ဇွန် ၂၅ ရက် နံနက် ၈နာရီ ၁၅မိနစ် အချိန်ခန့်တွင် အောင်ပန်းမြို့ မင်္ဂလာကန်အနီး ပြည်ထောင်စု လမ်းမကြီးပေါ်တွင် ရမည်းသင်းမြို့ တိန်းညက်ကျေးရွာနေ ယာဉ်မောင်း ဆန်းနိုင် (၄၉ နှစ်) မောင်းနှင်သည့် ကင်ဒါ (၆) ဘီးယာဉ်သည် စက်ချို့ယွင်းနေသည့် အီဇူးဇူးယာဉ်ကို စတီးကြိုးတပ်ကာ ဆွဲလာခဲ့သည်။ 
ထိုသို့ဆွဲလာစဉ် မင်္ဂလာကန်ကုန်းဆင်း မိုင်တိုင်အမှတ်(၇၈ /၇နှင့်၈)ကြားအရောက် ဆွဲလာသည့် စတီးကြိုးမှာပြုတ်၍တစ်ဖက်ယာဉ် ကြောသို့ ရောက်ရှိသွားပြီး မျက်နှာချင်းဆိုင်မှ မောင်းနှင်လာသော အမှတ် ၄၀၇ တပ်မှ DFAC စစ်စိမ်းရောင်(၆)ဘီးယာဉ်ကို တိုက်မိခဲ့သည်။ ယာဉ်တိုက်မှုကြောင့် DFAC စစ်စိမ်းရောင်(၆)ဘီး ယာဉ်မောင်းတွင် ယာဘက်ခြေသလုံး ကျိူးပဲ့ဒဏ်ရာ၊ ယင်း ယာဉ်ပေါ်တွင် လိုက်ပါလာသူတစ်ဦးတွင် နှာခေါင်းသွေးထွက် ဝဲဘက်ဦးခေါင်းဂျိူဆောင်းဖူးရောင်ဒဏ်ရာတို့ ရရှိခဲ့သည်။ အောင်ပန်းနယ်မြေရဲစခန်းက ယာဉ်(ပ)၂၃/၁၈ ရာဇသတ်ကြီးပုဒ်မ ၂၇၉/၃၃၇/၃၃၈ အရ အမှုဖွင့် အရေးယူထားသည်။