ယခင်က Power Eleven ကုမ္ပဏီ ဝိုင်ဘီအက်စ်၂၁ ယာဉ်လိုင်းတွင် ယာဉ်စီးရေ ၈၃ စီးဖြင့် နေ့စဉ် ပြေးဆွဲလျက်ရှိပြီး ခရီးသွားဦးရေ ၃၅၀ဝ၀ ခန့် နေ့စဉ်ပို့ဆောင်ဝန်ဆောင်မှုပေးလျက်ရှိရာ ယခုအခါတွင် ယာဉ် ၃၅ စီးသည် ခရီးစဉ်လမ်းကြောင်းတူ ယာဉ်လိုင်းနံပါတ်တူ ခေတ်သစ်ဘုရင့် နောင်ကုမ္ပဏီသို့ပြောင်းရွှေ့သွားခဲ့ခြင်းကြောင့် ယာဉ်တစ်စီးနှင့်တစ်စီးပြတ်တောက်သွားရခြင်းဖြစ်သည်ဟုလည်း ဆိုသည်။ ယခုလက်ရှိအချိန်တွင် Power Eleven ကုမ္ပဏီ အနေဖြင့် ကျန်ရှိနေသော ယာဉ် ၄၈ စီး ဖြင့် ခရီးသွားပြည်သူများစိတ်ချမ်းမြေ့စွာ လိုရာခရီးသို့ သက်တောင့်သက်သာ သွားလာနိူင်ရေးအတွက် ဆက်လက်ပြီး ဝန်ဆောင်မှုပေးနေကြောင်း ဆိုသည်။
Power Eleven ကုမ္ပဏီကို စီးနင်းအားပေးသော ခရီးသွားပြည်သူများ အနောက်ပိုင်းတက္ကသိုလ် ကျောင်းသား၊ ကျောင်းသူများ ၊ ဆရာ၊ ဆရာမများ၊ ဝန်ထမ်းများ အဆင်ပြေချောမွေ့ပြီး ကားစောင့်ဆိုင်းချိန်ကြာမြင့်ခြင်း၊ ကားဆက်ပြတ်တောက်မှုမရှိစေရေးတို့အတွက် ရန်ကုန်တိုင်းဒေသကြီး ကြီးကြပ်ကွက်ကဲမှုအာဏာပိုင်အဖွဲ့ သို့တင်ပြပြီး ယာဉ်စီးရေ တိုးချဲ့ပြေးဆွဲမည်ဖြစ်ကြောင်းလည်း ပြောကြားထားသည်။