ကမ္ဘောဇအုပ်စုကုမ္ပဏီများအဖွဲ့ဝင်ဖြစ်သော KBZ Gateway ကုမ္ပဏီလီမိတက်သည် ကမ္ဘောဇဘဏ်
ခွဲများလုပ်ငန်းလည်ပတ်မှုနှင့် စွမ်းဆောင်ရည်တို့ကိုမြှင့်တင်ပေးရန်အတွက် Very Small
Aperture Terminal (VSAT) ဂြိုဟ်တုနည်းပညာကို အသုံးပြုဆောင်ရွက်နေပြီဖြစ်ကြောင်း
ဖေဖော်ဝါရီ ၂၈ ရက်က ုKBZ Group က သတင်းထုတ်ပြန်ထားသည်။
အဆိုပါ ကမ္ဘောဇဘဏ်ခွဲများနှင့် ချိတ်ဆက်မှုကွန်ရက်စနစ်သည် ထိရောက်သောကုန်ကျစရိတ်ဖြင့်
လုပ်ငန်းလည်ပတ်မှု ပိုမိုကောင်းမွန်လာစေမည့်အပြင် ၉၉ ဒသမ ၉၇ ရာခိုင်နှုန်းပြတ်တောက်ခြင်း
မရှိ စိတ်ချရသောအဆင့်မြင့်ကွန်ရက်ချိတ်ဆက်မှုတို့အပါအဝင် ဗဟိုအချက်အလက်သိမ်းဆည်းရာ
ဌာနသို့ချိတ်ဆက်ရန် ပင်မနှင့်အရန်ချိတ်ဆက်မှုလမ်းကြောင်းများပါရှိသောကြောင့် ကွန်ရက်တည်
ငြိမ်မှု၊ အရည်အသွေးပြည့်ဝန်ဆောင်မှု ပေးအပ်နိုင်မှု၊ လုပ်ငန်းလည်ပတ်မှုဆိုင်ရာ ဆုံးဖြတ်ချက်
များ ပိုမိုကောင်းမွန်မှုရရှိလာမည်။
ထို KBZ Gateway သည် ခေတ်မီဆန်းသစ်သော ဂြိုဟ်တုဆက်သွယ်ရေး မြေပြင်အခြေစိုက်စခန်း
ကို ပဲခူးတွင် တည်ဆောက်ထားသည်။
