ချယ်လ်ဆီး အသင်းသမိုင်းတစ်လျှောက် ဒန်နီဘလန့်ဖလား ဝါးအမည်ရသည့် နည်းပြမှာ ၁၉၇၈ ခုနှစ်က မစ်ဒယ်ဘရော့နှင့်ပွဲကို ပွဲဦးထွက်နည်းပြခဲ့ရာ ၇ ဂိုး ၂ ဂိုးဖြင့် အရှက်တကွဲဂိုးပြတ်ရှုံးနိမ့်ခဲ့ သည်။ ဒန်နီဘလန့်ဖလားဝါးပြီးနောက် နည်းပြ လမ်းပတ်မှာ ၄၁ နှစ်အတွင်း ချယ်လ်ဆီးနည်း ပြပွဲဦးထွက် မမျှော်လင့်ဘဲ ဂိုးပြတ်ရှုံးပွဲကြုံ တွေ့ခဲ့ခြင်းဖြစ်သည်။

ချယ်လ်ဆီးကွင်းလယ်၌ ကန်တီပါဝင်ခဲ့ခြင်း မရှိဘဲ အမှားလေးခုမှတစ်ဆင့် ၄ ဂိုးပေးခဲ့ရ ခြင်းဖြစ်သည်။ ချယ်လ်ဆီးသည် ဘောလုံးပိုင် ဆိုင်မှု ၅၄ ရာခိုင်နှုန်းရရှိခဲ့ပြီး ဂိုးပေါက်ခြိမ်း ခြောက်မှု ၁၈ ကြိမ်ရခဲ့ရာ ၇ ကြိမ်ဂိုးပေါက် တည့်ခဲ့သည်။ သို့သော် ချယ်လ်ဆီးသည် ဂိုး ကံခေခဲ့ပြီး တိုင်ထိဂိုးများလည်း ရှိခဲ့သည်။ မန်ယူအသင်းအတွက် ဂိုးများကို ရက်ဖို့ဒ်တစ် ဦးတည်းက ၂ ဂိုးသွင်းယူပြီး ကျန်ဂိုးများကို မာရှယ်နှင့် ကစားသမားသစ် ဒန်နီရယ်ဂျိမ်းစ် တို့က သွင်းယူပေးခဲ့သည်။

မန်ယူအသင်းအား ၄ ဂိုးပြတ် ရှုံးနိမ့်ခဲ့ ခြင်းမှာ ချယ်လ်ဆီးအသင်းပရိသတ်များအတွက် မခံချင်စရာဖြစ်ခဲ့ရသည်။ နည်းပြလမ်းပတ် သည် ၎င်း၏ပရိုဘဝ၌ ၂၀ဝ၀ ပြည့်နှစ် ဧပြီ နောက်ပိုင်း ဂိုးအပြတ်ဆုံးရှုံးပွဲ ကြုံခဲ့ရခြင်းလည်း ဖြစ်သည်။ လမ်းပတ်သည် ၂၀ဝ၀ ပြည့်နှစ်ဧပြီ လက ဝက်စ်ဟမ်းအသင်း၌ကစားစဉ် အိုးထရက် ဖို့ဒ်၌ မန်ယူအား ၇ ဂိုး ၁ ဂိုးဖြင့် ဂိုးပြတ် ရှုံးနိမ့်ခဲ့ဖူးသည်။

ချယ်လ်ဆီးနည်းပြဟောင်း မော်ရင်ဟိုသည် မန်ယူနှင့်ချယ်လ်ဆီးပွဲအား စကိုင်းစပို့စ်တွင် ဘောလုံးသုံးသပ်သူအဖြစ်သုံးသပ်ခဲ့ရာ ချယ်လ် ဆီးအသင်းကို ဝေဖန်ခဲ့ပြီး နည်းပြလမ်းပတ် ၏ ပွဲထွက်ကစားသမား ရွေးချယ်မှုကိုလည်း အပြစ်တင်ခဲ့သည်။ လမ်းပတ်ကမူ မော်ရင်ဟို ၏ဝေဖန်မှုများကိုမူ ဂရုမစိုက်ဘဲ ပေါ်တူဂီသား အား ပြန်လည်တုံ့ပြန်ခဲ့သည်။

ဘောလုံးသုံးသပ် သူများ၏ ပြောဆိုမှုများကို အလွန်အမင်းစိုး ရိမ်နေမည်မဟုတ်ကြောင်း၊ အမှားလေးခုကျူး လွန်မိကြောင်း၊ ရှုံးပွဲကိုလက်ခံရမည်ဖြစ်ကြောင်း ပွဲအပြီး၌ တုံ့ပြန်ပြောဆိုခဲ့သည်။