အင်းစိန်မြို့နယ်တွင် စကားများရန်ဖြစ်စဉ် ဓားဖြင့်ထိုးသတ်ခဲ့သည်ဆိုသူကို သက်ဆိုင်ရာက စက်တင်ဘာ ၂၄ ရက်တွင် ဖမ်းဆီးခဲ့သည်။
စက်တင်ဘာ ၂၃ ရက် ည ၁၀ နာရီ အချိန်ခန့်တွင်အင်းစိန်မြို့နယ် စဉ့်ငူရပ်ကွက် နေ အမျိုးသမီး နေအိမ်၌ရှိနေစဉ် သားဖြစ်သူမျိုးမင်းထွန်း စဉ့်ငူရပ်ကွက် ရွာလည် လမ်းတွင် ဓားထိုးခံရပြီး အင်းစိန်ဆေးရုံသို့ရောက်နေကြောင်း သားဖြစ်သူ၏ သူငယ်များက လာရောက် ပြောပြသိရ သဖြင့်သွားရောက်ကြည့်ရှုခဲ့သည်။
သားဖြစ်သူ တွင် ဝဲရင်ဘက်ထိုးသွင်း၊ဝဲပါးထိုးသွင်း၊ ဝဲပခုံး ထိုးသွင်း၊ ဝဲလက်ပြင် ထိုးသွင်းဒဏ်ရာ၊ဝဲဘက်ခါးစောင်း ထိုးသွင်းဒဏ်ရာများရ ရှိကာ ရန်ကုန်ဆေးရုံသို့ လွဲပြောင်းကုသစဉ် စက်တင်ဘာ ၂၄ရက်နေ့ နံနက် ၅ နာရီ၃၅ နာရီအချိန်ခန့်တွင် ရရှိဒဏ်ရာ များဖြင့်သေဆုံးသွားခဲ့သည်။
ဓားဖြင့်ထိုးသူကို စုံစမ်းမေးမြန်းရာ စဉ့်ငူရပ်ကွက်နေ စိုးဝင်းသန်း(ခ)အိုစမာ ဖြစ်ကြောင်းသိရ၍ အရေးယူပေးရန်တိုင်ကြားခဲ့သည်။
အင်းစိန်မြို့မရဲစခန်းက (ပ)၁၉၆၆/၁၈ ရာဇသက်ကြီးပုဒ်မ ၃၀၂ အရ အမှုဖွင့်အရေးယူခဲ့ပြီး အင်းစိန်မြို့မရဲစခန်းမှူးး ဒုရဲမှူးကိုကိုထွေး ဦးစီးသည့် တပ်ဖွဲ့ဝင်များက ပြစ်မှုကျူးလွန် သူကို ဖမ်းဆီးစစ်ဆေးလျက်ရှိကြောင်းသိရသည်။
