ချေချင်းညာရှိ လိင်တူချစ်သူအရေး

ပူတင်နှင့် ချေချင်းညာ ပြည်နယ်ခေါင်းဆောင် ရမ်ဇန်ကာဒိုင်ရော့ဗ်တို့ ဆွေးနွေးနေကြစဉ်။ ဓာတ်ပုံ – အီးပီအေပူတင်နှင့် ချေချင်းညာ ပြည်နယ်ခေါင်းဆောင် ရမ်ဇန်ကာဒိုင်ရော့ဗ်တို့ ဆွေးနွေးနေကြစဉ်။ ဓာတ်ပုံ – အီးပီအေ

ရမ်ဇန်ကာဒိုင်ရော့ဗ် (Ramzan Kadyrov) သည် ရုရှားနိုင်ငံ၌ အခြားပြည်နယ်ခေါင်းဆောင်
များနှင့်မတူသော ခေါင်းဆောင်တစ်ဦးဖြစ်သည်။ သူသည် ချေချင်းညာဒေသကိုအကြမ်း
နည်းဖြင့်အုပ်ချုပ်ပြီး ရုရှားနိုင်ငံသမ္မတ ဗလာဒီမာပူတင်၏အလိုလိုက်ခံရသူတစ်ဦးဖြစ်သည်။

ရမ်ဇန်ကာဒိုင်ရော့ဗ်က ချေချင်းညာကို စနစ်တကျအုပ်ချုပ်လျက်ရှိပြီး သမ္မတပူတင်က ရမ်ဇန်
၏အုပ်ချုပ်ရေးတွင် ဝင်ရောက်စွက်ဖက်ခြင်းမရှိပေ။ ယခုအခါ အဆိုပါရှေးရိုးစွဲ မွတ်စလင်
လူ့အဖွဲ့အစည်းတွင် လိင်တူချစ်သူအမျိုးသားများကို ရိုင်းစိုင်းစွာပြုမူဆက်ဆံခြင်းခံနေကြရ
ကြောင်းသိရသည်။

ကာဒိုင်ရော့ဗ်၏ လက်ကိုင်တုတ်လက်နက်ကိုင်လူဆိုးများက လိင်တူချစ်သူအမျိုးသားများကို
ဖမ်းဆီးသတ်ဖြတ်လျက်ရှိပြီး လူ ၁ဝဝ နှင့်အထက်ဖမ်းဆီးခံထားရပြီး ထိုအနက်မှ သုံးဦး
သေဆုံးခဲ့ပြီဟုယူဆရပြီး အခြားသူများမှာ ဥပဒေမဲ့သတ်ဖြတ်ခံခဲ့ရနိုင်သည်ဟု ဧပြီ ၁ ရက်
တွင်ထုတ်ဝေခဲ့သည့် နိုဗာယာဂဇီတာသတင်းစာတွင် ဖော်ပြပါရှိခဲ့သည်။

နိုင်ငံတကာအရေးအခင်းအုပ်စု (International Crisis Group) အတွက် ရုရှားနိုင်ငံစီမံကိန်း
ညှိနှိုင်းရေးမှူးတစ်ဦးဖြစ်သည့် လူ့အခွင့်အရေးဆိုင်ရာ ကျွမ်းကျင်သူ အီကာတီရီနာဆိုကီ
ယန်စကားယားက နယူးယော့ခ်တိုင်းမ်သတင်းစာနှင့် ဂါးဒီးယန်းသတင်းစာတို့အား အလား
တူအဖြစ်အပျက်များနှင့် သက်ဆိုင်သည့်အစီရင်ခံစာများရရှိခဲ့သည်ဟု ရှင်းပြခဲ့သည်။

နိုဗာယာဂဇီတာ၏ အစီရင်ခံစာအရရုရှား လိင်တူချစ်သူအခွင့်အရေးအဖွဲ့က ရုရှားနိုင်ငံ
ပြည်နယ်မြို့များတွင် ဆန္ဒပြပွဲများပြုလုပ်ရန် အသနားခံစာတင်ခဲ့ပြီးနောက် အဆိုပါသုတ်သင်
ရှင်းလင်းမှုဖြစ်ပွားခဲ့သည်။ အဆိုပါအဖွဲ့က မွတ်စလင်လူမျိုးအများအပြားနေထိုင်သော
ချေချင်းညာအပါအဝင် မြောက်ပိုင်းကော်ကေးဆပ်ဒေသတွင် ဆန္ဒပြပွဲများ ပြုလုပ်မည်
မဟုတ်သော်လည်း ယင်းအသနားခံစာက ထိုဒေသမှ လိင်တူချစ်သူအမျိုးသားများကို
လှုံ့ဆော်ခဲ့သည်။

