နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အာဆီယံ ထိပ်သီးအစည်းအဝေးတက်ရောက်ရန် လာအိုနိုင်ငံသို့ ထွက်ခွာ
နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ခေါင်းဆောင်သော မြန်မာကိုယ်စားလှယ်
အဖွဲ့သည် (၂၈) ကြိမ်မြောက် နှင့် (၂၉) ကြိမ်မြောက် အာဆီယံထိပ်သီး အစည်းအဝေးများနှင့်
ဆက်စပ်ထိပ်သီးအစည်းအဝေးများသို့ တက်ရောက်ရန် လာအိုပြည်သူ့ဒီမိုကရက်တစ်သမ္မတ
နိုင်ငံ၊ ဗီယင်ကျန်းမြို့သို့ အထူးလေယာဉ် ဖြင့် စက်တင်ဘာလ ၆ ရက်နေ့တွင် ရန်ကုန်မြို့မှ ထွက်ခွာသွားကြောင်း နိုင်ငံခြား ရေးဝန်ကြီးဌာန၏ လူမှုကွန်ရက်စာမျက်နှာတွင်
စက်တင်ဘာလ ၆ ရက်နေ့က ဖော်ပြထားသည်။
ယခု ကျင်းပပြုလုပ်မည့် (၂၈) ကြိမ်မြောက်နှင့် (၂၉) ကြိမ် မြောက် အာဆီယံထိပ်သီး
အစည်းအဝေးများနှင့် ဆက်စပ် ထိပ်သီးအစည်းအဝေးများအပြီးတွင် အာဆီယံအဖွဲ့၏
အလှည့် ကျဥက္ကဌတာဝန်အား လာအိုနိုင်ငံမှ ဖိလစ်ပိုင်နိုင်ငံသို့ လွှဲပြောင်း
ပေးအပ်မည်ဖြစ်ကြောင်း သိရသည်။
