Netflix နှင့် SK Global Entertainment တို့သည် ဇာတ်ကားရိုက်ကူးရေးအတွက် ဇာတ်လမ်းမူပိုင်ခွင့်ကို 13 Thumluangကုမ္ပဏီထံမှ ဝယ်ယူပြီးဖြစ်သည်။

လူငယ် ၁၂ ဦးနှင့် နည်းပြတိုု့အားကိုယ်စားပြုပေးရန် 13 Thumluangကုမ္ပဏီကိုထိုင်းအစိုးရကထူထောင်ပေးထားခြင်းဖြစ်သည်။

Netflix နှင့် SK Global Entertainmentပူးပေါင်းကာ ရုပ်ရှင်ထုတ်လုပ်မည့်အကြောင်းသတင်းစာရှင်းလင်းပွဲကိုဗန်ကောက်တွင် ကျင်းပခဲ့ပြီးလူငယ်များနှင့် နည်းပြတို့လည်းတက်ရောက်ခဲ့ကြသည်။

ရုပ်ရှင်ရိုက်ကူးထုတ်လုပ်မည့်သတင်းကိုယခုနှစ် မတ်လတွင် ထိုင်းယဉ်ကျေးမှုဝန်ကြီးဌာနကဦးဆုံးထုတ်ပြန်ခဲ့ခြင်းဖြစ်ပြီးဇာတ်လမ်းတွဲအဖြစ် ရိုက်ကူးမည်ဟုသိရသည်။

သရုပ်ဆောင်ခနှင့် မူပိုင်ခွင့်များအတွက် လူငယ်တစ်ဦးလျှင် ထိုင်းဘတ် သုံးသန်း (ဒေါ်လာ ၉၄၀ဝ၀) ရရှိမည်ဟုလည်းထိုင်းအစိုးရလက်ထောက်ပြောခွင့်ရပုဂ္ဂိုလ် ဝီရာချွန် ဆူကွန်ဟာပါတီပါကတ်ကပြောသည်။

စတင်ရိုက်ကူးမည့်ရက်၊ ပြသမည့် ရက်များကိုမူထုတ်ပြန်ခြင်းမရှိသေးပေ။ ပြီးခဲ့သည့်နှစ် ဇွန် ၂၃ ရက်က တောဝက် ဘောလုံးအသင်းမှ လူငယ် ၁၂ ဦးနှင့် နည်းပြတို့ ပျော်ပွဲစားထွက်ရန် ဂူအတွင်းဝင်သွားပြီးနောက် ရေတက်လာသဖြင့် ပိတ်မိနေခဲ့ကြကာဂူအတွင်းရေမလွှမ်းမီအမြန်ဆုံးကယ်ထုတ်နိုင်ရေး ကြိုးပမ်းမှုများက ၎င်းတို့ကိုကမ္ဘာကျော်စေခဲ့သည်။

ရေလွှမ်းကာထွက်လမ်းပိတ်နေသောဂူအတွင်းရေမရောက်နိုင်သည့် ကမူတစ်ခုပေါ်တွင် ရက်များစွာ ခိုလှုံနေသောလူငယ်များကို ဗြိတိန်ရေငုပ်သမားနှစ်ဦးကဦးဆုံးတွေ့ရှိခဲ့ပြီးနိုင်ငံတကာဂူတွင်းရေငုပ်ကျွမ်းကျင်အဖွဲ့များ၊ ထိုင်းနေဗီဆီးလ်တပ်ဖွဲ့များပူးပေါင်းကာ ကယ်ထုတ်နိုင်ခဲ့သည်။

ရုပ်ရှင်ရိုက်ကူးစရိတ် ရရှိသည့်အထဲမှ ၁၅ ရာခိုင်နှုန်းကိုသဘာဝဘေးကယ်ဆယ်ရေး နိုင်ငံတကာအဖွဲ့အစည်းများသို့ လှူဒါန်းသွားမည်ဟု13 Thumluangကုမ္ပဏီကထုတ်ပြန်ထားသည်။