ဧရာဝတီတိုင်းဒေသကြီး၊ ပုသိမ်မြို့တွင် ဗျောက်အိုး၊ မီးရူးမီးပန်းနှင့် ရူးဒိုင်းများကို လက်ကားရောင်းချနေသော ဒိုင် ကို သက်ဆိုင်ရာက အောက်တိုဘာ ၁၀ ရက်နေ့တွင် သတင်းအရဝင်ရောက်ဖမ်းဆီးခဲ့သည်။
အဆိုပါနေ့ ည ၇ နာရီခွဲအချိန်ခန့်တွင် ပုသိမ်မြို့ အမှတ် ၄ ရပ်ကွက် မင်းကြီးလမ်းနှင့် စျေးချောင်းလမ်းထောင့်ရှိ နေပြည်တော်မှန်ဆိုင်တွင် ဗျောက်အိုးမီးရှုးမီးပန်းများရောင်းချရန်သိုလှောင်ထားကြောင်းသတင်းအရသက်ဆိုင်ရာက ဝင်ရောက်စစ်ဆေးခဲ့သည်။
အဆိုပါဆိုင်အတွင်းလက်ကားရောင်းချရန်သိမ်းဆည်းထားသော ဗျောက်အိုး၊ မီးရူးမိီးပန်း၊ ရူးဒိုင်းများမှာ ပစ္စည်းစုံ ၁၉ မျိုး၊ အရေအတွက် ၁၀၀၀ ကျော်ခန့်ရှိပြီး ကာလတန်ဖိုး ၂,၈၈၈,၅၀၀ (နှစ်ဆယ့်ရှစ်သိန်း ရှစ်သောင်း ရှစ်ထောင့်ငါးရာ) ခန့်ကိုသိမ်းဆည်းရမိခဲ့သည်။
ပုသိမ်နယ်မြေစခန်းက (ပ) ၄၄၉/၁၈ ရာဇသတ်ကြီးဥပဒေပုဒ်မ ၂၈၆ ဖြင့် အမှုဖွင့်အရေးယူထားသည်။
