ဝန်းသို့မြို့နယ်တွင် ပြည်သူဝန်ထမ်းကို တာဝန်ဝတ္တရားနှောက်ယှက်မှု ပြန်လည်ခုခံမှုတို့ဖြင့် တိမ်း ရှောင်နေသူတရားခံပြေးတစ်ဦးကို ရဲတပ်ဖွဲ့က ဖမ်းဆီးစဉ် ပြန်လည်ခုခံသဖြင့် သေနတ်ဖြင့် ပစ်ခတ်ဖမ်းဆီးစဉ် ဒဏ်ရာရရှိသေဆုံးခဲ့မှုဖြစ်ပွားခဲ့ကြောင်း ဝန်းသို့နယ်မြေရဲစခန်းက မေ ၂၄ ရက်နေ့ ကသိရသည်။
မေလ ၂၃ ရက်နေ့ နံနက် ၁၁ နာရီအချိန် ဝန်းသိုမြို့နယ်၊ ကျွဲခြံကူးကျေးရွာ၌ ဝန်းသိုမြို့မရဲစခန်း( ပ)၄၀/၁၆၊ ရာဇသတ်ကြီးပုဒ်မ ၃၃၃/၂၂၅/၁၁၄/ကျင့် ၅၁၂ အမှုမှ တရားခံပြေးကြေငြာထားသည့် သိုင်းအောင် မှာ ၎င်း၏ ဆွေမျိုးတော်စပ်သူ နေအိမ်သို့ရောက်ရှိနေကြောင်း သတင်းအရ ဝန်းသိုမြို့မ ရဲစခန်းမှ တပ်ဖွဲ့ဝင်များက သွားရောက် ဖမ်းဆီးခဲ့သည်။
ထိုသို့ဖမ်းဆီးစဉ် သိုင်းအောင်မှ ယာဘက်လက်တွင် အရိုး/အသွား(၈)လက်မခွဲခန့်ရှိ ဓားမြှောင် နှင့် ဝဲဘက်လက်တွင် အရှည်(၃)ပေခန့်ရှိ သစ်သားတုတ်(၁)ချောင်းကိုင်ဆောင်ကာ နေအိမ် အတွင်းမှ ပြေးထွက်လာပြီး ဝန်းသို ရဲစခန်းမှ ဒုတိယရဲအုပ် ရဲမင်းထွန်းကို ထိုး/ရိုက်သဖြင့် ဒုတိယရဲအုပ် ရဲမင်းထွန်းမှ .၃၈ ဗို့ ခြောက်လုံးပြူးဖြင့် တားဆီးပစ်ခတ်ခဲ့သည်။
ထိုသို့ပစ်ခတ်စဉ် သိုင်းအောင် တွင် ဝဲပေါင်ရင်း ဆီးခုံမှ နောက်တင်ပါးဆုံထိ ကျည်ဖောက် ထွက်ဒဏ် ရာရရှိခဲ့ပြီး သိုင်းအောင်မှ ဓားဖြင့် ထိုး၊ တုတ်ဖြင့်ရိုက်မှုကြောင့် ဒုတိယရဲအုပ် ရဲမင်းထွန်းတွင် ယာလက်ဖျံ/လက်မောင်း ဖူးရောင်ဒဏ်ရာများရရှိခဲ့သည်။
သေနတ်ဒဏ်ရာရရှိထားသည့် တရားခံပြေး သိုင်းအောင်ကို ဝန်းသိုဆေးရုံသို့ တင်ပို့ကုသစဉ် မွန်းတည့် ၁၂ နာရီတွင် သေဆုံးသွားသည်။
ဝန်းသိုမြို့မရဲစခန်း(ပ)၅၀/၁၈၊ ရာဇသတ်ကြီးပုဒ်မ ၃၃၃ (တာဝန်ထမ်း ဆောင်နေသော ပြည်သူ့ဝန် ထမ်းအား ပြင်းထန်နာကျင်စေမှု)ဖြင့် လည်းကောင်း၊ သိုင်းအောင် (သေဆုံး)မှုနှင့်ပတ်သက်၍ ဝန်းသိုမြို့ မရဲစခန်း သေမှုသေခင်းအမှတ်စဉ်(၄/၁၈)ဖြင့် လည်းကောင်း အမှုဖွင့် စစ်ဆေးလျက် ရှိသည်။
