လွန်ခဲ့သောအပတ်တွင် အစိုးရက အတည်ပြုခဲ့သည့် ဥပဒေကြောင့် ယာဉ်မောင်းပီသခြင်းမရှိသူများ၏ယှဉ်ပြိုင်မှုဒဏ်ကိုခံရ၍ သာမန်အငှားယာဉ်မောင်းများ ထိခိုက်နစ်နာတော့မည်ဖြစ်ကြောင်း ဆန္ဒပြသူများကပြောဆိုခဲ့သည်။

ဆန္ဒထုတ်ဖော်သည့် အငှားယာဉ်မောင်းများသည် ကယ်လီဖိုးနီးယားအခြေစိုက် အူဘားနှင့်ပတ်သက်၍ မကျေနပ်ကြောင်း ထုတ်ဖော်သည့်အနေဖြင့် အမေရိကန်သံရုံးရှေ့သို့ ချီတက်ခဲ့ပြီး ယင်းနောက် စီးပွားရေးလုပ်ငန်းနှင့် နည်းပညာဝန်ကြီးဌာနအဆောက်အအုံဘက်သို့ ဆက်လက်ချီတက်ခဲ့သည်။

ဥပဒေကြောင့် အွန်လိုင်းမှတစ်ဆင့်ဝန်ဆောင်မှုပေးသည့် အူဘားကဲ့သို့ ကုမ္ပဏီများသည် အခြားအငှားယာဉ်ကုမ္ပဏီများကဲ့သို့ပင် အခွန်ဆောင်ရမည်ဖြစ်ပြီး ဥပဒေများကိုလည်း လိုက်နာရမည်ဖြစ်ကြောင်း အခြေခံအဆောက်အအုံဝန်ကြီး အန်ဒရေ အာဒမ်ဇင်ကပြောဆိုခဲ့သည်။

နောက်ထပ်ဆန္ဒပြမှုများကို ပြုလုပ်ဦးမည်ဖြစ်ကြောင်း အငှားယာဉ်မောင်းများကပြောဆိုခဲ့သည်။အူဘားကဲ့သို့ ကုမ္ပဏီများသည် ဈေးကွက်ကို လက်ဝါးကြီးအုပ်နိုင်ခြေလည်းရှိနေကြောင်း ဆန္ဒပြသူများကပြောဆိုခဲ့သည်။