မတ်လ ၁၆ ရက်နေ့တွင် ဧရာဝတီရေတပ်စခန်းဌာနချုပ်၏ ကွပ်ကဲမှုဖြင့် အမှတ် ၃၆ စစ်ရေယာဉ်စု
လက်အောက်ခံတပ်မှ ထောက်ပံ့ရေးရေယာဉ် ၆၂၃ သည် မြန်မာ့ပင်လယ်ရေပိုင်နက်အတွင်း
စစ်ဆေးရေးတာဝန်ထမ်း ဆောင်နေစဉ် ဖျာပုံဘက်မှ ကျိုက္ခမီဘက်သို့ ခုတ်မောင်းနေသည့်
စက်တပ်လှေတစ်စီးကို တွေ့ရှိသဖြင့် ရပ်တန့်ခိုင်းရာ ရပ်တန့်ပေးခြင်း မရှိဘဲ မောင်းနှင်ထွက်ပြေးသွား
ခဲ့သည်။

ထိုသို့မောင်းနှင်ထွက်ပြေးစဉ် လိုက်လံဖမ်းဆီးခဲ့ရာ ပင်လယ်ဝတောင်ဘက် ခုနစ်မိုင်ခန့် ရေပြင်တွင်
ည ၁၀ နာရီ ၄၅ အချိန်ခန့်တွင် ဖမ်းဆီးရမိခဲ့သည်။

လှေပေါ်တွင် မွန်ပြည်နယ်နေ ပဲ့နင်း လှဌေး၊ စက်ဆရာ သန်းနိုင်၊ လှေသား သိန်းလွင်၊ တင်မောင်ဌေး
နှင့် ၀င်းဇော်တို့ကို ကျပ် ၅၇ သိန်း တန်ဖိုးရှိ ကျွဲ ၁၉ ကောင်၊ အလျား ၄၄ ပေရှိ လိုင်စင်မဲ့စက်တပ်
လှေတစ်စီးနှင့်အတူ ဖမ်းဆီးရမိခဲ့သည်။