ပုသိမ်မြို့တွင် ဖွင့်လှစ်ထားသည့် လုံထိန် ဖုန်းအရောင်းကုမ္ပဏီမှ ကျပ် ၂၂ သိန်း ကျော်တန်ဖိုးရှိ လက်ကိုင်ဖုန်းနှင့် နာရီများ ခိုးယူခဲ့သည့်ဝန်ထမ်းဟောင်းကို အမှုဖွင့်ပြီး နာရီပိုင်းအတွင်းသက်ဆိုင်ရာက ဖမ်းဆီးခဲ့ကြောင်း ပုသိမ်မြို့မရဲစခန်းမှသိရသည်။
မေ ၂ဝ ရက် နံနက် ၁ဝ နာရီ အချိန်ခန့်တွင် ပုသိမ်မြို့ အမှတ် ၆ ရပ်ကွက် နေ ဦးကိုကိုဒွေး က သက်ဆိုင်ရာသို့တိုင်ကြားရာ၌ မေ ၁၈ ရက် ည ၇ နာရီအချိန်ခန့်က ၄င်း ရုံးခွဲတာဝန်ခံအဖြစ် တာဝန်ယူလုပ်ကိုင်ရသည့် လုံထိန် ဖုန်းအရောင်း ကုမ္ပဏီမှ ပြူတင်းပေါက်တံခါးများကို သေချာပိတ်၍ ကမ်းနားလမ်းရှိ အိုးရှင်းစင်တာသို့ သွားရောက်ခဲ့ကြောင်း ည ၉ နာရီ အချိန်ခန့် ပြန်ရောက်စဉ် ပြုတင်းပေါက်တံခါးပွင့်နေသည်ကို မသကင်ာ္သဖြင့် ကုမ္ပဏီရုံးခန်းအတွင်းစစ်ဆေးခဲ့ကြောင်း သိရသည်။
အပေါ်ထပ် စတိုခန်းမှ လက်ကိုင်ဖုန်းမျိုးစုံ ၉ လုံးနှင့် နာရီ ၁၂ လုံး ကျပ် ၂၂၆ဝဝဝဝ ဖိုးခန့်ပျောက်ဆုံးနေသည်ကို သိရသဖြင့် ကုမ္ပဏီသို့ အကြောင်းကြားခဲ့ပြီးနောက် ရဲစခန်းသို့ တိုင်ကြားခဲ့ခြင်းဖြစ်ကြောင်း သိရသည်။ ပုသိမ်နယ်မြေရဲစခန်းက (ပ)၂ဝ၈/၁၈.ရာဇသတ်ကြီးပုဒ်မ ၃၈ဝ အရ အမှုဖွင့် စုံစမ်းခဲ့သည်။
အမှုနှင့်ပတ်သက်၍ မေ ၂ဝ ရက် နံနက် ၁၁ နာရီ ၄၅ အချိန်ခန့်တွင် အမှုဖြင့် မသကင်ာ္သူ အဆိုပါကုမ္ပဏီ၏ ဝန်ထမ်းဟောင်း အမှတ် ၄ နယ်မြေ ရပ်ကွက်နေ ကျော်သူလတ် (၃၂ နှစ်) ကို ဖမ်းဆီးစစ်ဆေးခဲ့ရာက ၄င်းယခင်က အလုပ်လုပ်ကိုင်ခဲ့သည့် ကုမ္ပဏီရုံးခန်းအိမ်သာနောက် အပြင်လေထွက်ပေါက် သွပ်ပြားကိုခွာယူကာ ရုံးခန်းစတိုအတွင်းမှ လက်ကိုင်ဖုန်းနှင့် နာရီများကို ခိုးယူခဲ့ကြောင်း၊ ပစ္စည်းများကို နေအိမ်မီးဖိုချောင်နှင့် လမ်းထိပ် တို့တွင်ဝှက်ထားခဲ့ကြောင်း သိရသဖြင့် သက်ဆိုင်ရာက၄င်းပစ္စည်းများကို သိမ်းဆည်းကာ အမှုဖွင့် အရေးယူထားသည်။
