မြန်မာနိုင်ငံမှ အပြည်ပြည်ဆိုင်ရာ အမျိုးသမီး ကွင်းလယ်ဒိုင်လူကြီး ဒေါ်သိန်းသိန်းအေးသည်
အမျိုးသားလူငယ်လိဂ်ပြိုင်ပွဲတွင် စတင် တာဝန်ယူ ကိုင်တွယ်နေပြီ ဖြစ်ကြောင်း ပြန်ကြားရေး
၀န်ကြီးဌာန၏ လူမှုကွန်ရက်စာမျက်နှာတွင် ဖေဖော်ဝါရီလ ၈ ရက်က ဖော်ပြထားသည်။
ကမ္ဘာ့ဘောလုံးအဖွဲ့ချုပ် (ဖီဖာ) အသိအမှတ်ပြု အမျိုးသမီးကွင်းလယ် ဒိုင်လူကြီး ဒေါ်သိန်းသိန်း
အေးသည် ၂ဝ၁၆ ခုနှစ်က အိမ်ရှင်အဖြစ် လက်ခံကျင်းပခဲ့သော ၂ဝ၁၆ အာဆီယံ အမျိုးသမီး
ပြိုင်ပွဲ ဗိုလ်လုပွဲတွင် တာဝန်ထမ်းဆောင်ခဲ့ရခြင်း၊ ပါပူဝါ နယူးဂီနီနိုင်ငံ၌ ကျင်းပသော ယူ-၂ဝ
အမျိုးသမီးကမ္ဘာ့ဖလား ပြိုင်ပွဲတွင် တာဝန်ထမ်းဆောင်ခွင့် ရရှိခဲ့ခြင်းနှင့်အတူ နာမည်ကျော်ကြား
လာခဲ့ပြီး အမျိုးသားပြိုင်ပွဲများ၌ တာဝန်ထမ်းဆောင်ခွင့်ရရန် တောင်းဆိုခဲ့ရာ မြန်မာ နေရှင်နယ်
လိဂ်ကော်မတီက ခွင့်ပြုခဲ့ခြင်းဖြစ်သည်။
ဖေဖော်ဝါရီ ရ ရက်က ပဒုမ္မာကွင်း၌ ကျင်းပခဲ့သည့် ရန်ကုန် အသင်းနှင့် Southern အသင်း
တို့၏ MNL ယူ-၂၁ လူငယ် အမှတ်ပေးပြိုင်ပွဲတွင် မြန်မာနေရှင်နယ်လိဂ်ကော်မတီက ဒေါ်
သိန်းသိန်းအေးအား စတင်ထမ်းဆောင်စေခဲ့ခြင်း ဖြစ်ပြီး အရည်အသွေးတိုးတက်လာမှုအပေါ်
မူတည်၍ ပထမတန်း အမှတ်ပေးပြိုင်ပွဲနှင့် MNL ပြိုင်ပွဲတို့တွင် ဆက်လက် တာဝန်ထမ်းဆောင်
ခွင့်ပြုမည် ဖြစ်ကြောင်း သိရသည်။
ဒေါ်သိန်းသိန်းအေးသည် မြန်မာဒိုင်လူကြီးများအနက် ယူ-၂ဝ ကမ္ဘာ့ဖလားပြိုင်ပွဲတွင် ပထမဆုံး
တာဝန် ထမ်းဆောင်ခွင့်ရသည့် ဒိုင်လူကြီးဖြစ်လာခဲ့ပြီး မြန်မာဒိုင်လူကြီးလောကအတွက် ဂုဏ်ယူ
စရာ ဖြစ်ခဲ့သည်ဟု ဆိုသည်။
