ကျောက်တံခါးမြို့နယ် မြို့ချောင်းတွင် ၂လောင်းပြိုင်လူသတ်မှုဇူလိုင် ၂၉ ရက်ကဖြစ်ပွား ခဲ့ကြောင်း ဖဒိုနယ်မြေရဲစခန်းမှသိရသည်။
အဆိုပါနေ့ နံနက် ၁၀ နာရီ အချိန်တွင် မြို့ချောင်းကျေးရွာ စိန်ကန့်လန့်လမ်းနေ အမျိုးသားကြီးသည်် စျေးဝယ်သွားပြီးပြန်လာစဉ် လယ်တဲနှင့် လယ်(၅)ကွက်ကျော်ခန့်တွင်နေထိုင်သော ဦးမောင်လှ ကို ၎င်း၏နေအိမ်အောက်ထပ် တွင် ဓါးခုတ်ဒဏ်ရာများနှင့်သေဆုံးနေသည်ကိုတွေ့မြင်ခဲ့သည်။
ထို့နောက် ဦးမောင်လှ၏ဇနီးဖြစ်သူနှင်သား(၂) ယောက်တို့ကို ရှာဖွေရာနေအိမ်အနောက်ဘက် လယ် ၂ ကွက်ကျော်ခန့်တွင် ဦးမောင်လှ၏ဇနီးနော်ဗွေစေးမှာလည်း ဓါးခုတ်ဒဏ်ရာများနှင့်သေဆုံးနေသည်ကိုတွေ့ရှိခဲ့သည်။
သေဆုံးသူနှစ်ဦး၏ သား(၂) ယောက်ကို တစ်ရွာတည်းနေသူအခြားအမျိုးသားတစ်ဦး ၏တဲတွင်တွေ့ရှိရပြီး၎င်းတို့၏ပြောပြချက်အရ ဦးလေးဖြစ်သူ မြင့်ထူးက မိဘများကို ဓားဖြင့်ခုတ်သတ်ခဲ့ကြောင်း ပြောပြသိရသည်ဆိုကာ သက်ဆိုင်ရာသို့ တိုင်တန်းခဲ့သည်။
ဖဒိုနယ်မြေရဲစခန်းမှ စခန်းမှူးနှင့်အဖွဲ့က မြင့်ထူးကိုဖမ်းဆီးခဲ့ပြီး (ပ)၃၃၇/၁၈၊ ရာဇသတ်ကြီး ဥပဒေပုဒ်မ ၃၀၂ အရ အမှုဖွင့် စစ်ဆေးလျက်ရှိသည်။
