ရန်ကုန်မြို့ အောင်သမာဓိရွှေဆိုင်မှ ကျပ် ၃၃၀,၀၀၀ တန်ဖိုးရှိ လက်စွပ်တစ်ကွင်းကို အမျိုးသမီး
တစ်ဦးက ၀ယ်သူဟန်ဆောင်ကာ ခိုးယူသွားသဖြင့် ပန်းဘဲတန်းမြို့မရဲစခန်းတွင်
အမှုဖွင့်ထားကြောင်း သိရသည်။

ယခုလ ၂၀ ရက်နေ့ ညနေဆိုင်သိမ်းချိန်တွင် ပစ္စည်းများကို စစ်ဆေးခဲ့ရာ ပျောက်ဆုံးနေသည်ကို
သိရဖြင့် ဆိုင်တွင်းတပ်ဆင်ထားသည့် စီစီတီဗီကင်မရာဖြင့် တိုက်ဆိုင်စစ်ဆေးခဲ့ရာ မွန်းလွဲ ၂ နာရီ
အချိန်ခန့်က အသက် ၄၅ နှစ်အရွယ် အမျိုးသမီးတစ်ဦးက ပျောက်ဆုံးနေသည့် ရွှေလက်စွပ်ကို
ရွှေဝယ်ယူသူ ဟန်ဆောင်ကာ လက်ဖြင့်အုပ်၍ ခိုးယူသွားခဲ့ခြင်းဖြစ်ကြောင်း တွေ့ရှိခဲ့ခြင်းဖြစ်သည်။