ရွှေမိတောအတွင်း ဆင်နင်းခံရပြီး သေဆုံးနေသည့် အမျိုးသားအလောင်းတွေ့
သာပေါင်းမြို့နယ် ရွှေမိတောအတွင်း ဆင်နှင်းခံရပြီးသေဆုံးနေသည့် အမျိုးသားနှင့်ပတ်သက်၍ သတင်းပေးနိုင်ရန် သာပေါင်မြို့မရဲစခန်းက မေ ၂၅ ရက်က ထုတ်ပြန်ကြေညာထားသည်။
မေ ၂၄ ရက်နေ့ သာပေါင်းမြို့နယ်၊ ကျွန်းလျားကြီးအုပ်စု၊ ရွှေမိ(ဒေသခေါ်) တောအတွင်း မီးသွေးဖိုလုပ်ကိုင်သူ အမျိုးသာတစ်ဦး တောဆင်ရိုင်း နင်းခံရပြီးသေဆုံးကြောင်း သတင်းအရ သာပေါင်းရဲစခန်းမှသွားရောက်စစ်ဆေးခဲ့သည်။
သေဆုံးသူမှာ အသက် ၄၀ ကျေ်ာ အမည်မသိ(စုံစမ်းဆဲ )အမျိုးသားအလောင်းဖြစ်ပြီး ဦးခေါင်းပြားချပ် ကြေမွ၊ အရိုးများကျိုးကြေ၊ ဝမ်းဗိုက်ပွင့်၍ အူများထွက်နေသည်ကို သက်ဆိုင်ရာကစစ်ဆေးတွေ့ရှိခဲ့သည်။
ပတ်ဝန်းကျင်ရှိကျေးရွာများကို စုံစမ်းရာတွင်လည်း မည်သူမည်ဝါ ဖြစ်ကြောင်း မသိရှိရသဖြင့် အလောင်းကို သာပေါင်းဆေးရုံသို့ပို့အပ်ထားကြောင်း သိရသည်။
