ဒီဆောင်းပါးေးလက ကိုယ်ဝန်ဆောင်ချိန်မှာဖြစ်လာတဲ့ ဝက်ခြံတွေကိုဘယ်လိုသက်သာအောင်လုပ်ရမလဲဆိုတာကိုပြောပြပေးထားတာပါ။

ကိုယ်ဝန်ဆောင်ချိန်မှာ ပေါက်တဲ့ဝက်ခြံ

ကိုယ်ဝန်ဆောင်ချိန်မှာဝက်ခြံပေါက်တာက ဖြစ်လေ့ရှိတဲ့အရေပြားပြဿနာတစ်ခုပါ။ အရင်ကဝက်ခြံမပေါက်တတ်ဘူးဆိုရင်တောင် ကိုယ်ဝန်ဆောင်ချိန်မှာ ဟော်မုန်းပြောင်းလဲမှုကြောင့် ဝက်ခြံဖြစ်လာနိုင်ပါတယ်။ ကိုယ်ဝန်ဆောင် ပထမ ၃ ပတ်ကာလအတွင်းမှာ ဟော်မုန်းပမာဏမြင့်တက်မှုကြောင့် ဝက်ခြံတွေဖြစ်ရတာပါ။

ကိုယ်ဝန်ဆောင်ချိန်မှာဝက်ခြံပေါက်တာက မေမေတိုင်းဖြစ်တာတော့ မဟုတ်ပါဘူး။ ဘယ်သူ့မှာဝက်ခြံပေါက်နိုင်လဲဆိုတာကိုလည်းခန့်မှန်းရခက်ပါတယ်။ တကယ်လို့ သင့်အနေနဲ့ ရာသီလာချိန်မှာဝက်ခြံပေါက်တတ်သူဆိုရင်တော့ ကိုယ်ဝန်ဆောင်ချိန်မှာဝက်ခြံဖြစ်နိုင်ခြေကအခြားသူတွေထက်ပိုများပါတယ်။ တကယ်လို့ သင့်အနေနဲ့ ကိုယ်ဝန်ဆောင် ပထမ ၃ လပတ်ကာလမှာဝက်ခြံမထွက်ဘူးဆိုရင် နောက်ကျန်နေတဲ့ ဒုတိယ ၃ လပတ်ကာလမှာရောတတိယ ၃ လပတ်ကာလမှာပါ ဝက်ခြံပေါက်နိုင်ခြေနည်းသွားပါလိမ့်မယ်။

ကိုယ်ဝန်ဆောင်ချိန်မှာပေါက်တဲ့ ဝက်ခြံတွေကိုဘယ်လိုဖြေရှင်းမလဲ……..

ဝက်ခြံကအလှပျက်စေတဲ့အရာဖြစ်တာကြောင့် ကျန်တဲ့အချိန်တွေမှာ ဆေးဝါးတွေ၊လိမ်းဆေးတွေသုံးပြီးပျောက်ကင်းအောင်လုပ်လို့ရပေမယ့်။ ကိုယ်ဝန်ဆောင်မေမေအနေနဲ့ကတော့ မွေးမလာသေးတဲ့ ဘေဘီလေးကိုထိခိုက်မှုနည်းစေဖို့အတွက် သဘာဝဆေးနည်းတွေကိုအသုံးပြုတာကအကောင်းဆုံးဖြစ်မှာပါ။

ပန်းသီးရှာလကာရည်

ပန်းသီးရှာလကာရည် တစ်ဆ ရေသုံးဆတို့ကိုရောစပ်ပြီးဂွမ်းစလေးနဲ့တို့လို့ ဝက်ခြံတွေပေါ်မှာလိမ်းပေးလို့ရပါတယ်။ မျက်နှာပေါ်က အဆီပိုတွေကိုအထိရောက်ဆုံးဖယ်ရှားပေးနိုင်မှာပါ။

မုန့်ဖုတ်ဆော်ဒါ

မျက်နှာပေါ်ကအဆီပိုတွေကိုဖယ်ရှားပေးပြီး အနာကျက်စေနိုင်ပါတယ်။ မုန့်ဖုတ်ဆော်ဒါ လက်ဖက်ရည်ဇွန်းတစ်ဇွန်းစာကို ရေလက်ဖက်ရည်ဇွန်းတစ်ဇွန်းနဲ့ ရောစပ်ပြီး ဝက်ခြံတွေပေါ်မှာအုံပေးပါ။ ခြောက်သွားရင် ရေဆေးချပေးပါ။

အချဉ်သီး

သံပရိုသီး ဒါမှမဟုတ် သံပရာသီးတို့မှာပါဝင်နေတဲ့ Alpha hydroxy acid က ချွေးပေါက်တွေကိုပွင့်စေပြီးအရေပြားပေါ်က ဆဲလ်သေတွေကိုအထိရောက်ဆုံးဖယ်ရှားပေးပါတယ်။ ဘက်တီးရီးယားတွေကိုတိုက်ဖျက်ပေးနိုင်ပါတယ်။ ညှစ်ထားတဲ့ သံပရာရည် ဒါမှမဟုတ် သံပရိုရည်ကိုဂွမ်းစလေးမှာတို့ပြီးဝက်ခြံတွေပေါ်မှာလူးပေးပါ။ ခြောက်သွားရင် ရေအေးအေးလေးနဲ့ဆေးချလိုက်ပါ။

ပျားရည်

ဘက်တီးရီးယားတွေကိုတိုက်ဖျက်ပေးနိုင်တဲ့ အာနိသင်ရှိပါတယ်။ အသားအရေကိုကျန်းမာစေနိုင်ပါတယ်။ မျက်နှာကို ရေနွေးနွေးလေးနဲ့ သန့်စင်လိုက်ပါ။ ခြောက်အောင်သုတ်ပြီးဝက်ခြံတွေပေါ်ကိုလူးပေးပါ။ မိနစ် ၂၀ ကနေနာရီဝက်လောက်အထိထားပြီး ရေနွေးနွေးလေးနဲ့ ဆေးချလိုက်ပါ။

အုန်းဆီ

ဘက်တီးရီးယားတွေ၊ မှိုပိုးတွေကိုတိုက်ဖျက်ပေးနိုင်တဲ့ အာနိသင်ရှိပါတယ်။ အရေပြားကို ချောမွေ့စေပြီးအစိုဓာတ်ရရှိစေပါတယ်။ ဝက်ခြံဖြစ်စေတဲ့ ဘက်တီးရီးယားတွေကိုအထိရောက်ဆုံးတားဆီးပေးနိုင်ပါတယ်။ ညအိပ်ရာမဝင်ခင် မျက်နှာကိုအုန်းဆီစစ်စစ်လိမ်းအိပ်ပေးပါ။
ကိုယ်ဝန်ဆောင်ချိန်မှာဝက်ခြံပေါက်လို့ စိတ်ညစ်နေတယ်ဆိုရင် ဒီနည်းလမး်လေးတွေကိုအသုံးပြုကြည့်ကြပါနော်၊ ကိုယ်ဝန်ဆောင်မေမေတို့ရေ……………..