ခင်းပေးခြင်းသည် မိဘများအား ၎င်းတို့၏ ကလေးကြီးပြင်းလာသောအခါ
နိုင်ငံ့ခေါင်းဆောင် ဖြစ်လာဖို့ မျှော်လင့် ချက်ကို စိတ်ကူးယဉ်စေလိုကြောင်းနှင့် မင်္ဂလာတေးဂီတ
တီးပေးခြင်းမှာ မီးဖွားခြင်းသည် ထိမ်းမြားလက်ထပ်ခြင်းကဲ့သို့ ပျော်ရွှင်မှုတစ်ခုဖြစ်ကြောင်း
ချန်ကဆိုသည်။ (အေအက်ဖ်ပီ)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အာရှသတင်း