အထူးသဖြင့် ပေကျင်းက အမေရိကန်ပဲဖတ်များအပေါ် သွင်းကုန်ခွန်မြှင့်တင်ခဲ့လျှင် ဒေလီအနေဖြင့် သူတို့၏ ဈေးသက်သာမှုကိုအခွင့်ကောင်းယူကာတင်ပို့ရန် မျော်လင့်နေခြင်းဖြစ်သည်။ အကယ်၍ အခြေအနေပေး လာလျှင် ပဲပုပ်၊ မြေပဲနျင့်မြေပဲဖတ်များကို တရုတ်သို့တင်ပို့ခွင့်ရရန် မျှော်လင့်နိုင်ကြောင်း၊ မိမိတို့အနေဖြင့် ဈေးနှုန်း အားသားချက်ကိုအသုံးချပြီးအမေရိကန်၏ဈေးကွက်ကို ဝင်ရောက်နေရာယူရန်ဖြစ်ကြောင်း စီးပွားကူးသန်း ဌာန တာဝန်ရှိသူတစ်ဦးကပြောသည်။

တရုတ်ကအမေရိကန်  ပဲပုပ်၊ ဓာတုပစ္စည်း၊ ဆေးဝါးကိရိယာများအပေါ် အခွန် ၂၅%ထပ်တိုးလိုက်သော်လည်း အိန္ဒိယ၊ သီရိလင်္ကာ၊ ဘင်္ဂလားဒဒေ့ရှ်၊ တောင်ကိုရီးယား၊လာအို စသည့် အာရှပစိဖိတ် ကုန်သွယ်ရေးသဘောတူညီချက်အဖွဲ့ဝင်များ၏ ပဲပုပ်အပါအဝင်စိုက်ပျိုးရေး ထွက်ကုန်များ အပေါ် အခွန်လျှော့ချခဲ့ သည်။ အိန္ဒိယရှိသက်ဆိုင်ရာလုပ်ငန်းများအနေဖြင့် ပဲပုပ်ပဲဖတ်ဒေါ်လာသန်း၁၀ဝဖိုးနျင့် မြေပဲ ဒေါ်လာသန်း၅၀ဖို့ခန့် တရုတ်သို့တင်ပို့ရန်ရည်မှန်းနေသည်။

ယခင်ကမူ အိန္ဒိယအနေဖြင့် တရုတ်သို့ပဲပုပ်ဆီမတင်ပို့နိုင်သည့်အပြင် မြေပဲ ပို့ကုန်မှာလည်း တရုတ်တွင် အကောက်ခွန် ၁၅% ဖြစ်ခဲ့သည်။ မိမိတို့မှာ ယခင်က ပဲပုပ်ပဲဖတ်နှင့် မြေပဲတွင် မယှဉ်ပြိုင် ခဲ့ကြောင်း၊ သို့သော်ယခုအခါတွင် ဈေးနှုန်းအားသာချက်ရှိလာကြောင်း အိန္ဒိယဆီထွက်သီးနှံနှင့် ပို့ကုန်တိုးမြှင့်ရေး ကောင်စီဥက္ကဌဟောင်း ဆန်ဂျစ်ဆော်လာကဆိုသည်။ သို့တိုင် တရုတ်သို့ကုန်တင်ပို့ရာတွင် အကောက်ခွန်မ ဟုတ်သော အဟန့် အတားများအား စိုးရိမ်မှုရှိနေကြောင်း အစိုးရနှင့်ကုမ္ပဏီများထံမှသိရသည်။