မြန်မာနိုင်ငံက အိမ်ရှင်အဖြစ်လက်ခံကျင်းပမည့် (၁၉) ကြိမ်မြောက် အာဆီယံတက္ကသိုလ်များအားကစားပြိုင်ပွဲသို့ မလေးရှားနိုင်ငံမှ အုပ်ချုပ်သူ၊နည်းပြများနှင့် ကစားသမား ၃၈၂ ဦး ဝင်ရောက်ယှဉ်ပြိုင်မည်ဟု တရားဝင်သတင်းထုတ်ပြန်ခဲ့သည်။
သတင်းထုတ်ပြန်ပေးမည်
အာဆီယံတက္ကသိုလ်များအားကစားပြိုင်ပွဲတွင် အားကစားနည်း ၁၇မျိုးထည့်သွင်းကျင်းပမည်ဖြစ်ပြီး မလေးရှားတက္ကသိုလ်လက်ရွေးစင်အသင်းမှာ အားကစားနည်း ၁၆ မျိုး၌ ဝင်ရောက်ယှဉ်ပြိုင်မည်ဖြစ်သည်။ မလေးရှားတက္ကသိုလ်လက်ရွေးစင်အသင်းကို Malaysia Pahang University ၏ လက်ထောက်အုပ်ချုပ်ရေးမှူးဖြစ်သည့် ပါမောက္ခ Datuk Dr.Yuserrie Zianuddin ဦးဆောင်လာမည်ဖြစ်ပြီး ဆုတံဆိပ်မျှော်မှန်း ထားသည့် အားကစားနည်းများကို ဒီဇင်ဘာ ၄ရက်တွင် သတင်းထုတ်ပြန်ပေးမည်ဟု သိရသည်။
ပစ်မှတ်ထား
“ ဒီနှစ် အားကစားအဖွဲ့ကို ဦးဆောင်မယ့်သူက Malaysia Pahang University ရဲ့လက်ထောက်အုပ်ချုပ်ရေးမှူးဖြစ်တဲ့ ပါမောက္ခ Datuk Dr.Yuserrie Zianuddin ဖြစ်ပါတယ်။ ပြိုင်ပွဲမှာ ကျွန်တော်တို့ ပစ်မှတ်ထားပြီး မျှော်မှန်းထားတဲ့ ဆုတံဆိပ်တွေကိုတာ့ ဒီဇင်ဘာ ၄ ရက်မှာ ကျင်းပမယ့် Jalur Gemilang ရဲ့ဖွင့်ပွဲအခမ်းအနားမှာ ထုတ်ပြန်ကြေငြာပေးသွားမှာပါ" ဟု မလေးရှားတက္ကသိုလ်လက်ရွေးစင်အသင်း၏ အထွေထွေအတွင်းရေးဌာနမှုအဖြစ် အတာဝန်ယူထားသည့် ဟာမန်ဟူစိန်က က ပြောဆိုခဲ့သည်။
ရပ်တည်နိုင်
မလေးရှားတက္ကသိုလ်လက်ရွေးစင်အသင်းသည် ဒီဇင်ဘာ ၃ရက်တွင် မြန်မာနိုင်ငံသို့ ရောက်ရှိလာမည်ဖြစ်ပြီး စတင်စခန်းသွင်းလေ့ကျင့်မှုများပြုလုပ်မည်ဖြစ်သည်။ မလေးရှားအသင်းသည် ၂၀၁၆ခုနှစ်တွင် စင်ကာပူနိုင်ငံက အိမ်ရှင်အဖြစ်ကျင်းပခဲ့သည့် (၁၈)ကြိမ်မြောက် အာဆီယံတက္ကသိုလ်များ အားကစားပြိုင်ပွဲတွင် ရွှေတံဆိပ် ၂၇ ခု၊ ငွေတံဆိပ် ၂၉ ခုနဲ့ ကြေးတံဆိပ် ၃၄ ခုရရှိခဲ့ပြီး နိုင်ငံအလိုက် တတိယနေရာ၌ ရပ်တည်နိုင်ခဲ့သည်။
နေပြည်တော်၌ ဒီဇင်ဘာ ၈ ရက်မှ ၁၉ရက်အထိကျင်းပမည့် အဆိုပါပြိုင်ပွဲတွင် အိမ်ရှင်မြန်မာနိုင်ငံက လှေလှော်၊ မြှားပစ်၊ ရိုးရာခြင်းလုံး၊ ပိုက်ကျော်ခြင်း၊ Petanque နှင့် ဘောလုံးအားကစားနည်းများ၌ ရွှေတံဆိပ်ရရန် မျှော်မှန်းထားသည်။
