''ခေတ်ပြိုင်သမိုင်းဆိုင်ရာ စာပေစာတမ်းဖတ်ပွဲနှင့် ဆောင်းရာသီ စာအုပ်စျေးရောင်းပွဲတော်'' ကို
ပြန်ကြားရေးဝန်ကြီးဌာနက ကြီးမှူး ကျင်းပမည် ဖြစ်ကြောင်း ပြန်ကြားရေးဝန်ကြီးဌာန၏ လူမှုကွန်ရက်
စာမျက်နှာတွင် နိုဝင်ဘာ ၂၂ ရက်က ဖော်ပြထားသည်။

ရန်ကုန်မြို့၊ ဗိုလ်တထောင်မြို့နယ်၊ သိမ်ဖြူလမ်းရှိ ပုံနှိပ်ရေးနှင့် ထုတ်ဝေရေးဦးစီးဌာန၊ ဗဟိုပုံနှိပ်စက်ရုံ
ပထမထပ်ခန်းမဆောင် ၌ ခေတ်ပြိုင်သမိုင်းဆိုင်ရာ စာပေစာတမ်းဖတ်ပွဲကို ကျင်းပသွား မည်ဖြစ်ပြီး
မြန်မာနိုင်ငံ စာပေထုတ်ဝေသူနှင့် ဖြန့်ချိသူများအသင်း ၏ စီစဉ်မှုဖြင့် ကျင်းပမည့် ဆောင်းရာသီ
စာအုပ် စျေးရောင်းပွဲတော် ကို အဆိုပါစက်ရုံ၏ ပထမထပ်ခန်းမဆောင် ပြင်ပပတ်လမ်းနှင့်
စက်ရုံမြေညီထပ် ပတ်လမ်းတို့၌လည်းကောင်း စာအုပ်ဆိုင်ခန်း ပေါင်း ၂ဝဝ ကျော် ဖွင့်လှစ်ကာ
ဒီဇင်ဘာ ၁ ရက်မှ ၄ ရက် အထိ လေးရက်တိုင်တိုင် နေ့စဉ် နံနက် ၉ နာရီမှ ညနေ ၅ နာရီအထိ
ခင်းကျင်းပြသရောင်းချသွားမည် ဖြစ်ကြောင်း သိရသည်။

အဆိုပါပွဲတော် ကျင်းပမည့်နေ့ရက်/နေရာတို့ကို ဖော်ပြထား သည့် အသိပေးစာတန်းပါ
ဗီနိုင်းဆိုင်းဘုတ်ကြီးကို ဗဟိုပုံနှိပ် စက်ရုံရှေ့ထောင့်၌ တစ်နေရာနှင့် သိမ်ဖြူလမ်းနှင့် အနော်ရထာ
လမ်းထောင့်၌ တစ်နေရာ စုစုပေါင်း နှစ်နေရာတို့၌ အများပြည်သူ သိရှိနိုင်ရန်
အသိပေးနှိုးဆော်ထားကြောင်း တွေ့ရသည်။