မလေးရှားနိုင်ငံမှ လှူဒါန်းသည့် ထောက်ပံ့ပစ္စည်းများ စစ်တွေမြို့သို့ ရောက်ရှိ
ရခိုင်ပြည်နယ်အတွက် မလေးရှားနိုင်ငံအစိုးရက လှူဒါန်းသည့် လူသားချင်းစာနာမှု အထောက်အပံ့
ပစ္စည်းများသည် ဖေဖော်ဝါရီ ၂၁ ရက်တွင် စစ်တွေဖောင်တော်ကြီး ဆိပ်ခံတံတားသို့ ရောက်ရှိခဲ့
ကြောင်း ပြန်ကြားရေးဝန်ကြီးဌာန၏ လူမှုကွန်ရက်စာမျက်နှာတွင် ဖေဖော်ဝါရီလ ၂၂ ရက်က ဖော်ပြ
ထားသည်။
ရခိုင်ပြည်နယ်အစိုးရ၏ အစီအစဉ်ဖြင့် အဆိုပါ လူသားချင်းစာနာမှုအထောက်အပ့ံပစ္စည်းများကို ရခိုင်
ပြည်နယ်အတွင်းရှိ နှစ်ဖက်အဖွဲ့အစည်းများထံ ထောက်ပံ့သွားမည် ဖြစ်သည်။ မလေးရှားနိုင်ငံအစိုးရ
က လှူဒါန်းသည့် ပစ္စည်းများမှာ ဆန်အိတ် ၆ဝဝဝ၊ ခေါက်ဆွဲ ၁၈၄၆ ဖာ၊ ရေသန့် ၉၇၅ ဖာ၊ သွားတိုက်
ဆေး ဖာ ၁ဝဝ၊ သွားတိုက်တံ ၃၆ ဖာ၊ တဘက် ၉၅ ထုပ်၊ ပရုတ်ဆီ ၃၅ ဖာ၊ ဆပ်ပြာမှုန့် ၅၆၂ ဖာ၊
ဆပ်ပြာခဲ ၂၂ ဖာ၊ ဘီး ၈ ဖာ၊ အမျိုးသမီးလစဉ်သုံးပစ္စည်း ၁၃၉ ဖာ၊ မုတ်ဆိတ်ရိတ်ဓား ဖာ ၅ဝ၊ လက်
သည်းညှပ် ၉ ဖာနှင့် ဖိနပ် အိတ် ၅ဝ တို့ ဖြစ်ကြောင်း သိရသည်။
