မြန်မာနိုင်ငံနှင့် ဗီယက်နမ်နိုင်ငံတို့၏ အပြန်အလှန်ကုန်သွယ်မှုမှာ ၂၀၁၅ ခုနှစ်တွင် အမေရိကန်ဒေါ်
လာ သန်း ၅၀၀ ခန့်ရှိမည်ဟု မျှော်မှန်းထားကြောင်း ဗီယက်နမ် ဆိုရှယ်လစ်သမ္မတနိုင်ငံ သမ္မတ
မစ္စတာကျုံးသန်းစန်းက နိုဝင်ဘာလ ၃၀ ရက်နေ့က ရန်ကုန်မြို့ မြန်မာနိုင်ငံ ကုန်သည်များနှင့်စက်မှု
လက်မှု လုပ်ငန်းရှင်များအသင်းရုံးချုပ်တွင် ကျင်းပသော မြန်မာ-ဗီယက်နမ် စီးပွားရေးဖိုရမ်တွင် ပြော
သည်။
"ဗီယက်နမ် စီးပွားရေးလုပ်ငန်းရှင်တွေနဲ့ လုပ်ကိုင်ရတာ မြန်မာစီးပွားရေး လုပ်ငန်းရှင်တွေအနေနဲ့
အဆင်ပြေမှာပါ။ ဒီလိုမျိုး မျှော်လင့်ပါတယ်။ မြန်မာနိုင်ငံ အပါအဝင် နိုင်ငံခြားရင်းနှီးမြှုပ်နှံသူတွေ
အဆင်ပြေစေတဲ့ အခြေအနေမျိုးရှိအောင် စီမံပေးမယ်ဆိုတာကို ကျွန်တော့အနေနဲ့ ကတိပေးပါ
တယ်" ဟု ၎င်းက ပြောသည်။
နှစ်နိုင်ငံကုန်သွယ်မှုတွင် မြန်မာနိုင်ငံ ၏ အဓိကပို့ကုန်မှာ သစ်တောထွက်ပစ္စည်းများ၊ ရေထွက်ကုန်
ပစ္စည်းများ၊ ရော်ဘာနှင့် သစ်သီးဝလံများဖြစ်ကာ ဗီယက်နမ်နိုင်ငံ၏ အဓိကပို့ကုန်များမှာ စက်ယန္တ
ရားနှင့် ဆက်စပ်ပစ္စည်းများ၊ အထည်အလိပ်များ၊ သံမဏိပစ္စည်းများ၊ ပလတ်စတစ်ပစ္စည်းများ ဖြစ်
သည်။
၂၀၁၁-၁၂ ဘဏ္ဍာနှစ်တွင် နှစ်နိုင်ငံ အပြန်အလှန်ကုန်သွယ်မှု ကန်ဒေါ်လာ ၁၇၆ သန်းအထိ ရှိခဲ့
သည်။
ဗီယက်နမ်နိုင်ငံမှ မြန်မာနိုင်ငံတွင် လာရောက်ရင်းနှီးမြှုပ်နှံမှုမှာ ဒေါ်လာ ၄၁ ဒသမ ရ သန်းကျော်ရှိ
ပြီး မြန်မာနိုင်ငံ ၌ လာရောက်ရင်းနှီးမြှုပ်နှံသည့် နိုင်ငံများတွင် အဆင့်(၁၉)ရှိကြောင်း မြန်မာ့ရင်းနှီး
မြှုပ်နှံမှု ကော်မရှင်မှ သိရသည်။
