မိုးကောင်းမြို့နယ် ထိုပူးဘူတာနှင့် ဆားမှော်ဘူတာကြား ရထားသံလမ်းပေါ်တွင်လူတစ်ဦးရထားကြိတ်မိသေဆုံးမှု အောက်တိုဘာ၂၆ ရက်နေ့တွင်ဖြစ်ပွားခဲ့ပြီး မိုးကောင်းမြို့မရဲစခန်းက သေမှုသေခင်းဖွင့်လှစ်စစ်ဆေးလျက်ရှိသည်။
အဆိုပါနေ့ နံနက် ၁၁နာရီ၄၅မိနစ်ခန့် တွင်မိုးကောင်းမြို့နယ် ထိုပူးဘူတာနှင့် ဆားမှော်ဘူတာကြား မီးရထားမိုင်တိုင်အမှတ် ၆၈၀ /၉ နှင့် ၁၀ ကြားတွင် ရထားကြိတ်မိ ဖြင့် လူတစ်ဦးသေဆုံးကြောင်း သတင်းအရ မိုးကောင်းမြို့မရဲစခန်းမှ ဒုရဲအုပ်မောင်မျိုး နှင့်အဖွဲ့က သွားရောက်စစ်ဆေးခဲ့သည်။
သေဆုံးသူမှာ အဆိုပါအနီးပတ်ဝန်းကျင်တွင် သွားလာနေထိုင်ပြီး စိတ်ကျန်းမာရေးချို့တဲ့နေသူ ဦးတင်ထွန်း(၇၀)နှစ် နေရပ်လိပ်စာ(စုံစမ်းဆဲ) ဆိုသူ ဖြစ် ကြောင်းသိရသည်။
သေဆုံးသူ၏ အလောင်းကို RGC သံလမ်းပြင်ရထားခုတ်မောင်းဖြတ်သန်းစဉ် တွေ့ရှိခဲ့၍ ထိုပူးဘူတာရုံပိုင်မှတစ်ဆင့် မိုးကောင်းမြို့မရဲစခန်းသို့ ဆက်သွယ်အကြောင်းကြားခဲ့ခြင်းဖြစ်ပြီး းသေဆုံးမှု နှင့်ပတ်သက်၍ မိုးကောင်းမြို့မရဲစခန်းက သေမှုသေခင်းရေးဖွင့် စစ်ဆေးလျက်ရှိသည်။
