နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်သည်
ဇူလိုင်လ၂၅ ရက် နေ့တွင် ဗီယင်ကျန်းမြို့ရှိ အမျိုးသားကွန်ဗင်းရှင်း ဗဟိုဌာန၌
ကျင်းပသည့် အာဆီယံနှင့် ဆွေးနွေးဘက် နိုင်ငံများ၏ ၀န်ကြီးအဆင့်အစည်းအဝေး
များသို့့ တက်ရောက်ခဲ့ကြောင်း ပြန်ကြားရေးဝန်ကြီးဌာန၏ လူမှုကွန်ရက်စာမျက်နှာတွင်
ဇူလိုင်လ ၂၆ ရက်နေ့က ဖော်ပြထားသည်။
အာဆီယံ-တရုတ် ၀န်ကြီးများအဆင့်အစည်းအဝေးသို့ တက်ရောက်ရာတွင် ကုန်သွယ်ရေးနှင့်
ရင်းနှီးမြှုပ်နှံမှု ကဏ္ဍတွင် ပူးပေါင်းဆောင်ရွက်ပြီး အာဆီယံအသိုက် အဝန်းထူထောင်ရေးတွင်
တရုတ်နိုင်ငံက ဆက်လက် ကူညီထောက်ပံ့သွားရေး၊ တရုတ်နိုင်ငံအနေဖြင့် အာဆီယံ- တရုတ်
ဆက်သွယ်မှု 2+7 Cooperation Frameworkကို ဆောင်ရွက်သွားရေး၊ ASEAN Infrastructure
Investment Bank (AIIB) တည်ထောင်နိုင်ရေး၊ ၂၀၁၆ ခုနှစ် စက်တင်ဘာ (၇) ရက်တွင်
ဗီယင်ကျန်းမြို့၌ အာဆီယံ-တရုတ် Commemorative Summit ကျင်းပသွားနိုင်ရေးတို့နှင့်
စပ်လျဉ်း၍ ဆွေးနွေးခဲ့ကြသည်။
ထို့အပြင် ၂၀၁၆ ခုနှစ်တွင် အာဆီယံ-တရုတ် လူငယ်များ အပြန်အလှန် ပညာသင်စေလွှတ်နိုင်ရေး၊
ခရီးသွားကဏ္ဍ ပူးပေါင်းဆောင်ရွက်မှု တိုးမြှင့်သည့်အနေဖြင့် ၂၀၁၇ ခုနှစ်ကို အာဆီယံ-တရုတ်
ခရီးသွားနှစ်အဖြစ် သတ်မှတ် ဆောင်ရွက်ရေး ဆွေးနွေးခဲ့ကြကြောင်း သိရသည်။
အာဆီယံ-သြစတေးလျဝန်ကြီးအဆင့်အစည်းအဝေးတွင် ပူးတွဲသဘာပတိအဖြစ် ပြည်ထောင်စု
၀န်ကြီး ဒေါ်အောင်ဆန်း စုကြည်က ဆောင်ရွက်ပြီး အမှာစကားပြောကြားရာတွင် လူမှု၊
ယဉ်ကျေးမှုနယ်ပယ်တွင် ကျောင်းသားများ အပြန်အလှန်ဖလှယ် မှုအစီအစဉ်၊ ပြည်သူချင်း ထိတွေ့ဆက်ဆံမှုတိုးမြှင့်ခြင်းဖြင့် ဒေသနှစ်ခုအကြား ချိတ်ဆက်ရေးတို့ကို ဆောင်ရွက်ရန်
အရေးကြီးကြောင်း ပြောကြားခဲ့ပြီး ပူးပေါင််းဆောင်ရွက်ရေး ဆိုင်ရာ ဆက်လက်ဆောင်ရွက်မည့်
အစီအစဉ်များနှင့် နိုင်ငံတကာနှင့် ဒေသတွင်းဆိုင်ရာကိစ္စရပ်များကို ဆွေးနွေးခဲ့ကြသည်။
