ကုလသမဂ္ဂအထွေထွေညီလာခံသို့ တက်ရောက်ရန် ရောက်ရှိနေသည့် နိုင်ငံတော်၏ အတိုင်ပင်ခံ ပုဂ္ဂိုလ်သည်
စက်တင်ဘာလ ၂၁ ရက်နေ့တွင် (၇၁) ကြိမ်မြောက် ကုလသမဂ္ဂအထွေထွေညီလာခံ၌ အထွေထွေမူဝါဒ
ရေးရာ မိန့်ခွန်းပြောကြားမည်ဖြစ်ကြောင်းနိုင်ငံခြားရေးဝန်ကြီးဌာန၏ လူမှုကွန်ရက် စာမျက်နှာတွင်
စက်တင်ဘာလ ၂၀ ရက်နေ့ကဖော်ပြထားသည်။

နယူးယောက်မြို့၊ ကုလသမဂ္ဂဌာနချုပ်တွင် ကျင်းပလျက်ရှိသည့် (၇၁) ကြိမ်မြောက် ကုလသမဂ္ဂ
အထွေထွေညီလာခံ၏ နိုင်ငံအကြီးအကဲ/ အစိုးရအဖွဲ့အကြီးအကဲများမှ အထွေထွေမူဝါဒရေးရာ
မိန့်ခွန်း ပြော ကြားမှုအစီအစဉ်ကို ၂၀-၉-၂၀၁၆ ရက်နေ့ ဒေသစံတော်ချိန် ၉ နာရီ တွင် စတင်
ဖွင့်လှစ်မည်ဖြစ်ရာ နိုင်ငံတော်၏ အတိုင်ပင်ခံပုဂ္ဂိုလ်သည် စက်တင်ဘာလ ၂၁ ရက်နေ့နံနက်ပိုင်း
အတွက် အထွေထွေမူဝါဒရေးရာ မိန့်ခွန်းပြောကြားမည့် ပုဂ္ဂိုလ်များစာရင်းတွင် (၁၄) ဦးမြောက်
ဖြစ်သည်ဟု ဆိုသည်။

အထွေထွေမူဝါဒရေးရာ မိန့်ခွန်းပြောကြားမှုများကို နေ့စဉ် ဒေသစံတော် ချိန် ၉ နာရီမှ စတင်ပြီး
နိုင်ငံအကြီးအကဲ/အစိုးရအဖွဲ့အကြီးအကဲတစ်ဦး အတွက် မိန့်ခွန်းပြောကြားချိန် (၁၅) မိနစ်
ကန့်သတ်ထားခြင်းဖြစ်သည်။

နိုင်ငံတကာတွင် ဖြစ်ပေါ်နေသည့် ကိစ္စရပ်များနှင့် ပတ်သက်ပြီး မိန့်ခွန်း ပြောကြားခြင်းဖြစ်သောကြောင့်
အလေးပေးဆွေးနွေးမည့် ဘာသာရပ် ခေါင်းစဉ်ကို နှစ်စဉ်ရွေးချယ်သတ်မှတ်လေ့ရှိပြီး ယခုနှစ်အတွက်
ဘာသာ ရပ်ခေါင်းစဉ်မှာ “The Sustainable Development Goals: a universal push to
transform our world” ဖြစ်ကြောင်း သိရသည်။

အထွေထွေမူဝါဒရေးရာ မိန့်ခွန်းပြောကြားမှုအစီအစဉ်၏ တိုက်ရိုက် ထုတ်လွှင့်မှုကို
https://gadebate. un.org/en တွင် ကြည့်ရှုနိုင် ကြောင်းနှင့် ဒေသစံတော်ချိန်(နယူးယောက်မြို့)သည်
မြန်မာစံတော် ချိန် (ရန်ကုန်မြို့) ထက် ၁၀ နာရီနှှင့် ၃၀မိနစ် နောက်ကျကြောင်း ဖော်ပြထားသည်။