''ချေချင်းညာမှာ လိင်တူချစ်သူပိုပြီးများပြားလာမှုကိုကာကွယ်ရန် ရှင်းလင်းရေးအတွက်
အမိန့်ချမှတ်ခဲ့ပြီး လူသတ်မှုများအဖြစ်ကို ရောက်ရှိခဲ့ပါတယ်'' ဟု နိုဗာရာဂဇီတာက ပြော
ကြားခဲ့ပြီး အာဏာပိုင်များက လူမှုကွန်ရက်ဝက်ဘ်ဆိုက်များပေါ်တွင် သီးသန့်စကားပြော
သည့် လိင်တူချစ်သူအမျိုးသားများအားဖမ်းဆီးရန် လိင်တူချစ်သူရှာဖွေနေသူတစ်ဦးအဖြစ်
ဟန်ဆောင်ပြီး ရှာဖွေလျက်ရှိသည်။

ထိန်းသိမ်းခံထားရသော အမျိုးသားများက လိင်တူဆက်ဆံမှုကို တင်းကျပ်စွာတားမြစ်ထား
သောလူ့အဖွဲ့အစည်းတွင် သူတို့၏ လိင်တူစိတ်ဝင်စားသည့်စိတ်ကို ပွင့်ပွင့်လင်းလင်းထုတ်
ဖော်ထားခြင်းမရှိပေ။ ကာဒိုင်ရော့ဗ်၏ ပြောရေးဆိုခွင့်ရပုဂ္ဂိုလ် အယ်လ်ဗီကာရီမော့ဖ်က
အဆိုပါသတင်းကိုငြင်းပယ်ခဲ့ပြီး ဒီနိုင်ငံတွင် လိင်တူချစ်သူမရှိကြောင်း ပြောကြားခဲ့သည်။

''နိုင်ငံမှာမရှိတဲ့သူတွေကို ဖမ်းဆီးနှိပ်ကွပ်လို့မရပါဘူး'' ဟု ကာဒိုင်ရော့ဗ်၏ ပြောရေးဆိုခွင့်
ရပုဂ္ဂိုလ် အယ်လ်ဗီကာရီမော့ဖ်က အင်တာဖက်စ်သတင်းဌာနကို ပြောကြားခဲ့သည်။

''ဒီလိုလူတွေ ချေချင်းညာမှာရှိခဲ့ရင် သူတို့ဆွေမျိုးတွေက သူတို့ကို ပြန်မလာနိုင်တဲ့နေရာကို
ပို့ပြီးတဲ့အခါ ဥပဒေစိုးမိုးရေးက သူတို့အတွက်မစိုးရိမ်ရဘူး'' ဟု သူကဆိုသည်။

ရုရှားသမ္မတပူတင်က ကက်ဒီရော့အားစိုးရိမ်ပြီး သူ၏လုပ်ရပ်ကို အသိအမှတ်ပြုသော်လည်း
အခြားနည်းလမ်းမှကြည့်လျှင် ရလဒ်မှာအကြမ်းဖက်မှုကို ပြစ်ဒဏ်မပေးဘဲဆောင်ရွက်ရန်
ခွင့်ပြုခဲ့ခြင်းဖြစ်သည်။ သူ၏နောက်ဆုံး အဖမ်းခံထားရသူများသည် သူတို့၏အသက်
အန္တရာယ်အတွက် စိုးရိမ်လျက်ရှိသည်။

ကမ္ဘာပေါ်တွင် ရုရှားနိုင်ငံအား လေးလေးစားစားဆက်ဆံရန် မကြာခဏတောင်းဆိုသည့်
ရုရှားသမ္မတပူတင်က အဆိုပါဖြစ်စဉ်နှင့်ပတ်သက်ပြီး တုံ့ပြန်သင့်ပြီး ကာဒိုင်ရော့ဗ်အား
တွေ့ဆုံ၍ အဖမ်းခံထားရသော လိင်တူချစ်သူအမျိုးသားများအား ပြန်လွှတ်ပေးရန်နှင့်
ထိုဖြစ်စဉ်အား စုံစမ်းစစ်ဆေးဖော်ထုတ်ရေးများ ပြုလုပ်သင့်ကြောင်း ဝါရှင်တန်ပို့စ်သတင်းစာ
က ရေးသားခဲ့သည်။


 ခန့်လင်းဦး ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ကမ္ဘာ့သတင်း