တေးသံရှင်​ ဖြိုးပြည်​့စုံ၊ ​ရော်​နီစန်​းလွင်​၊ ငြိမ်​းချမ်​းကိုတို့က ​အောက်​တိုဘာ ၁၅ ရက်​ မွန်းလွဲ ၂ နာရီတွင်​ ရန်ကုန်မြို့ရှိ House Of Orchid ၌ပြုလုပ်သည့် ၎င်းတို့ဖမ်းဆီးစစ်​​ဆေးခံခဲ့ရချိန်​က ကြုံ​တွေ့ခဲ့ရသည့်​ ဖြစ်​စဉ်​များအား သတင်းစာရှင်းလင်းပွဲ၌ ယင်းသို့ ပြောဆိုခဲ့ခြင်းဖြစ်သည်။

"ကျွန်​​တော်​တို့ကို ဖမ်​းဆီးစဉ်​က လုပ်​ထုံးလုပ်​နည်​းကို ​ကျော်​လွန်​လုပ်​​ဆောင်​တာ​တွေ ရှိတာ​ပေါ့။ ပြစ်​မှု​မမြောက်​တာလည်းဖြစ်​တယ်။ လုပ်​ထုံး လုပ်​နည်​​းကျော်​သွားတဲ့အတွက်​ သက်​ဆိုင်​ရာ တာဝန်​ရှိပုဂ္ဂိုလ်​​တွေအားလုံးက စစ်​​ဆေး​နေ တာ​တွေရှိပါတယ်​။ ကျွန်​​တော်​တို့လည်း ဆက်​လက်​ပြီး​တော့ စောင်​့ကြည်​့သွားမှာပါ။ နောက်​ဖြစ်​စဉ်​​တွေမှာ ကျွန်​​တော်​တို့လိုအဖြစ်​မျိုး ပြည်​သူပြည်​သာ​း​တွေ​ပေါ်မှာ မဖြစ်​ခဲ့ဘူးဆိုရင်​ ကျွန်​​တော်​တို့​ကျေနပ်​ပါတယ်" ဟု ​တေးသံရှင်​ဖြိုးပြည်​့စုံက ​ပြောဆိုခဲ့သည်​။

ဗန်ကောက်မှချိုချဉ်

ဖမ်​း​ဆီးခံရမှုဖြစ်​စဉ်​တွင်​ အပြစ်​မရှိ​ကြောင်း ကို သုံးရက်​တာကာလအတွင်​း မြန်​ဆန်​မှန်​ကန်​စွာစစ်​​ဆေးပြီး ပြန်​လွတ်​လာခြင်​းမှာ ရဲတပ်​ဖွဲ့၏စွမ်​း​ဆောင်​မှု အဓိကကျ​ကြောင်​း၊ မူးယစ်​​ဆေးဟုယူဆခံရသည်​့ ပစ္စည်​းမှာ ထိုင်းနိုင်ငံ ဗန်​​ကောက်​မြို့မှ ဝယ်​လာသည်​့ ချိုချဉ်​ဖြစ်ပြီး ရက်​လွန်​​နေပြီဖြစ်​​ကြောင်​း ဖြိုးပြည်​့စုံက ​ပြော ဆိုသည်​။

တေးသံရှင်​ ဖြိုးပြည်​့စုံ၊ ​ရော်​နီစန်​းလွင်​၊ ငြိမ်​းချမ်​းကိုတို့ သုံးဦးကို အောက်​တိုဘာ ၇ ရက်​ ည​နေ ၅ နာရီခွဲခန်​့က မြန်​မာပလာဇာ၌ မူးယစ်​​ဆေးဝါးတားဆီးနှိမ်​နင်​း​ရေးရဲတပ်​ဖွဲ့က ဖမ်​းဆီးခဲ့ပြီး ၎င်းတို့ထံမှ ကတ်​သမင်​းဟု ယူဆ ရသည်​့ ​ဆေးပြား ၁၀ ပြား​တွေ့ရှိသည်​ဟုဆို ကာ အမှုဖွင်​့ခဲ့ခြင်​းဖြစ်​သည်​။

ပြစ်မှုမမြောက်

ယင်​း​နောက်​ မူးယစ်​ရဲတပ်​ဖွဲ့မှ ရဲအရာရှိ က တရားလိုပြုလုပ်​ပြီး ဗဟန်​းမြို့မရဲစခန်​းက မူးယစ်​(ပ) ၄၄/၂၀၁၉၊ မူးယစ်​​ဆေးဝါးနှင်​့ စိတ်​ကို​ပြောင်​းလဲ​စေသည်​့ ​ဆေးဝါးများဆိုင်​ရာဥပ​ဒေပုဒ်​မ ၁၉(က)/၂၁ ဖြင်​့ အမှုဖွင့်ကာ ​အောက်​တိုဘာ ၈ ရက်​ နံနက်​ပိုင်​းက ဗဟန်း မြို့နယ်​တရားရုံး၌ ရုံးထုတ်​ချုပ်​ရမန်​ယူခဲ့ပြီး​နောက်​တစ်​ရက်​အကြာ ​အောက်​တိုဘာ ၉ရက် ည​နေပိုင်​း၌ ပြစ်​မှုမ​မြောက်​သဖြင်​့ ပြန်​လွှတ်​​ပေးခဲ့ခြင်​းဖြစ်​သည်​။