ကျောက်တန်းမြို့နယ်တွင် အဌားယာဉ်မောင်းကိုဓားဖြင့်ထိုးကာယာဉ်လုယူခဲ့သူကို သက်ဆိုင်ရာက ဖမ်းဆီးရမိရေးအတွက် စုံစမ်းလျက်ရှိကြောင်းသိရသည်။
အောက်တိုဘာ ၁၆ ရက်နေ့ ည ၁၁ နာရီ ၄၅ နစ်အချိန်ခန်တွင်၊ကျောက်တန်းမြို့နယ်ကျောက်တန်းမြို့နှင့်တံတားမြို့သို့ဆက်သွယ်ထားသည့် ကားလမ်းမကြီး ပီလခတ်ဘုရားကျောင်းအနီးတွင်၊တက္ကစီအငှားယာဉ်မောင်းအား လည်ပင်းဓားဖြင့်လှီးကာ ကားလုယူမှုဖြစ်ပွားကြောင်းသတင်းအရ ၊ကျောက်တန်းမြို့နယ်ရဲတပ်ဖွဲ့မှူ း ရဲမှူ းအောင်မျိ ု းလတ်နှင့်အဖွဲ့က သွားရောက်စစ်ဆေးခဲ့သည်။
အဆိုပါနေရာတွင် မြောက်ဥက္ကလာပမြို့နယ်နေ ဇော်မိုးအောင် ၄၀ နှစ်အား လည်ပင်း ပြတ်ရှဒဏ်ရရှိထားသည်ကို တွေ့ရသဖြင့်၊ကျောက်တန်းမြို့ ပြည်သူ့ဆေးရုံမှတဆင့် ရန်ကုန်ပြည်သူဆေးရုံသို့လွဲပြောင်းကုသခဲ့ရသောကြောင့် အရေးယူပေးရန်တိုင်ကြားခဲ့သည်။
စစ်ဆေးချက်အရည ၁၀ နာရီခွဲအချိန်က ၄င်းမောင်းနှင်သည့် FF/5210 ၊ Fielder. (ခဲရောင်)အငှားယာဉ်ကို မောင်းနှင်စဉ် သာကေတမြို့နယ်၊ရှုခင်းသာလမ်း၊M.O.G.E၊ရုံးရှေ့အရောက် လူတစ်ဦးက ကျောက်တန်းမြို့နယ်၊ပီလခတ်ဘုရားကျောင်းအနီးသို့၊အသွား/အပြန်၂၃၀၀၀ ကျပ်ဖြင့်၊ငါှးရမ်း၍လိုက်ပါခဲ့သည်။
ထိုသို့လိုက်ပါလာစဉ် အခင်းဖြစ်နေရာအရောက် ခရီးသည် အမျိုးသားက ကားကို ရပ်ခိုင်း၍၊ရပ်ပေးခဲ့စဉ် ခရီးသည်က ဓားဖြင့်လည်ပင်းအားလှီးခဲ့ကြောင်း ယာဉ်ပေါ်မှဆင်းပြေးစဉ် ခရီးသည်က ယာဉ်ကိုမောင်းနှင်ထွက်ပြေးသွားခဲ့ကြောင်းသိရသည်။
ပတ်ဝန်းကျင်အား အကူညီတောင်းခံစဉ် ပီလခတ်ကျေးရွာမှ ဦးစောမူးတို့အဖွဲရောက်ရှိလာပြီး၊ကျောက်တန်းမြို့မ ရဲစခန်းသို့အကြောင်းကြားခဲ့ခြင်းဖြစ်ကြောင်းသိရသည်။
၊ကျောက်တန်းမြို့မရဲစခန်းမှ(ပ)၄၀၅/၁၈ ရာဇသတ်ကြီးဥပဒေပုဒ်မ-၃၉၂အရအမှုဖွင့်စုံစမ်းခဲ့သည်။ အမှုမှလုယူခံရသည့် ယာဉ်ကို၊အောက်တိုဘာ ၁၇ ရက်နေ့နံနက် ၆နာရီခွဲအချိန်ခန့်တွင်အခင်းဖြစ်နေရာ၏ အရှေ့ဘက်(၄)ဖာလုံကျော်ခန့်အကွာ ကားလမ်းမကြီး၏မြောက်ဘက်ရေမြောင်း ထဲထိုးကျလျက်တွေ့ရှိခဲ့ပြီး ဓားဖြင့်ထိုးကာ လုယက်မှုကျူးလွန် ထွက်ပြေးခဲ့သည်ဆိုသူကို သက်ဆိုင်ရာက အမှုဖွင့် စစ်ဆေးလျက်ရှိသည်။
