ကျောက်မဲမြို့ ဂုတ်တွင်းအဆင်း၌ ယာဉ်ဘရိတ်ပေါက်တိမ်းမှောက်ပြီး ယာဉ်ပေါ်ပါသူ အမျိုးသားတစ်ဦး သေဆုံးခဲ့မှု ဒီဇင်ဘာ ၂၀ ရက်နေ့ (ယနေ့)ဖြစ်ပွားခဲ့ သည်။
"ဂုတ်တွင်းအဆင်းမှာ ဘရိတ်ပေါက်ပြီး လမ်းဘေးက ကာရံထားတဲ့ အလူမီနီယံချောင်းတွေကို ဝင်တိုက်ပြီး ကျွန်းပင်ကို ဝင်တိုက်သွားတာပါ။ ကားမောင်းတဲ့ သူကတော့ ထိခိုက်ဒဏ်ရာရမှု သိပ်မရှိပေမယ့်။ အုံနာ/စပယ်ယာ အမျိုးသားက ခန္ဓာကိုယ်အောက်ပိုင်း ညပ်ပြီး သေဆုံးခဲ့တာပါ" ဟု ကမ်းလင့်လက်များ လူမှုကူညီရေးအသင်း(နောင်ပိုင်)မှ အတွင်းရေးမှူး ဦးစိုင်းနေအောင် က မြန်မာတိုင်းမ်ကို ပြောသည်။
ယာဉ်ခေါင်းပိုင်းတွင် ညပ်မိသေဆုံးနေသည့် အသက် ၆၀ နှစ်အရွယ်အမျိုးသား၏ အလောင်းကို ကမ်းလင့်လက်များ လူမှုကူညီရေးအသင်း(နောင်ပိန်)မှ ခက်ခဲစွာထုတ်ယူခဲ့ရပြီး ကျောက်မဲဆေးရုံ အအေးတိုက်သို့ ပို့ဆောင်ခဲ့ကြောင်းသိရသည်။
သေဆုံးမှုနှင့်ပတ်သက်၍ ယာဉ်မောင်းဖြစ်သူကို သက်ဆိုင်ရာက အမှုဖွင့် စစ်ဆေးလျက်ရှိသည်။
