၎င်းဆေးပညာရှင်အဖွဲ့သည် လုပ်ငန်းဆောင်ရွက်ရန်အတွက် ဆေးနှင့် ဆေးပစ္စည်းများ တစ်ပါတည်း ယူဆောင် လာခဲ့ပြီး တရုတ်ပြည်သူ့သမ္မတနိုင်ငံ၏ ထောက်ပံ့မှုအဖြစ် ယွမ်ငွေ (၄,၃၃၇,၃၃၄,၂၅) တန်ဖိုး ရှိဆေးဝါးများ၊ ဆေးပစ္စည်းများ၊ဓာတ်ခွဲကိရိယာများ၊စက်ပစ္စည်းများအား မြန်မာနိုင်ငံ ကျန်းမာရေးနှင့်အားကစားဝန်ကြီးဌာနသို့ လှူဒါန်းခဲ့ သည်။

“ကူမင်းက ဆေးပညာရှင်တွေ ရောက်လာပြီး မနေ့ကတည်းက စလို့ ဒီနေ့လည်း လုပ်နေတာမို့ မအားကြဘူး။ COVID-19 ရောဂါကာကွယ်ထိန်းချုပ်ရေးနဲ့ ပတ်သက်ပြီး သူတို့အဖွဲ့နဲ့ ကျွန်တော်တို့ ဖလှယ်ကြပါတယ်။ အဲဒီအတွက် ကူမင်းဆေးတက္ကသိုလ်က ရောက်လာတာပါ”ဟု ၎င်းက မြန်မာတိုင်းသို့ အတည်ပြုပြောကြားသည်။

Kuming Medical University မှ Head Deputy Administrator Mr. Yang Lijuan နှင့်အဖွဲ့သည် မန္တလေး ဆေးရုံအရေးပေါ်ဆေးပညာဌာနတွင် COVID-19 သံသယ လူနာများအား သီးခြားထားရှိ စောင့်ကြည့်စစ်ဆေး မှုနှင့် ပြင်ဆင်ထားမှုများကို လေ့လာကြည့်ရှုကာ အကြံပြုခြင်း၊ ၎င်းရောဂါကို ကုသမှုပေးမည့် ကျန်းမာရေး ဝန်ထမ်းများ အတွက် ရောဂါကာကွယ်ရေးနည်းလမ်းများ၊ ဓါတ်ခွဲစစ်ဆေးမှုများနှင့်ဆေးပညာရပ်ဆိုင်ရာ ၎င်းတို့ အတွေ့အကြုံများဆွေးနွေးခဲ့သည်။

အဆိုပါ ဆေးပညာရှင်မျာသည် ဧပြီ ၈ ရက်နေ့က မြန်မာနိုင်ငံသို့ အထူးလေယာဉ်ဖြင့် ရောက်ရှိခဲ့ရာ Yunnan Administration of Traditional Chinese Medicine မှစီမံအုပ်ချုပ်သူ၊The First Affiliated Hospital မှ ရင်ခေါင်းနှင့် အသက်ရှူလမ်းကြောင်းဆိုင်ရာ အထူးကုဆရာဝန်၊ ကူးစက်ရောဂါ အထူးကုဆရာဝန်၊ ကူးစက်ရောဂါ ကာကွယ်ထိန်းချုပ်ရေးအထူးကုဆရာဝန်၊ကျန်းမာရေးစီမံခန့်ခွဲမှုအရာရှိ၊အကြီးတန်းသူနာပြု၊ Yunnan Center for Disease Control and Prevention မှ ကပ်ရောဂါဗေဒ ပညာရှင်များ၊ဓာတ်ခွဲပညာရှင်များနှင့် Yunnan Provincial Hospital of Traditional Chinese Medicine မှ တရုတ်တိုင်းရင်းဆေးပညာရှင်၊ပေါင်း(၁၂) ဦးဖြစ် ပြီး(၁၅)ရက်တာနေထိုင်၍ ကာကွယ်ကုသရေးလုပ်ငန်းများဆွေးနွေးအကြံပြုမည်ဟုဆိုသည်။