ထို့အပြင် ၂၀၁၅ - ၂၀၁၆ ဘဏ္ဍာရေးနှစ်တွင် ရန်ကုန်ယာဉ်ကြောပိတ်ဆို့မှု ရှင်းလင်းရန် ခေတ်မီ မီးအချက်ပြစနစ်တပ်ဆင်ခြင်းနှင့် ထိန်းချုပ်ရေးစင်တာ တည်ဆောက်ခြင်း လုပ်ငန်းအတွက် တင်ဒါအောင်မြင်သည့် ကုမ္ပဏီ Myanmar Shwe Ying Internatiol Co, ltd & China Railwaay 21st Bureau Group Co , ltd နှင့် တန်ဖိုးကျပ် ၁၈ ဒသမ ၉၃၈ ဘီလီယံဖြင့် စာချုပ်ချုပ်ဆိုဆောင် ရွက်ခဲ့ရာ ယနေ့အချိန်ထိ ဒဏ်ကြေးကျပ် ၂၁ ဒသမ ၀၀၀ သန်း ရရှိထားပြီးဖြစ်သော်လည်း ဒဏ်ကြေး ဆက်လက်ပေးဆောင်ထားမှု မရှိခြင်းနှင့် လုပ်ငန်းပြီးစီးမှုမရှိသေးကြောင်းလည်း ၎င်းက ပြောဆိုသည်။

၂၀၁၄ - ၂၀၁၅ ခုဘဏ္ဍာရေးနှစ် ငွေလုံးငွေရင်းခွင့်ပြုရန်ပံငွေများဖြင့် ဆောင်ရွက်ခဲ့သော တိုက်ကြီး - ဥတု - ချောင်းသုံးခွ - အဖျောက်လမ်းပေါ်ရှိ ဒုံဗျိုက်တံတား တည်ဆောက်ရေးလုပ်ငန်းတွင် တွက်ချက်မှုမှားယွင်းသဖြင့် ကျပ် ၈၂ ဒသမ ၆၂၆ သန်းနှင့် အင်လန်တံတား တည်ဆောက်ရေး လုပ်ငန်းတွင် ကျပ် ၂ ဒသမ ၃၂၇ သန်း ပြန်လည်ပေးသွင်းစေခဲ့သည့် ဖြစ်စဉ်များရှိသဖြင့် လုပ်ငန်းခန့်မှန်းခြေစာရင်း များရေးဆွဲရာတွင် မှန်ကန်စေရေးစီစစ်ဆောင်ရွက်ရန်လိုအပ်ကြောင်းလည်း ဒေါ်ခင်သန်းလှက ရှင်းလင်းပြောဆိုသည်။

၂၀၁၆ -၂၀၁၇ ဘဏ္ဍာရေးနှစ်အတွင်း မြေနှင့်အဆောက်အအုံများ ဌားရမ်းခ စုစုပေါင်း ကျပ် ၇၁၃၄ ဒသမ ၄၄၀ သန်းရရှိခဲ့ကြောင်း ရန်ကုန်တိုင်းဒေသကြီး စာရင်းစစ်ချုပ်ရုံးမှသိရသည်။