ရန်ကုန်မြို့အတွင်း မီးလောင်မှုဖြစ်စဉ်များကို အချိန်နှင့် တစ်ပြေးညီ သိရှိနိုင်စေရေး စောင့်ကြည့်
ကင်မရာများ ထပ်မံတပ်ဆင်ရန် မြို့နယ်အဆောက်အအုံများကို ရွေးချယ်နေကြောင်း မြန်မာနိုင်ငံ
မီးသတ်ဗဟိုဌာနချုပ်မှ တာဝန်ရှိသူတစ်ဦး၏ ပြောကြားချက်ကို ကိုးကားကာ မြဝတီသတင်းတစ်ရပ်
တွင် ဖေဖော်ဝါရီလ ၃ ရက်က ဖော်ပြထားသည်။
အဆိုပါ စောင့်ကြည့်ကင်မရာများသည် ၃၆ဝ ဒီဂရီ မြင်ကွင်းကျယ်အမျိုးအစား ဖြစ်သည့်အတွက်
သိသာစွာ မြင်တွေ့နိုင်မည် ဖြစ်ပြီး ပွင့်လင်းရာသီသို့ ရောက်ရှိနေပြီ ဖြစ်သောကြောင့် မီးဘေး
အန္တရာယ်ကာကွယ်မှုများကို ကြိုတင်ဆောင်ရွက်ထားနိုင်ရန်နှင့် ဆုံးရှုံးမှုလျော့နည်းစေရေးအတွက်
ရန်ကုန်တစ်မြို့လုံးကို လွှမ်းခြံုနိုင်စေမည့် နေရာ ရ နေရာ၌ ထပ်မံတပ်ဆင်နိုင်ရန် နေရာရွေးချယ်
မှုများ ပြုလုပ်လျက် ရှိကြောင်း သိရသည်။
လက်ရှိတွင် စောင့်ကြည့်ကင်မရာတပ်ဆင်မှုအနေဖြင့် ရန်ကုန်မြို့ရှိ အဆောက်အအုံ ငါးခုဖြစ်သော
ဆူးလေ ရှန်ဂရီလာဟိုတယ်၊ ဆာကူရာတာဝါ၊ မြဝတီတာဝါ၊ ရှစ်မိုင်တာဝါနှင့် ဘုရင့်နောင်တာဝါတို့၌
စောင့်ကြည့် ကင်မရာ ၂ လုံးစီ တပ်ဆင်အသုံးပြုလျက် ရှိပြီး တစ်မြို့လုံးကို လွှမ်းခြံုကြည့်ရှုနိုင်ရန်
အလေးထားဆောင်ရွက် သွားမည် ဖြစ်သည်။ ယခုနှစ်တွင် ကင်မရာနှစ်လုံး တပ်ဆင်ထားသော
အဆောက်အအုံများမှ တစ်လုံးစီ ပြန်လည်ယူဆောင်၍ ထပ်မံ တည်ဆောက်ထားသော အထပ်မြင့်
အဆောက်အအုံများ၌ ပြောင်းလဲတပ်ဆင်သွားမည်ဖြစ်ကြောင်း၊ မီးဘေး အန္တရာယ်ဖြစ်ပွားပါက
မီးငြိှမ်းသတ်ရာတွင် လိုအပ်သော ခေတ်မီပစ္စည်းကိရိယာများကိုလည်း ဝယ်ယူ ဖြည့်တင်းထားပြီး
နိုင်ငံတကာကလည်း အကူအညီများ ပေးနေကြောင်း သိရသည်။
